Jeemeth 4:9 - Wëël Jwøk

⁹ Beerra man kïmmu, ni päth cwïnynyu, ni jwöŋu. Døøyu ŋeethø maru pänh cwïny, ni døøyu met ec maru kïmmö.

Jeemeth 4:9 Iomraidhean Croise

Neemiya 8:9

Kanyøgø Neemiya, ŋata bëëdö na kwäärö mar paac, ki dïlämi ma Edhera, eni na dïpööy mar ciik Jwøk, ki jø tuuŋ Libay, jøøa caan tiet ciik Jwøk jï jiy, gena köö jï jiy bëët, ni «Dïcäŋ man en atïmö ni ena kur keere na mar Wuuö Jwøk, Jwøk maru; uuni, käru jwöŋö ni ba kïmmu.» Kiper jiy bëët gena bëëdö ni ge jwöŋö kanya wïnyge luup moa en yi wëël ciik Jwøk.

Jööp 30:31

Kiper manøgønø, thoom mara dwøl mare aniida baŋ dwør kïmmö, ni ö dwør opelø mara ni wiila gø baŋ dwør oduuru.»

Pwöc Leec Wïc 14:13

Dhaanhø løny ki man bëëde ni ŋeethø jaak, 'ba cwïnye løny ki man bëëde no opädhö, ni ö aŋuun met eci mare ni näk kïmmö.

Luup Dïpööy 2:2

Ni kööa, ni «Ŋeethø beeye gïr bøølø jaak; ni met ec, ?agïnaŋø noo duue?»

Jeremaya 31:13

Kar kaace, nyïïakuue yïthge omïnni ni mielge, ni mïn yïth wøpe ki jø døøŋŋø bëët, kiper kïmmö marge odøøya met ec, ni cøma cwïnyge, ni wëëga yïthge mïnnö na kar pänh cwïny.

Jeremaya 31:9

Geno duui ni ge jwöŋö, ni bwødha geni ni ge lämö; ni wëëga geni wääth ni ge lwøra lak näm, ki øtjöö mo thïïŋ mo bäŋ gïn mo cwanyge tietge ree; kiper beeye aani na wää jø Icrielli, geni na jø Ipariem na caal kanynya.

Wëël Kïmmö 5:15

Met cwïny marwa aränynyö, ni ö meeŋŋi marwa ni løø ree baŋ kïmmö.

Edhikiel 16:63

Køøre nø, noo wëënna ïïni ki japa reyø bëët na tïïyï, wïïï oparï ni lää wïïï, ni ba japï dhiï këët kiper lään wïc marï.› » Luummögø caana Kwäärö Wuuö Jwøki.

Edhikiel 7:16

'Ba moo bøth ki thøø noo reŋi, geno tïmö ni ge bëëdö bäät kïte, ni ge jwöŋö kaamar akuyi yïth aleye, ni ŋati man nø jwøga raay moe.

Mathiew 21:41

Ni dwøkge gø jïre, ni «Jø puur moøgø ni reyø yøø, nääe nääö ki 'näk mo raac døc, ni cïp pwöthögø ceŋ jø puur møøk mo cïpö jïre ki nyïïomøki kany wø ciekge yie.»

Mathiew 5:4

«Gwïëth en bäät jø wø kïmmi, kiper cwïnyge di cømø.

Luk 16:25

'Ba Eeberam aköö, ni ‹Wääda, caar wïïï ki kanya bëëdï piny niï kwøw. Ïïno jäŋ ki jammi mo beyø. 'Ba Ladhara bëëdö ka bëët can yïth jammi mo reyø. 'Ba kawaane cwïnye ee cïp piny kany, ni ïïni, ï ena yi rääm.

Luk 6:21

Gwïëth en jïïu, u no onäk käci ennø, kiper uuno jäŋ. Gwïëth en jïïu, u ni jwöŋi ennø, kiper uuno ŋïëri.

Luk 6:25

Otïmö ni raac jïïu, u no ojäŋ ennø, kiper uuno 'näk käci. Otïmö ni raac jïïu, u ni ŋïëri ennø, kiper uuno kïmmi ni jwöŋu.