Jeemeth 4:5 - Wëël Jwøk

⁵ Wala you caarø ni gïn wø caan Wëël Jwøki oballe jaak, ni wø köö, ni «Jwøk cwïnye lääŋŋa jwïëy mana tïïe nee bëëde dëëtø.»

Jeemeth 4:5 Iomraidhean Croise

Wïlöölö 26:14

kiper eni jïre da pïïth dïëk ki pïïth dhäk ki jø tïïc mo thööth. 'Ba jø Pilitin cwïnyge ajïtö ki keec ki eni.

Wïlöölö 30:1

'Ba kanya ö Reecalli na joot gø ni bäŋ obwöre mo ege nywølø jï Jeekap, cwïnye ajïtö ki këëny ki coki ma Liia, ni kööe ki Jeekap, «A manynya man nyöötï kööra ko obwöre, 'ba ni näk ï ba nyööt kööra, theemma man thøøa jaak.»

Wïlöölö 37:11

Ni ö uutwänni ni päŋ cwïnyge ki keec ki eni. 'Ba wänni luummögø akan cwïnye.

Wïlöölö 38:9

'Ba na neeni ya Önanni no obwöre moo nywøle paa moe, ena ci baŋ cï mädhi ni käre kööthe wiiø ki man cige dëër gø, 'ba cøøa piny jaak, kiper nee ba jïte ki nyilaal jï coki.

Wïlöölö 6:5

Ni ö Wuuö Jwøki ni joot rääö mar dhaanhø no opällö bäät piny, ni gïï wø caar dhaanhe bëët ki cwïnye beege gïï mo reyø keerge.

Wïlöölö 8:21

Ni ö Wuuö Jwøki ni ŋwääc gïna duuŋ ni met, ni kööe ki cwïnye, ni «Aani køør man nø, piny ba cäŋa ciennø këët kiper gïna tïïc dhaanhe. Kiper acaac dhaanhø man wø caare ki cwïnye ki mana täge thïnhö cøøn beeye acaara mo raac cooth. Aani thuwø gïïa näk kwøw bëët ba cäŋa raanynyø këët kaawat mana tïïa en.

Dut Pwøc 37:1

Pwöc Leec Wïc 21:10

Ŋata raac, cwïnye wø ena køør gïï mo reyø, ni nyawatge bäŋ wø raŋe ki waŋ mo beer.

Luup Dïpööy 4:4

'Ba ajooda møn ni jammi bëët mo wø tïïc ki öölö ki mo wø tïïc bëët ki køør riek waŋ, ööi ka ri këëyö man wø tägi yïthakic dhaanhø ki wati. Manøgø thuwø poot na gïn mo bäŋ tiere ni caala man many jamø nee mak.

Aydheea 11:13

Kanyøgø bëët keec mar Ipariem orwäänyi, ni ö nyïïmänni mo Juuda ni tïmge ni bäŋgø. Ipariem otïmö ni ba këëö kiper Juuda, ni ö Juuda ni ba cwaat yi Ipariem këët.

Kwään Jiy 11:29

'Ba aløk Modhe jïre, na «?Aŋø ni tïme ni këëö ïïni na kara en? Kiper doo beer ki man ö jic Wuuö Jwøki bëët ni tïmge na nyïïkuk Jwøk, ni ö Wuuö Jwøki ni kïth jwïëye bäätge.»

Kwään Jiy 23:19

Jwøk ba caal dhaanhø ni wø cäänö ki tööt; ni eni ba caal o dhaanhø ni wø laar acaaye wiil. ?Gïna näk ee caanø, a ba dee gø tïïö nidïï? ?Ni gïn mo ee buuö, a ba dee gø tïïö nee thur kare nidïï?

Jøøn 10:35

?Ni näk jøøa ö luum Jwøki baŋge ee cwølø ni juu, ni moa en yi wëël Jwøk ba maar dhal,

Jøøn 19:37

'Ba ocäŋ caannø yi wëëlö maya, ni «Dëër ŋata cwøpge, oneenge.»

Jøøn 7:42

?Kär caan wëël Jwøki na bëëde, ni Krictø doo käla ri nyïïkwaac Deebit, ni doo öö ki yi Bethelem, paana kwøŋ Deebiti bëëdö yie?»

Moa Tïïc Nyïïatwieli 7:9

«'Ba kwäre moøgø gena keeyø kiper o wääge ma Jocep, ni gathge eni baŋ jø Ijep. 'Ba Jwøk abëëdö buute,

Wëëlö Mana Göör Pøølli Baŋ Jø Röm 1:29

Ni cwïnyge bëëdö ni päŋ ki teeŋ gïïa reyø bëët, ki raay, ki päl cwïny, ki cøl cwïny. Ni cwïnyge päŋ ki gwön, ki 'näk jiy, ki wëëye, ki cwøk, ka aranya. Ni gena dïwääc nyeŋŋi,

Wëëlö Mana Göör Pøølli Baŋ Jø Röm 9:17

Kiper wëël Jwøk aköö jï Peerø, ni «Beeye gïn kiree na thïïŋa ïïni kipere, kiper nee teek mara nyoodha ki riï, nee nyeŋŋa tïme ni wïnyö dï piny bäre.»

1 Körin 6:19

?Aŋø, kuyu ni rïŋ dëëtu beeye øt Jwøk mar Jwïëc Jwøk na en kur keere ni en cwïnynyu, na jootu baŋ Jwøk? Uuni, u ba bëëdö ka wïthu,

2 Körin 6:16

?Wala Øt Jwøk ojïëe ki gïï wø lam nidïï? Kiper øøna øtø mar Jwøa kwøw, kaawat mana caan Jwøki, ni «Aano bëëdö ki geni ni cäädha dïge, ni tïma ni aana Jwøk marge, ni tïmge na jiya.»

Galeecia 3:8

'Ba wëël Jwøk, na ŋäc gø cøøn dïkwøŋ ni juurre jïëc Jwøki jïëö ni marge beer ki køør ŋäädhe, luumma nyään na met akwøŋ køp jï Eeberam, ni kööe, ni «Beeye ïïni noo gwïëth wïth juurre bëët ki køørï.»

Tayta 3:3

Kiper øøni ki dëëtø, øøna kwøŋ bëëtö ni øøna bøøre, na jø adhala, ni wïthø omaaŋŋø, ni øøna laaŋe jï gïïa reyø na en cwïnynyø, ki teeŋ gïïa many dëëtø bëët, ni thöörø ruun 'moø bëët ni cwïnynyø cøl ki jiy ni ø gwönö, ni jiy män ki øøni, ni ø män ki røgø.