Jeemeth 4:11 - Wëël Jwøk

¹¹ Nyïïmera, käru cäänö ki raay dëëtu keeru. Kiper ŋat wø cäänö ki raay dëër coki, wala ŋøla coki wøk, ŋatøgø caana raay ri ciik Jwøk, ni ŋøla ciik Jwøk wøk. 'Ba ni näk ciik Jwøk iï ŋøl wøk, ï patha ŋat wø gwøk ciik Jwøk, 'ba ïïna tïmö ni ïïna dïŋut luup.

Jeemeth 4:11 Iomraidhean Croise

Luk 6:37

«Kär dee ŋat mo ŋølu wøk, nou ba ŋøl wøk, ni bäŋe ŋat mo jäällu, nou ba jääl thuwø. Ni weyu gïï wø bayi dëëtu, 'ba gïï wø bayu owec thuwø.

Wëëlö Mana Göör Pøølli Baŋ Jø Röm 2:1

Kiper manøgønø, ï na dhaanhø, këël mo ïïna ŋa cøøn, kany wø ŋølï luum dhaanhø mør piny, riï ba diï maara piem. Kiper kany wø ŋølï luum dhaanhø mør piny, ï jääla riï. Kiper ïïni ni wø ŋut piny, ï poot bëëdö niï tïïya gïïögø ki dëëtge.

Wëëlö Mana Göör Pøølli Baŋ Jø Röm 2:13

Kiper patha jø wø wïny ciik Jwøk ni wø marge beer nyïm Jwøk, 'ba beege jø wø tïïc moa en yi ciik Jwøk noo jïëc ni marge beer.

Wëëlö Mana Göör Pøølli Baŋ Jø Röm 7:7

?'Ba agïnaŋø noo caanø nø? ?Ø doo köö, ni ciik Jwøk beeye raay? Ba doo løny. Onää bäŋ ciik Jwøk, raay ba daa ŋääö. Ni rääc par gïr ŋat mør ba daa ŋääö, onää kär caan ciik Jwøki, ni «Kärï pädö.»

1 Körin 4:5

Kiper manøgønø, käru ŋut piny ni kanya wäŋŋi poodi, ni Kwäärö poot kär öö, ŋato wëëk jammi nëënne, moø no okanø yi muudhö yøø, ni nyooth tiet luup moa en cwïny jiy. 'Ba kanyøgø jiy bëët ojïti ki pwøc mano wëëk Jwøki geni.

2 Körin 12:20

Kiper a lwäär ni kanymør no ööa, u cwäna cwänö ki bëëtö mo patha mana manynya, ni jootu aani naa cäänö ki dwøl mo ba manynyu. Ni kanymør kanyøca jïtö ki pïëm, ki keec, ki wëër, ki ŋäc røk, ki raany nyeŋ ŋat mør, ki waac nyeŋ, ka atöör, ki dïlweel.

Epeca 4:31

Weyu keec cwïny na bäre bäre, ki wëër, ki gootø, ki pïëm, ka ajaany, ki cøl cwïny bäre.

1 Timöthi 3:11

Kaawat manøgø thuwø, mään doo tïmö na jiy mo owøørø, ni ge patha dïwääc nyeŋ, 'ba røkge dege mänö ki raay, ni geno ŋäädhö ki yïth jammi bëët.

2 Timöthi 3:3

Ni cwïnyge bäŋ mëër, ni cwïnyge ba maarge dwøk piny, ni gena dïwääc nyeŋŋi, ni bäŋ gïn mo lwäärge, ni ge caala cwëënyi, ni ge män ki gïï mo beyø,

Tayta 2:3

Ni köömmi cïdëëre nee bëëtge na enønø thuwø, ni bëëtö marge wøp, ni ba tïmge na dïwääc nyeŋŋi, wala owär ki kwøŋ. 'Ba ge doo pöö ka gïïa beyø,

Jeemeth 1:16

Käru cøøgi, nyïïmera, u na mëëra ki uuni.

Jeemeth 1:19

'Ba ŋäyu gïn, nyïïmera, u na mëëra ki uuni. Beerra man ö ŋati man nø ni laar luubö wïnynyö, ni ba laar cäännö, ni ba laar wëër.

Jeemeth 1:25

'Ba ŋat wø raŋ ciik Jwøk na näk kare døøc, na näk beeye jöör pät jiy, ni put bëëtö ri gø ni ena ŋat tïïc man wø tïïc gø, ni ba tïme na ŋat wø wïny luubö jaak ni wø wïïe wïl, teeŋ ŋatøgøøni ogwïëth kiper mana tïïe.

Jeemeth 2:8

'Ba ni näk mou tïïya ciik Jwøk møn na caal ciik nyeya keda man en yi wëël Jwøk, «Mëërï ki ŋat mør kaawat man wø mëërï ki dëërï,» nou tïïyu gø na enøgønø, u tïïya gïna beer na doo tïïö.

Jeemeth 5:10

Nyïïmera, ni näk mou manynya neen jöör jwør gïï mo leth ni cwïny ocïp piny, raŋŋu bëët nyïïkuk Jwøk, jøøa cäänö ki nyeŋ Wuuö.

Jeemeth 5:7

Kiper manøgønø, nyïïmera, cïbu cwïnynyu piny, këël mano ö Kwäärö. 'Ba ŋääø, ni ŋat puur wø koora jap wø beyø ni wø ciek yi ŋöömö, ni cwïnye ee cïp piny ki gø, këël mano päth køth dhikøthi ki køth arïïa.

Jeemeth 5:9

Käru dwaallø ki dëëtu keeru, nyïïmera, nou ba ŋøl wøk. Kiper neennu, dïŋut luup cuŋŋa dhøk uudi.

1 Piter 2:1

Kiper manøgønø, weyu keec cwïny bäre, ki cwøk bëët, ka atade, ki gwön, ki wac nyeŋ bëët.