Jeemeth 3:6 - Wëël Jwøk

⁶ 'Ba leep caala maac, ni leep caala pinyi ni raac en, ni ena thäk dëëtø, ni raanynya dëël bäre, ni waaŋa kwøw bäre, na acaare moøgø bëët käla bäŋ anägö.

Jeemeth 3:6 Iomraidhean Croise

2 Camiel 16:20

'Ba kar kaagø, Abëcëlöm acäänö ka Akithöpël kiper bëët paac ni kööe, na «?Agïnaŋø noo tïïø ennø? Caan acaara marï.»

2 Camiel 19:43

'Ba aløk jø Icrielli jï jø tuuŋ Juuda ni köge, ni «Waani, da kurwa mo jïtö ki kwöre apaar dëër nyeya, kiper waana wïth tuŋi apaar, ni løny jïwa ki man köwa ni Deebit beeye nyeya marwa ni pöödha waani ki uuni. ?Aŋø, wa taagu gø aperŋø? ?Aŋø, paa wa na kwøŋ köö dïkwøŋ ni nyeya duu paac?» 'Ba jø tuuŋ Juuda adwögö ki luubö mo teek døc ni kaala mar jø Icriel.

2 Luup Nyeye 13:17

'Ba Abaaja ki jiye, jø Icriel aböötge ki böötö mo raac døc, ni put jø lenynyi moa teek mo jø Icriel ma kume ma dïpe abïïc thøø.

Pwöc Leec Wïc 15:1

Løk luubö mëëth ni beer wëër wø di paanyø, 'ba luup mo leth wø dhäya wëër.

Pwöc Leec Wïc 16:27

Dhaanhø mo wïïe raac cädö kiper tïï gïï mo reyø, ni dhee caala maac ni wø raany piny.

Pwöc Leec Wïc 6:19

ki ŋat wø kaat luubö ni wø car tööt, ki ŋat wø ŋeel män yïthakic nyïïmëëe.

Pwöc Leec Wïc 7:5

kiper niï gwøkge cer kääbi, ni beeye dhaagø mo luupe pøøth.

Aydheea 30:27

Raŋŋu, nyeŋ Wuuö Jwøk öö ki kany mo bäär; ni wëër mare liel kaamar maac mo jïye onitul ni cøl; eni wëër døc, ni dwøre bëëdö ni caala maac man wø thöör jammi.

Aydheea 50:11

'Ba ennø, u ni wø äp mäc, ni you wïrö ki deŋŋu, ni you rubö ni liel, cäädhu ki yi tar mar mäc mou, ki yïthakic mäc moa näk you rubö ki jenni. 'Ba gïno magu cera bee en, uuni, u pätha yïth gïï mo leth.

Jeremaya 20:10

Aani, jiy mo thööth awïnynya ni ge mööŋö ki nyeŋŋa, ni «Kee ena köö, ni ‹Lwär mo dwøŋ, piny opääŋe bäre.› Jäällu eni! Beerra man jäälø eni kiree!» Këël nyïïawääta bëët moa näk yaa ŋäädhö kiree, ge manynya ränynyö mara, ni köge, ni «Kanymør wïïe di maaŋŋø, nee ø jïtö ki jöö man böötø eni ki gø, ni marø cool kwör dëëre.»

Jeremaya 28:16

Kiper manøgønø, mana caan Wuuö Jwøki beeye en, ena köö, ni ‹Ennø, ï tïïa tïïö niï tøør bäät piny. Yi cwiir man kiree ï puta thøø, kiper ïïni, jiy apwönynyï nee gëëmge ki Wuuö Jwøk.› »

Ciik Kiper Dïlämme 24:11

'Ba nyenøgø na o nyi jø Icriel enø, Wuuö Jwøk apääde ni jany gø. Kanyøgø ena put jiyi kïth baŋ Modhe. 'Ba nyeŋ menni beeye Cëlömith nyi Debiray, nyen mo käla ri tuuŋ Daan.

Kwään Jiy 25:2

Kiper kar kaace jø Möap jø Icriel wø cwølge bäät olämme mo juu moge, ni ö jø Icrielli ni cämge, ni wøørge juu mo jø Möap.

Kwään Jiy 31:16

Neennu, moi beege mään moa caath køør pwöc Beelam, na wëëk jø Icriel bääyö dëër Wuuö Jwøk, ki køør luubö mana tägö Pëëgör, kanya put ajäl thøø mar Wuuö Jwøk ö bäät jiye.

Mathiew 12:24

'Ba na ö jø Paricithi na wïnyge gïnögø, gena köö, ni «Beeye kwääy anäge ma Bieldhebap keere, ni wø ö ŋati wø riem anäge wøk ki nyeŋ gø.»

Mathiew 5:22

'Ba aani, a caana gø jïïu, ni ŋat wø gooti ki coki, eni di pëënynyö kar løøk; ni ŋat wäro jaany coki, eni pëëny kwääc løøe pëënynyö; ni ŋat wäro köö, ni ‹Ïïna bøøl,› eni cøøa yi maac kar ajäla.

Maak 7:15

Bäŋ gïn mo ööi ki wøk, mo dhaanhø dee maara raanynyø kiper mana døny yi dhaanhø, 'ba beege gïï wø ö wøk ki yi dhaanhø ni wø raany dhaanhø. [

Luk 16:24

Ni cwøl gø, na ‹Awuuö ma Eeberam, køny aani. Jääŋ Ladhara, nee wï lweete keere kïth yïth pïï, nee leeba ŋïnynye. Kiper dëëra waŋŋi ki maai.›

Moa Tïïc Nyïïatwieli 20:30

'Ba jø møøk dïïu røkge othïïŋge, ni kierge wïthu nee cwïny bääŋi løøge køørge.

Moa Tïïc Nyïïatwieli 5:3

'Ba Piter aköö, na «?Ananaya, aŋø ni ö Ceethanni ni pääŋ cwïnyï en, ki man cäänï ki tööt jï Jwïëc Jwøk na en kur keere, ni kanï thäŋ gwet pwödhö en?

Moa Tïïc Nyïïatwieli 6:13

Ni kïthge jiy nyïm mo cäänö ki luup tööt, ni köge, ni «Nyenøgø wø cäänö ki luup mo reyø dëër Øtø man ni en kur keere na mar Jwøk en, ki ciik Jwøk, ni ba maar wec.

Tiet Ciik 13:6

«'Ba ni näk mo coku wala wäädï wala nyaarï wala cïïï na mëërï ki gø, wala nyawadu na ŋäyu cwïnynyu ki gø, wïïï di maaŋŋø ki piny, ni kööe, ni ‹Ö aa cøø kuna tïnynyø juu møøk,› ni cäänö kaper juu mo kuyu wala moa kuc kwäyu,

Tayta 1:11

Män geni nee lïŋge, kiper ge kiera wïth tuŋi møga karge bëët, kiper mana pööge ki pwöc mana ba dege pöö ki gø. 'Ba pwöc marge bee kiper nee ge jïtge ki gwel ki jöö mo patha kare.

Jeemeth 2:7

?Aŋø, patha geni ni wø jany nyeŋŋa mïërö ki wøør, na caa u ree?

Jeemeth 3:7

Kiper teeŋ lääy bëët ki weny ki lääy mo wø muuli ki piny, ki gïï wø bëëdö yïth näm, løny ki man pwönynyi ni möölge, ni møøk onø pwöny dhaanhe.

2 Piter 3:3

'Ba beerra man kwøŋu gïn ŋäc, ni kanyo tïme na aŋuun nïne, jø abuua oööi ni ge buuö, ni ge caatha køør gïïa reyø ni wø many cwïnyge,

3 Jøøn 1:10

'Ba ni näk maa öö, gïïa reyø ni wø tïïe ni cara nyeŋŋa ki luup mo oballe jaak, ocaana. 'Ba eni kär ŋuudö ki manøgø keere, 'ba eni ki dëëre, ena kweer thuwø ki man pänh nyïïmëëe, ni män jø wø many man pänhge geni thuwø, ni riema ge wøk ya acooŋ Jwøk.

Mana Nyooth 12:9

Ni ö thwöra dwøŋ ni lëëŋi piny. Ni beeye thwöra cääŋŋe cøøn, na cwøl na anägö ni näk Ceethan, na näk dïcuuy mar piny bäre. Ena lëëŋ piny, ni ö nyïïatwiet maalli moe ni lëëŋi piny ki eni na aciel.

Mana Nyooth 13:14

Ni eni wø cøøga jø wø bëëdö bäät piny ki køør ŋïïce na näk owëëk eni nee tïïe buut Läänögø. Ni kööm geni ni cwääge ki kït Lääna näk dëëre da ŋwel opëëllö, na kwøw.

Mana Nyooth 18:23

Ni bäŋe däär lamba mo liel yiï këët. Ni bäŋe dwør cø nyakøø ki dhaagø thiinh mo wïnynyi yiï këët. Kiper jø gath moï beege na kwörge døøŋŋø piny na wara bëëde, ni ö mïëri bëët ni cøøgi ki køør thïëth marï.

Mana Nyooth 19:20

Ni ö Lääyi ni maai, ge ki nyikuŋ jwøk mana näk patha adïëri, ŋata tïïö nyïme ki ŋïïce moa cøøk jøøa dëëtge jïtö ki ŋïï mar Läänögø, ki jøøa wøør gïna näk ocwääö na caal kïte. Gïïögø karge riet gena leeŋ yi naama liel ki maac mo jïye keec ni lïëth døc ni ge poot kwøw.