Jeemeth 3:5 - Wëël Jwøk

⁵ Kaawat manøgønø, leep a thääŋ dëël mo thiinh, 'ba eni töödö ka gïï mo døøŋŋø. Neennu, paap bäre wø waaŋa maaci mo thiinh.

Jeemeth 3:5 Iomraidhean Croise

Jööp 22:17

Kiper gena köö jï Jwøk, ni ‹Wec wa keerwa! ?Aŋø, agïnaŋø ni løny jï Jwøa en teeki jïre ki man tïïc gø dëëtwa?›

Dut Pwøc 39:1

Bwøth Wøk 15:9

«Ni kö nyimänni, ni ‹Aani a läpö nee ge maa, ni twiera geni ni pääŋŋa jammi moge; ni tïïa gïna manynya dëëtge; aani opëëllö mara owödha wøk, ni raanynya geni ki cera.›

Bwøth Wøk 5:2

'Ba Peerø aköö, na «?Aŋø, Wuuö Jwøk aŋa ni wïnynya dwøre nee jø Icriel aacge en? Aani Wuuö Jwøk kuua, këël aani thuwø jø Icriel ba wëëga wääth nee aacge.»

Pwöc Leec Wïc 12:18

Luup mo laar ka caan ni wïc kär caarø, cööbö kaamar opëëllö, 'ba lëëp jøøa wïthge leer käla køny.

Pwöc Leec Wïc 15:2

Lëëpi mo jøøa wïthge leer, beeny kwänynyö wø di ŋääö ki køørge, 'ba dhøk jøøa wïthge känni wø gwäära luup bøøl wøk.

Pwöc Leec Wïc 18:21

Kwøw ki thøø ena cer leep, ni jø wø mëër ki cäänö ojäŋ ki gïï wø duu leepi.

Pwöc Leec Wïc 26:20

Kany mo bäŋ dïwääc nyeŋ yie, pïëm wø døøa piny yie, kaawat man wø thøw maaci kany wø thum jer maaci.

Jeremaya 18:18

'Ba jø møøk aköö, ni «Ööu, nøø määnyö ki jöö man raanynyø Jeremaya ki gø. Kiper dïlämme mo wø caan ciik kee nut cøøn, ki jøøa wïthge leer ni wø cïpi ki pwöc, ki nyïïkuk Jwøk mo wø køp luum Jwøk. Ööu nø, nee eni raanynyø ki lëëpø, ni ba ciiø ïthø ki gïn wø caane.»

Edhikiel 28:2

«Wär dhaanhø, caanï jï nyeny Tayar ni kööï ni luumma caan Kwäärö Wuuö Jwøki bee en, ena köö, «ni ‹Kiper mana näk miï töödö ki cwïnyï, ïïna cäänö kiper dëërï, ni kööï, ni «Aana Jwøk, aana nø pï piny bäät wälu mar Jwøk dï naama dwøŋ.» 'Ba ïïni, ïïna dhaanhø, ï patha Jwøk, këël na cädï ki cwïnyï ni wïïï leer kaamar Jwøk.

Edhikiel 29:3

Caanï jïre ni kööï, ni man bee luumma caan Kwäärö Wuuö Jwøk, ena köö, « ‹Ka adïëri møn, ï na Peerø nyeny Ijep, ï jääla jäälö; ï ni bëëdö kaamar lääna dwøŋ, ni ïïno but piny yïthakic nyeŋ näm moï, ni kööï, ni «Naam Nail bee mara, ni eni tïïa kaper dëëra.»

Daniel 3:15

Ennø, ni näk mo rou you jiiŋŋø, kanyo wïnynyu dwør tuuŋ, ki dwør opelø, ki dwør thoom, ki dwør thoom-othïënhö, ki dwør buul, ki dööt wïth jap meeŋ bëët, ni putu cøŋŋu këël piny ni wøørru kït gïna näk yaa tïïö ki warkey, wøp; 'ba ni näk mo ba wøørru, kawaane waane en u put ka leeŋ yi maac mo orubö ni wärri. ?'Ba a jwøa ŋø nø noo piem uuni cera?»

Daniel 4:30

ena köö, na «?Aŋø, man paa beeye Babiløn na dwøŋ na geera, ni beeye kar bëët nyec na geera ki teek mara na dwøŋ, na gïr ajiem mar dööŋ kar mara, a na nyeya?»

Jeemeth 3:4

Raŋŋu jïëth naam mø, këël na døøŋge ni ge kiiwa jame mo teek, ge wø weya ogeelle mo thenh thenh, kun wø many ŋato kiiw gø.

2 Piter 2:18

'Ba dhøkge päŋ ka atöör jammi mo oballe jaak, ni ge maaŋŋa wïth jøøa bøth kany mo cään en, ceŋ jøøa en yïth raay, ki gïïa reyø ni wø many dëër dhaanhe.

Juut 1:16

'Ba jøøgø gena jø gwön ni bäŋ gïn mo pwøcge, ni ge caatha køør gïïa reyø ni wø nieŋ cwïnyge køørge, ni dhøkge päŋ ka atöör, na jø wø mwøth jiy kiper nee ge jïtge ki jammi.