Jeemeth 3:15 - Wëël Jwøk

¹⁵ 'Ba acaayøgøøni patha teeŋ man wø ööi ki maal, 'ba beeye mar piny na ba en jöör Jwøk, 'ba beeye mar anägö.

Jeemeth 3:15 Iomraidhean Croise

2 Camiel 13:3

'Ba Amnön do owänni mo nyeŋŋe cwøl ni Jönadap o Cimia cöök Deebiti; 'ba Jönadap ena dhaanhø mo waŋe riek døc.

2 Camiel 15:31

'Ba acaan dhaanhe mørri jï Deebit ni kööe, na «Akithöpël, ena dhaanhø aciel røk jøøa tuut dhøkge bäätï na no odwätö ka Abëcëlöm.» Kanyøgønø, Deebit aput lämö jï Jwøk ni kööe, «Wui, Wuuö Jwøk, akwaya ïïni, tïïc acaara mar Akithöpël ni bäŋ tiere.»

2 Camiel 16:23

'Ba ki yïth nïrögø, acaare mo wø cïp Akithöpëlli di jïëö ni nëëni keda luubö mo opëënynyö baŋ Jwøk. 'Ba Deebit ki wääde ma Abëcëlöm ge ŋäätha acaare mo Akithöpël.

Jeremaya 4:22

'Ba Wuuö Jwøk aköö, ni «Jiya bëëdö ni wïthge teek, ni ge bëëdö naa kucge, ni ge caala obwöre ma bøøre, ni wïthge bäŋ acaara. Nyeŋge reegø ka tïïc gïï mo reyø, 'ba tïïc gïn mo beer kucge.»

Luk 16:8

«Kanyøgø nø, kwääyögø, kwääy tïïc manøgø ni bëëte raac enø apwøe kiper mana caar wïïe. Kiper wäät pinyi en, nyeŋge reegø ki man ŋäcge dëëtge keerge ni kaala wäät tar.

Jøøn 3:17

Kiper Jwøk Wääde käre jääŋŋö piny nee piny jääle, 'ba beeye kiper nee piny piem ki køøre.

Jøøn 8:44

U käla ri wääu na näk anägö, nou manynya man tïïyu man wø many wääu. Eni, ena dïnääy këël ki kanya täge yie, ni bäŋ gïn manynye ra adïëri, kiper na bäŋe adïëri cwïnye. 'Ba kany wø caan tööt, eni caana gïr bëëtö mare, kiper na näk ena dïtwöt, ni beeye wää tööti.

Moa Tïïc Nyïïatwieli 13:10

ni kööe jïgø, ni «Ïïni, ïïna wär anägö, niï män ki moa beyø bëët, ni cwïnyï päŋ ki cwøk, ni ïïna ŋat dïwït. ?Aŋø, gïnögø ba weyï bäre bäre ki man bëëdï niï tïïya uutjïëth Wuuö moa tiir no oköömmö?

Wëëlö Mana Göör Pøølli Baŋ Jø Röm 1:22

'Ba na köge ni wïthge leer, gena tïmö na bøøre,

1 Körin 1:27

'Ba Jwøk jiera gïïa näk bøøre dï jap piny, nee wïth moa wïthge leer lääe, ni Jwøk jiera gïïa jägö dï jap piny nee wïth moa teek lääe.

1 Körin 2:14

'Ba ki jï ŋat mo cwïnye ba en køør Jwøk, muuce mo Jwïëc Jwøk ba jïëe, kiper nëëni keda jap bøøl jïre, ni ba maar lønyø jïre ki man kwany geni, kiper wø joot ka cwïny mo ena køør Jwøk.

1 Körin 3:19

Kiper leec wïc mar pinyi en beeye gïr bøøl ki jï Jwøk. Kiper ogöörö, ni «Eni jø wø ŋääth leec wïc marge keerge wø wëëge mak ka abïëp riek waŋ marge.»

1 Körin 3:3

Kiper cwïnynyu poot ena køør mo dëël, kiper kanyo poode nou këëö ni dïïu da pïëm, ?aŋø, cwïnynyu ba poot en køør mo dëël, nou bëëdö nou caala jiy møga jaak?

2 Körin 1:12

'Ba atöör marwa beeye en, kiper ŋäcwa ki cwïnywa ni waana bëëdö pinyi en ki bëëtö mana en kur keere na käl baŋ Jwøk, ni bäŋ atade yie, ni kadha bëëtö mana beetwa nyïmmu. Ni bëëtö marwa ba käl ri riek waŋ mar pinyi en, 'ba käla ri met yi Jwøk.

2 Körin 11:3

'Ba aana lwäyö ni wïthu di maaŋŋø ni weyu mëër mana näk adïëri ni en cwïnynyu kiper Krictø, kaawat mana tïïc thwölli ki riek waŋe na ööe ni cøøk Iip.

Pilipay 3:19

'Ba cuŋ marge beeye ränynyö, ni jwøge beeye ec, ni lään wïc marge ege tïïö na ajiem, ni cwïnyge ege cïp køør jap piny.

2 Thecalönika 2:9

'Ba ööny Ŋata raac, oööi ki køør teek Ceethan, ni ööi ka teek mo dwøŋ døc, ki ŋïïce mo cwøk ki gïï mo rëëma ec,

1 Timöthi 4:1

'Ba kawaane, ocaan Jwïëc Jwøki møn ni noo tïm kar aŋuun piny ni cään, jø møøk ŋäädhe marge owecge ki køør mano cekge ïthge jï juuk atade ki pwöc anäge,

Jeemeth 1:17

'Ba muuce bëët moa näk othur karge wø ööi ki maal ni öge piny ki baŋ Wuuö na näk wää tarri ni wø ba dak, ni ba caal tïpö ni wø dääŋi.

Jeemeth 1:5

'Ba ni näk da ŋat mo leec wïc mare orëëm dïïu, Jwøk wär pëënynye, ŋat wø cïpi jï jiy bëët ki cwïnye bäre ni ba pëëö, 'ba omëëk eni.

Jeemeth 3:17

'Ba acaara man wø ööi ki maal, bäŋ gïn mo raac dëëre, 'ba bëët-mëër ena ree, ki mööl, ki leŋ luup, ki køny mo päl, ki tïïe mo beyø, ni bäŋ dööti ariiø, wala atade.

Juut 1:19

Ni beege jøøgø ni wø tïïc apääk, ni cwïnyge ena køør jap piny, ni bäŋ Jwïëc Jwøk cwïnyge.

Mana Nyooth 12:9

Ni ö thwöra dwøŋ ni lëëŋi piny. Ni beeye thwöra cääŋŋe cøøn, na cwøl na anägö ni näk Ceethan, na näk dïcuuy mar piny bäre. Ena lëëŋ piny, ni ö nyïïatwiet maalli moe ni lëëŋi piny ki eni na aciel.

Mana Nyooth 2:24

'Ba maru, u na jø møga ni en yi Thayatira, u na näk kär jïëy ki pwöc moøgø, na kär kwany gïï wø cwøl jø møøki ni jap Ceethan moa teek, a køpa gø jïïu, ni bäŋ gïn mør mo u ööla öölö ki gø.

Mana Nyooth 9:11

'Ba nyeya marge beeye nyïïatwiel mar buura näk bäye bäŋ cuŋŋe, ni nyeŋŋe ki dhi Ibaru cwøl na Abadøn, 'ba ki dhi Gïrïïk cwøl ni Apølïën, na näk tiere beeye Dïräänyi.