Jeemeth 3:13 - Wëël Jwøk

¹³ ?Aŋa dïïu ni wïïe leer ni ŋäc luup? Beerra man ööe ni nyooth tïïe moe ki möölle mana öö ki ra acaara ki køør bëëtö mare na beer.

Jeemeth 3:13 Iomraidhean Croise

Jööp 28:28

Køøre ena köö jï dhaanhø, ni ‹Ka adïëri møn, ki man lwäär Wuuö Jwøk beeye leec wïca eni; ni man kwier gïn mo raac beeye ŋäc tiet jammi eni.› »

Luup Dïpööy 8:1

?Aŋø, aŋa ni rööm ŋati ni wïïe leer en? ?Aŋø, aŋa ni ŋäc jammi bëët ki man pät tietge? Leec wïc täärnyïm dhaanhø døøye mo leer, ni wiila cøl nyïm.

Luup Dïpööy 8:5

Ŋat wø gwøk dwør nyeya bäŋ gïn mo leth mo tïïc dëëre, ni ŋat mo wïïe leer da caa ma kare mo ŋääe ki man tïïc gïrpiny yie ki jöö ma kare.

Aydheea 29:19

Jøøa no othiel piny, met ec marge okadhi ki Wuuö Jwøk, ni ö jøøa canni ni mïn yïthge ki Jwø Icriel, eni na en kur keere.

Aydheea 60:6

'Ba athïrööle mo thööth ŋöömö marï opääŋge, ni beege athïrööle moa therø mo jø Midien ki jø Gëpër. 'Ba jø wø en Cïïba bëët geno ööi ni ge käädö ki warkey ki jer wø jïcge ŋwääi ni met, ni ge pwøya Wuuö Jwøk ni ge køpa luubö mo nyään mo met.

Aydheea 61:1

Jwïëc Kwäärö Wuuö Jwøk ena bääta, kiper Wuuö Jwøk aana jiere nee luubö mo nyään mo met caana jï jøøa can. Ni jääŋ aani nee jiy moa näk cwïnyge opädhö nee cwïnyge cøma, nee luum pät mar jøøa no omaa ki tøŋ ki jøøa no otwöö nee køba jïge,

Jeremaya 9:12

?Aŋa nø ni wïïe leer, ni ŋäc tier gïnögø? ?Na aŋa nø na cään Wuuö Jwøki ki gø, nee luum Wuuö Jwøk købe? ?Na aperŋø na räny ŋöömö ni tïme kaamar paap mo bäŋ dhaanhø mo ci yie en?

Jeremaya 9:23

Mana caan Wuuö Jwøki beeye en, ena köö, ni «Ŋat mo wïïe leer kär töödö kiper leec wïc mare, ni ŋat mo oteeø kär töödö kiper teek mare, ni ŋat mo okwär kär töödö kiper kwär mare;

Daniel 2:21

Bee eni ni wø wel nïne ki ruun. Bee eni ni wø dwøk nyeye piny, ni wø këël tiet nyeye piny. Bee eni ni wø cïp leec wïc jï jøøa wïthge leer, ni wø cïp kwänynyö jï jø wø ŋäc tiet luup.

Jepaniya 2:3

Manynyu Wuuö Jwøk, u na mwöl bëët bäät piny, ni wø gwøk ciik Wuuö Jwøk. Manynyu bëënynyö, ni manynyu bëët mööl; kanymør u gwøe gwøø cäŋ wëër mare.

Kwään Jiy 12:3

'Ba Modhe beeye dhaanhø mo mwöl døc, ni mööl mare kaala mar jiy bëët moa en bäät piny.

Mathiew 11:29

Kïthu jaadha bäätu, ni wø caal jaath puur man wø rïï ŋut dhieŋ, ni kwänynyu ki køøra, kiper a mwöl ni cwïnya bäŋ atöör. 'Ba uuno jïti ki jwömö kiper gïïa en cwïnynyu.

Mathiew 21:5

ni «Køpu jï jø Dhayan, ni ‹Neennu, nyenynyu ni ö baŋu. Eni mwöl, ni eni cäädhi ka bäät arëën, ni beeye nya arëën, nyi lään wø tïët jammi.› »

Mathiew 5:5

«Gwïëth en bäät jø wø mwöl, kiper piny owëëk geni.

Mathiew 7:24

«Kiper manøgønø, jiy bëët mo wø wïny luupa ii, ni tïïcge ge, caala ŋat mo wïïe leer, mo øde ee geer bäät kïdi.

1 Körin 6:5

Manøgø caana naa lääa wïthu. ?Aŋø, doo bäŋ dhaanhø aciel dïïu bäre mo wïïe leer ki man ŋøl luum wø tägi yïthakic nyïïmëëe moa näk jø Jwøk?

2 Körin 10:1

A na Pøøl ki dëëra, a kwaya uuni ki køør mööl mar Krictø, ki bäth ec mare, ni beeye a ŋat wø døøc dëëra mo mwöl kany wø ena buutu, ni en cerri cwïnya kany wø tøøra.

2 Körin 8:24

Kiper manøgønø, nyoothu mëër maru jïge, nee tier atöör marwa kiperu nee ŋäc acook Jwøki.

Galeecia 5:23

ki mööl, ki män røk. Teeŋ gïïögøøni, bäŋ ciik aciel mo kwier ge.

Galeecia 6:1

Nyïïmera, noo dee ŋat jootu no obääyö, u ni cwïnynyu en køør Jwøk, wär cou baŋe nou mwöl, ni dwøgu gø kare. 'Ba riï wär gwøgï, niï ba päänynyi thuwø.

Galeecia 6:4

Beerra man ö ŋati man nø ni raŋ tïïc mare keere, no orømø. Køøre, gïno tööde kipere oen jïre keere, ni paa kiper mano pääny dëëre ki watge mør.

Epeca 4:2

nou mwöl ni bäŋ atöör cwïnynyu, ni bäŋ jøømø, ni cwïnynyu you cïp piny ki røgu ki ri mëër,

Pilipay 1:27

'Ba man caana jïïu keere nø, bëëdu ni bëëtö maru orømø ki luumma nyään na met mar Krictø. Kiper ni näk maa duua baŋu ni neena uuni, wala a ba ö baŋu, nee wïnynya ki man näk mou cuŋŋö nou teek ki cwïny aciel, ni döötu aciel, nou tïïö døc ni dëëtu you maa karubëët, kiper ŋäädhe mar luumma nyään na met.

Köløcia 3:12

Kiper manøgønø, kaawat mana ö Jwøki na jier uuni, nou ena kur keeru na mo Jwøk ni uuno omëëye, bëëdu ni cwïnynyu jööt, ni yïthu bäth, nou mwöl, ni bäŋ atöör, ni cwïnynyu you cïp piny.

1 Timöthi 4:12

Ni bäŋe ŋat jøøŋ ïïni kiper thïnhö marï, 'ba tïmï ni ïïna jöö jï jøøa näk ojïëy ki yïth luup moï, ki bëëtö marï, ki mëër marï, ki ŋäädhe marï, niï ciil ki raay bëët.

1 Timöthi 6:11

'Ba ïïni, ï na dhaanh Jwøk, tïïc karï ni bäär ki gïïögø. Këël wïïï ri gïïa beyø ki bëët jöör Jwøk, ki ŋäädhe, ki mëër, niï teek, niï mwöl.

2 Timöthi 2:25

na ŋat wø pwöny jøøa wïthge teek ni eni mwöl, ni kanymør geno wëëk Jwøki løk cwïny, ki man ŋäcge adïëri,

Tayta 3:2

ni bäŋe ya gïn mo raac mo caange dëër ŋat mør, ni kwierge wëëye, ni tïmge ni ge mwöl, ni tïmge ni jiy bëët ege wøørø na adïëri.

Ibaru 13:5

Bëëdu ni dëëtu you gwøø ki mëëc jammi, ni uuno rømø ki mou na en jïïu. Kiper Jwøk aköö, ni «U ba leeŋa piny, ni ba wiia uuni.»

Jeemeth 1:21

Kiper manøgøøni, weyu gïïa reyø bëët ki gïïa näk patha karge bëët, ni jïëyu ki luumma piith cwïnynyu nou mwöl, na näk løny jïre ki man piem jwïëyu.

Jeemeth 2:18

'Ba kanymør da ŋat mo köö, ni «Ïïni cwïnyï da ŋäädhe, 'ba aani mara beeye tïïe.» Beer, nyuth a ŋäädhe marï na näk bäŋ tïïe ree, 'ba ŋäädhe mara onyoodha jïrï ki ri tïïe 'moa.

Jeemeth 3:1

Nyïïmera, kär jiy mo thööth tïmö na dïpööye dïïu. Kiper ŋäyu ni waani ni pöö en, ajäla marwa tïmö ni dwøŋŋa eni.

Jeemeth 3:17

'Ba acaara man wø ööi ki maal, bäŋ gïn mo raac dëëre, 'ba bëët-mëër ena ree, ki mööl, ki leŋ luup, ki køny mo päl, ki tïïe mo beyø, ni bäŋ dööti ariiø, wala atade.

1 Piter 1:15

'Ba bëëdu ki bëëtö mana en kur keere ki yi bëëtö maru bäre, kaamar Jwøk na cwøl uuni ni en kur keere.

1 Piter 2:12

Bëëdu ki bëëtö ma wøp dï juurre, kiper manøgønø, këël ge doo cäänö dëëtu ki gïï mo reyø ni uuna jø raay, nee tïïe moa beyø ni wø tïïyu nee neenge ni jiemge Jwøk dïcäŋo lïïmme.

1 Piter 2:9

'Ba uuni, uuna jiy mo ojierø, ni nägu dïlämme mo tuuŋ kwär, na jiy mo ena kur keerge, na jic Jwøk kiree, kiper nee moa beyø na tïïc ŋata cwöl uuni wøk ki yi muudhö ni kïth uuni yi taye na beer døc, nee køpu.

1 Piter 3:4

'Ba wøp maru wär tïme na mööl ki lïŋŋe ni en cwïnynyu ni wø ba ränynyi, ni beege ni mïërö ki waŋ Jwøk.