Jeemeth 3:1 - Wëël Jwøk

¹ Nyïïmera, kär jiy mo thööth tïmö na dïpööye dïïu. Kiper ŋäyu ni waani ni pöö en, ajäla marwa tïmö ni dwøŋŋa eni.

Jeemeth 3:1 Iomraidhean Croise

Ciik Kiper Dïlämme 10:3

Ni put Modhe köö jï Aran, ni «Manøgø beeye gïna caan Wuuö Jwøki na kööe, «ni ‹Jiy mo wø nyänh buuta naa tïnyge, a wär raŋge naa ena kur keera, naa bëëdö naa di wøørø nyïm jiy bëët.› » 'Ba Aran alïŋö jaak.

Milkiya 2:12

Beerra man ö Wuuö Jwøki ni raany teeŋ ŋatøgø nø ki nyïïkwaaye bëët dï jic Jeekap, ni tïme ni bäŋ ŋat mo dööŋ jïre mo cïpi ko olämme jï Wuuö Jwøk, eni na wïth jammi bëët.

Mathiew 10:24

«Ŋat mo di pwönynyö ba dwøŋŋa eni ki dïpööy mare, ni ŋat tïïc ba dwøŋŋa eni ki kwääye.

Mathiew 23:13

«'Ba u dïpööye mo ciik Jwøk ki jø Paricith, u na jø atade, otïmö ni raac jïïu, kiper buya käl maal you mänö ki jiy. Kiper u ki dëëtu u ba ci yie, ni jøøa doo ci yie ba wëënnu thuwø.

Mathiew 9:11

'Ba na ö jø Paricithi na neenge gïnögø, gena köö jï bääge, na «?Aŋø ni cäm dïpööyi maru ki jø ajwäk ki jø raay en?»

Luk 16:2

Ni put gø cwøl baŋe, ni kööe jïgø, na ‹?Agïnaŋø ni wïnynya kiperï en? Mëëk a wëëlla en cerï nee jammi cääbø, kiper ï ba maar bëëdö ni ïïna kwääy tïïc këët.›

Luk 6:37

«Kär dee ŋat mo ŋølu wøk, nou ba ŋøl wøk, ni bäŋe ŋat mo jäällu, nou ba jääl thuwø. Ni weyu gïï wø bayi dëëtu, 'ba gïï wø bayu owec thuwø.

Jøøn 3:10

Ni løgi ya Jecu jïre, ni «?Ï paa dïpööy mar Icriel? ?Gïnögø doo poodø ni kuyï?

Moa Tïïc Nyïïatwieli 13:1

'Ba kanyøgø ya acooŋ Jwøk mana en Antïëk da nyïïkuk Jwøk ki dïpööye, ni beege Barnaba ki Cimien ni wø cwøl ni Najer, ki Lucia ŋat ma nyï Cayriin, ki Manien na piith po kwäärö ma Eerat, ki Cøøl.

1 Körin 12:28

'Ba Jwøk aröönyö ki jiy ya acooŋ Jwøk. Dïkwøŋ beege nyïïatwieli, rietge beege nyïïkuk Jwøk, dääge beege dïpööye, køøre beege jø wø tïïc gïï mo rëëma ec, køøre ki muuy mar riem täwe, ki dïkunynye, ki dïnyuuthe, ki jøøa wëëk teek ki man cäänge ki teeŋ dhøgi møøk.

2 Körin 5:10

Kiper øøni bëët ø cuŋŋö nyïm thunh løøk mar Krictø, nee ŋati man nø jïte ki gïno joode na näk orømø ki gïïa tïïe na en ri dëël, nee gïï mo beyø, wala gïï mo reyø.

Epeca 4:11

'Ba muuce moe moa cïbe beeye ki man tïm jø møøki na nyïïatwieli, ni tïm jø møøki na nyïïkuk Jwøk, ni tïm jø møøki na jø wø køp luum Jwøk, ni tïm jø møøki na dïkwääc jiy ki dïpööye,

1 Timöthi 1:7

Ni ge manynya man tïmge ni gena dïpööye mo ciik Jwøk, këël na kucge tiet gïï wø carge, wala gïï wø pïëmge kiperge.

1 Timöthi 2:7

Ni beeye gïna jier aani kipere, naa tïma naa køpa luum Jwøk, ni näga nyïïatwiel, ni aana dïpööy jï juurre, ki man pwönynya geni ki ŋäädhe ka adïëri. 'Ba a caana adïëri, naa ba caan tööt.

2 Timöthi 1:11

Ni beeye luummögø na nyään na met na kwany aani kiper nee køba, ni aana nyïïatwiel ni näga dïpööy.

Ibaru 13:17

Leŋŋu dööt jø wø bwøth uuni, ni jïëyu geni. Kiper ge koora jwïëyu, ni ŋäcge ni beege noo pëënynyi ki gïïa tïïcge. Beerra man wëëgu geni tïïc gïnögø ni yïthge met, ni cwïnyge ba peek. Kiper ni näk ma enøgønø tïmö ni bäŋ gïn mo beer mo kwanynyu.

Jeemeth 1:16

Käru cøøgi, nyïïmera, u na mëëra ki uuni.

Jeemeth 1:19

'Ba ŋäyu gïn, nyïïmera, u na mëëra ki uuni. Beerra man ö ŋati man nø ni laar luubö wïnynyö, ni ba laar cäännö, ni ba laar wëër.

Jeemeth 3:10

Ni beeye dhøøgø na aciel enø ni wø pwöö ni cïëne. 'Ba, nyïïmera, manøgø ba doo naa enønø.

1 Piter 5:3

Ni ba tïmu ni uuna kwääri bäät jøø ni en ceŋŋu yøø, 'ba bëëdu ni uuna jiy ma wøpe nee bëëtö maru ŋwaal pïïthi.