Jeemeth 2:7 - Wëël Jwøk

⁷ ?Aŋø, patha geni ni wø jany nyeŋŋa mïërö ki wøør, na caa u ree?

Jeemeth 2:7 Iomraidhean Croise

Obeec Dudi 1:3

Maar riia mana näk iï wïïrö, ŋwäänynye ec døøye mo met, ni wïny nyeŋ marï caala maaw mo ŋwäänynye met mo oøøc piny ni muulö. Kiper manøgønø, nyïïakuue mëër ki ïïni.

Aydheea 43:7

ni beege jiy bëët moa näk cwøla ri nyeŋŋa, na cwääa kiper ajiem mara, ni beege moa tïïa ki cera kiree.› »

Aydheea 65:15

Nyeŋŋu odööŋ na gïr acïëni yïthakic jiya na näk yaa jierø, ni ööa, a na Kwäärö Wuuö Jwøk, ni wëëga u thøø; 'ba aani, a cïpö ki nyeŋ mo nyään jï jiya.

Aydheea 7:14

Kiper manøgønø, Kwäärö Wuuö Jwøk ki dëëre cïpö jïïu ki nyuudhi; ka adïëri møn, nyakøø mo dëër dïcwøø poot kuue ojïti ki nyilaal ni lwaare ki gø na dïcwøø, ni cak nyeŋ gø ni Imanuwel.

Jeremaya 23:6

'Ba ki yïth nïr nyec moe jø Juuda di piemø, ni ö geni na jø Icriel ni bëëtge ni geno nikwak. 'Ba man beeye nyeŋŋe mano cwøl eni ki gø, ni ‹Wuuö Jwøk beeye tier bëënynyö marø.›

Mathiew 1:23

ni «Nyakøø mo dëër dïcwøø poot kuue ojïti ki nyilaal ma cïïŋŋö; 'ba nyeŋŋe ocak ni Imanuwel», na näk tiere beeye ni «Jwøk ena buutø».

Mathiew 12:24

'Ba na ö jø Paricithi na wïnyge gïnögø, gena köö, ni «Beeye kwääy anäge ma Bieldhebap keere, ni wø ö ŋati wø riem anäge wøk ki nyeŋ gø.»

Mathiew 27:63

ni köge, ni «Kwäärö, wïthwa aparwa ki luum dïcuuy manøgø, kanya poode ni kwøw ena köö, ni ‹Køør nïne adäk, a cäŋa ö maal ki yi thøø.›

Moa Tïïc Nyïïatwieli 11:26

'Ba na joot gø, ena käl Antïëk. Ni cuŋge ka acooŋ Jwøk ki cwiir bäre ni pwönyge jiy mo thööth. 'Ba yi Antïëk beeye kanya kwøŋ bääŋi cak yie ni jø Krictø.

Moa Tïïc Nyïïatwieli 15:17

Kiper nee jiy møga bëët nee Wuuö manyge, ki juurre bëët moa näk nyeŋŋa ocaa rege.

Moa Tïïc Nyïïatwieli 26:11

Ni ge wø pööta pöötö cooth yïth uut acook lam bëët, naa manynya man wëëga geni jany nyeŋŋøgø. Ni gëëma ki geni këël mana pïïa tiet mïëc juurre, naa män ki geni døc.

Moa Tïïc Nyïïatwieli 4:12

Kiper bäŋ dhaanhø mør mo doo piem jiy. Kiper bäŋ nyeŋ mør bäät piny bäre mo ocïbö dï jiy mo ø doo piemø ki køøre.»

Epeca 3:15

eni na ö nyeŋ tuŋi bëët moa en maal ki moa en piny na caai ree,

1 Timöthi 1:13

këël na kwøŋa bëëtö naa caanna eni, naa pääta eni, naa tïïö ki gïï mo reyø bääte. 'Ba aana kønye kiper na kuua mana tïïa na kära jïëy.

1 Piter 4:16

'Ba ni näk da ŋat mo jwør gïï mo leth kiper mana näk ena dhaanh Krictø, kär wïïe lääö. 'Ba Jwøk wär jieme ki køør nyeŋŋøgø.

Mana Nyooth 19:13

Ni eni käära abïï mo ocøt yi remø. 'Ba nyeŋŋa cøøri ki gø beeye Dwør Jwøk.

Mana Nyooth 19:16

'Ba ra abïïne ki ya awaye ogöönnö ki nyeŋ, ni köö, ni «Nyeny nyeye ni näk Kwääc kwääri.»