Jeemeth 2:6 - Wëël Jwøk

⁶ 'Ba ŋata can wïïe alääu. ?Aŋø, paa jøøa no okwär ni wø caan uuni? ?Paa geni ni wø pee uuni kwör løøe?

Jeemeth 2:6 Iomraidhean Croise

Jööp 20:19

Kiper eni jøøa can acaare ni wëëk ge dööŋŋe jaak ki ceŋge, ni ö uudi mo ba geera eni ni tïïc ge na thööge.

Pwöc Leec Wïc 14:31

Ŋat wø tïïc gïn mo raac dëër dhaanhø mo can, janynya Jwøk na cwääc ŋatøgø, 'ba ŋat wø nyooth mëër jï ŋata can wøøra Jwøk na cwääc ŋatøgø.

Pwöc Leec Wïc 17:5

Ŋat wø buu ŋat mo can janynya Jwøk na cwääc ŋatøgø, ni ŋat wø yie mïnni ki gïï wø leth ni wø tägi ba kääŋi ka ajäla.

Pwöc Leec Wïc 18:23

Ŋat mo can wø cäänö ni kwaaya ree, 'ba ŋat mo okwär wø dwugö ni teek.

Pwöc Leec Wïc 22:16

Ŋat wø møt dhaanhø mo can nee jap kwärö moe meede, ki ŋat wø cïpi jï jøøa näk okwär, wø pätha yi can.

Pwöc Leec Wïc 22:7

Jøøa no okwär, jøøa can wø ena tietge, ni ö ŋat wø mäyi ni en tier ŋat wø mäye baŋ gø.

Luup Dïpööy 5:8

Ni näk miï jïtö ki dhaanhø mo can mo di caarø yi paayø mo ŋøl ma adïëri ki bëëtö ma kare orwäänyö yie, kär cwïnyï thäŋŋö kanyo jootï gø; kiper kwäärö man nø da kwäärö mør bääte mo raŋŋa gø, ni kwääri moøgø thuwø poot da kwääri møøk bäätge mo raŋŋa ge.

Aydheea 53:3

'Ba ena bëëdö no otaaø no okwier jiyi, ni bëëdö ni kïmmö ni ena yi bëëtö mo leth. Jiy bëëdö ni täärnyïmge løøge wøk ki eni, kaamar dhaanhø mo dëëre da täw mo raac. Ena bëëdö no otaaø, ni kärø cädö døc kipere.

Amøc 4:1

Wïnynyu gïn, uuni na määr Cameria, uuni no olør kaamar dhää Baacan, uuni ni wø thiel jøøa can piny, ni wø caan jøøa näk oööl, uuni ni wø kööm cwøwu, ni kööu, ni «Kännu ki kwøŋ nee wa mäthwa.»

Amøc 5:11

Jøøa can wø thielu piny, ni jwägu geni ki beel. kiper manøgø nø, këël na gëënnu dëëtu ki uut kïte mo mïërö, u ba bëëdö yïthge; këël na pïïdhu ki jer omøki mo mïërö, u ba mädhö ki kwøk nyïïomøki moøgø.

Abakuk 3:14

Ïïni, tøŋ mar kwääc lwaa leny adwøgï dëëre, kanya öge kaamar apwøyaweerø nee wa keethge, ni met ec marge caala mar jø wø caar jøøa can ki piny.

Dhekaraya 7:10

Kär määr thuunhnhi, ki kïïe, ki juurre moa path, ki jøøa can thielu piny. Ni ö ŋati man nø ni bäŋe gïn mo raac mo maae ki cwïnye ki wati maya.›

Jøøn 8:49

Ni løgi ya Jecu, «Raa bäŋ anägö. 'Ba aani, a wøøra Wära, ni ö uuni ni ba wøørru aani.

Moa Tïïc Nyïïatwieli 13:50

'Ba jø Juuth yïth määr wø lämö na näk kwör cwøwge døøŋŋø, ki yïth jaae mo pääny, acoonge, ni tïïge ka ageem dëër Pøøl ki Barnaba, ni riemge ge wøk poge.

Moa Tïïc Nyïïatwieli 17:6

'Ba na kärge geni joodø, Jeecan ki nyïïmëëe møøk apeege nyïm kwääy pääny, ni ge rëëdö, ni ge köö, ni «Jøøi ii na jal piny gena ö kany en thuwø,

Moa Tïïc Nyïïatwieli 18:12

'Ba kanya bëët Galliø na kwäärö mar Akeea, jø Juuth adwätö ni makge Pøøl ni kälge gø kar løøk.

Moa Tïïc Nyïïatwieli 8:3

'Ba Cøøl acooŋ Jwøk araanynye, ni duunye yïth uudi bëët ni maaŋŋa cwøw ki mään ni kïth geni øt twöc.

1 Körin 11:22

?Aŋø, jïïu bäŋ mïëri mo cämu yïthge ni mädhu? ?Wala u jøøŋŋa acooŋ Jwøk, ni lääu wïth jøøa jïge bäŋgø? ?Agïnaŋø noo caana jïïu? ?Aŋø, u daa pwøø kiper manøgø? Jïra bäär, u ba daa pwøø.

Jeemeth 2:3

ni tïmu nou cega ïthu ki luup ŋata røc abïïga beyø, ni kööu, ni «Pï kany, nyawat,» ni kööu jï ŋata can, ni «Cuŋŋï kaagø,» wala «Ö pï piny yïth ŋøøm buut tieta,»

Jeemeth 5:4

Neennu, gwet jøøa kac pwöth mou na møtu atïmö ni rëëdö. Ni ö oduuru mar jøøa kac caammi mou ni wïnye ïth Kwäärö Wuuö Jwøk, eni na wïth jammi bëët.

Jeemeth 5:6

Ni jäällu ŋat mo mare beer ni 'nägu gø. 'Ba eni bäŋ wø pïëmö ki uuni.