Jeemeth 2:23 - Wëël Jwøk

²³ Ni ö wëël Jwøki ni thur kare, ni wø caan, ni «Eeberam Jwøk aŋäädhe, ni ö Wuuö Jwøki ni jïëc Eeberam ni ena dhaanhø mo beer ki køør ŋäädhe mare.» Ni cwøli ni ena nyawat Jwøki.

Jeemeth 2:23 Iomraidhean Croise

Wïlöölö 15:6

Ni ö Abrammi ni ŋääth Wuuö Jwøk, ni ö Wuuö Jwøki ni jïëc Abram ni ena dhaanhø mo mare beer ki køør ŋäädhe mare.

1 Nyeye 4:5

'Ba Adhariya o Nathan beeye wïth jøøa no ocuumö na kwääri yïth mïëc jø Icriel bëët, ni dïlämi ma Dhabut o Nathan beeye nyawat nyeya.

2 Luup Nyeye 20:7

Wui, ï na Jwøk marwa, ?aŋø, patha ï na riem jiy wøk moa bëëdö yi ŋöömö man nyïm jiyï ma jø Icriel, ni cïpï ŋöömö man jï nyïïkwaac Eeberam na näk nyawadu, nee bëëde na marge na bäre bäre?

Jööp 16:21

Kaawat man wø ö dhaanhe wø dwøk dhaanhø kanya ciel ki ŋat mør, ?aŋø ni bäŋe ŋat dwøk wa kanya ciel ki Jwøk en?

Bwøth Wøk 33:11

Ni ö Wuuö Jwøki ni cääne ki Modhe ni løøŋge dhøkge ki gø, kaawat man wø cään dhaanhe ki nyawatge jaak. 'Ba kany wø duu Modhe twïër, ŋat tïïc mare ma nyen mo poot na wøp, na näk Jøcua o Nun, ree bäŋ wø daae yo oduŋkaara kaace.

Aydheea 41:8

«Wui, ï na dhaanhnha ma Icriel ni bee ï Jeekap na näk yaa jierø, ni bee ï na nyikwaar nyawatwa ma Eeberam,

Maak 12:10

?Aŋø, gïn käru kwaanø yi wëël Jwøk? na köö, «ni ‹Kïdi mana kwier dïgëëte, atïmö na kïn gøøt mana pere letha eni na mak øtø.

Maak 15:27

'Ba da jø ageem ariiø ma agurge buute thuwø, na aciel ena bäät cwïïe, ni maya ena bäät caame.

Luk 4:21

Ni täge ki man caan gø jïge, ni «Dïcäŋi en wëëlli athur kare keda mana wïnynyu gø.»

Moa Tïïc Nyïïatwieli 1:16

«Nyïïmera, wëël Jwøk manynya gø nee thur kare, kaa mana kwøŋi ya Jwïëc Jwøki na en kur keere caan ki dhi Deebit, ni caan kaper Juudac na näk dïnyuudhi jï jøøa mak Jecu.

Wëëlö Mana Göör Pøølli Baŋ Jø Röm 11:2

Jwøk jiye käre kwierø, jøøa kwøŋ ŋäc cøøn. ?Aŋø, gïn wø caan Wëël Jwøki kiper Ilaaja kuyu, kanya dwaalle nyïm Jwøk kiper gïna tïïc jø Icrielli?

Wëëlö Mana Göör Pøølli Baŋ Jø Röm 9:17

Kiper wëël Jwøk aköö jï Peerø, ni «Beeye gïn kiree na thïïŋa ïïni kipere, kiper nee teek mara nyoodha ki riï, nee nyeŋŋa tïme ni wïnyö dï piny bäre.»

Galeecia 3:22

'Ba Wëël Jwøk aköö, ni jiy bëët otwöc raayi, kiper nee luumma kwøŋ buuk ki køør ŋäädhe ki ri Jecu Krictø, nee tïme ni mëëga jø wø jïëy ni ŋääthge.

Galeecia 3:6

Këël Eeberam «Ena jïëy ki Jwøk ni ŋääth gø, ni jïëyi no obëënynyö ki køør ŋäädhe mare.»

2 Timöthi 3:16

'Ba wëël Jwøk bäre göör ka dwør Jwøk, ni beer kiper pwöc, ki jook dhaanhø, ki twieny bëëtö, ki pwöny røk ki moa beyø.

Jeemeth 2:24

?Aŋø, käru joodø ni dhaanhø wø jïëc ni mare beer ka køør tïïe, ni patha ki køør ŋäädhe keere?

1 Piter 2:6

Kiper ogöörö yi wëël Jwøk, ni «Neennu, aani, a kïtha yi Dhayan ki kïdi, na näk mo ojierø na pere leth na näk kïn gøøt, 'ba ŋat wø jïëy ki eni ni ŋääth gø, wïïe ba doo lääö.»