Jeemeth 2:19 - Wëël Jwøk

¹⁹ Ïïno jïëy ni Jwøk aciel. Marï wøp. Këël anäge wø jïëy ni dëëtge miel ki lwär.

Jeemeth 2:19 Iomraidhean Croise

Aydheea 43:10

'Ba Wuuö Jwøk aköö, ni «Uuni, uuna jiya moa ŋäc tier gïnögø ni wø caan gø. Ni bee u na jiya moa näk yaa nø jier, ki man ŋäyu aani ni ŋääthu aani, ki man kwanynyu tiere ni bee aani na eni. Bäŋ Jwøk mør mo onut dïkwøŋ, ni bäŋ gø këët mo öö køøra.

Aydheea 44:6

'Ba man beeye dwør Wuuö Jwøk, eni na nyeny Icriel, na wïïl jø Icriel wøk, ni bee eni na Wuuö Jwøk, eni na wïth jammi bëët, ena köö, «Bee aani na wïlöölö ni näga aŋuudi, ni bäŋ Jwøk mør këët ni näk mo paa aani.

Aydheea 44:8

Käru bwøk ni ba lwäyu. ?Aŋø, kära caanø jïïu ni køba gø ki mana täge kany mo bäär cøøn? 'Ba uuni bee u na ŋäc tiet jammi 'moa ni wø caan gø! ?Aŋø, da jwøk mør këët ni näk mo paa aani? Ka adïëri møn, bäŋ Kïdi mør këët; bäŋ aciel mo ŋääa.»

Aydheea 45:6

nee tïme ni løny ki man ö jiyi ni ŋäcge gø, ki mano täge ki jï løø kur tuul-cäŋ këël jï løø kur pänh-cäŋ, ni bäŋ Jwøk mør këët ni näk mo paa aani keera. Bee aani na Wuuö Jwøk ni bäŋ Jwøk mør këët.

Aydheea 46:9

Parru wïthu ki gïïa no opöödhö na kwøŋ tägö cøøn, kiper bee aani na Jwøk, ni bäŋ Jwøk mør këët. Aana Jwøk, ni bäŋ Jwøk mør këët mo caala aani.

Joona 4:4

'Ba aløk Wuuö Jwøki, na «?Aŋø, beeye gïn mo beer jïrï ki man gootï?»

Joona 4:9

'Ba Jwøk aköö jï Joona, na «?Aŋø, beeye gïn mo beer jïrï ki man gootï kiper olïïrö?» Ni løk gø, ni «Kare, beeye gïn mo beer jïra ki man goota ki gootø maa manynya thøø.»

Dhekaraya 14:9

'Ba Wuuö Jwøk otïmö na nyeya kiper bäät piny bäre. Dïcäŋöca Wuuö Jwøk otïmö ni bee Jwøka eni keere, ni nyeŋŋe bee eni keere.

Mathiew 8:29

Kanyøgø gena put lier døc, na «?Agïnaŋø noo tïïyï ki waani, ï na O Jwøk? ?Aŋø, ï ö kany kiper nee wa caarï ni kanya wäŋŋi poodi?»

Maak 1:24

Ni ö eni ni put köö ki dwøl mo päl, na «?Agïnaŋø noo tïïyï ki waani, ï na Jecu nyï Nadhareth? ?Ï ööa kuna raanynyï waani? Ï ŋääa, ni ïïna ŋata en kur keere, na näk mar Jwøk.»

Maak 12:29

Ni løgi ya Jecu, ni «Ciik mana pere letha eni beeye en, ‹Wui, u na jø Icriel, wïnynyu! Wuuö Jwøk na näk Jwøø bee eni keere na Jwøk.

Maak 5:7

Ni kööe ki dwøl mo päl, na «?Agïnaŋø noo tïïyï ki aani, Jecu, O Jwøa Dwøŋ ni en Maal? Kööŋ ŋëët Jwøk naa ba caarï.»

Maak 7:9

Ni kööe jïge, «Uuna jïtö ki jöö ma wøp man kwierru mana cem Jwøki ki gø, kiper nee kööŋŋö maru gwøgu.

Luk 4:34

ni «?Wui, ï na Jecu nyï Nadhareth, agïnaŋø noo tïïyï ki waani? ?Ï ööa kuna raanynyï waani? Ï ŋääa, ni ïïna ŋata en kur keere na näk mar Jwøk.»

Jøøn 17:3

Ni man en beeye kwøw mana näk adïëri mo bäŋ cuŋŋe, niï ŋäcge, ï na näk Jwøk mana näk adïëri keere, ki Jecu Krictø na jääŋŋï.

Moa Tïïc Nyïïatwieli 16:17

'Ba ena läm køør Pøøl ki waani ni rëëdö, ni köö, ni «Jøøi ii beege jø wø tïny Jwøa Dwøŋ ni en Maal, ni ge køpa luum jöör pïëm man piem jiy ki gø jïïu.»

Moa Tïïc Nyïïatwieli 19:15

'Ba adwøk jwøa raaci jïge, ni «Jecu ŋääa, ni ŋääa Pøøl, 'ba uuna jøøe?»

Moa Tïïc Nyïïatwieli 24:25

'Ba kanya ö Pøølli na piem gïr bëëtö mo beer, ki gïr män røk ki raay, ki kanya caan gø ni da kany mo luup jiy ŋøla piny yie mo poot ena nyïm, Pilik cwïnye abwøk ni kööe, ni «Ci wøk dïciel. Aano jïti ki kany cwøla ïïni yie.»

Wëëlö Mana Göör Pøølli Baŋ Jø Röm 3:30

Kiper Jwøk aciel. Ni eni jøøa näk odaŋø ojïëe ni marge beer ki køør ŋäädhe marge, ni jïëc jøøa näk patha odaŋø ni marge beer kiper ŋäädhe marge.

1 Körin 8:4

Kiper manøgønø, mar luum olämme mo wø ŋaal ni wø cïp jï gïï wø lam ni wø cam, ŋääø ni gïn wø lam patha gïn ma adïëri pinyi en, ni bäŋ Jwøk mør, 'ba beeye aciel keere.

1 Körin 8:6

ki jïïø, beeye Jwøk aciel keere, na näk Wuuö, eni na ö jammi bëët ki baŋe, ni beeye eni ni bëënnø en, ki kwäärö aciel ma Jecu Krictø, ŋata ö jammi bëët ki køøre, ni poot na eni ni tïmø ni ø nut en ki køøre.

Galeecia 3:20

'Ba nyïjöö wø caatha luum acooŋe ariiø. 'Ba Jwøk beeye aciel.

Tiet Ciik 6:4

«Wui, u na jø Icriel, wïnynyu gïn. Wuuö Jwøk na näk Jwøø beeye eni keere na Jwøk;

1 Timöthi 2:5

Kiper beeye Jwøk aciel, ki nyïjöö aciel keere ni en yïthakic Jwøk ki jiy, ni beeye dhaanhnha näk Krictø Jecu,

Jeemeth 2:8

'Ba ni näk mou tïïya ciik Jwøk møn na caal ciik nyeya keda man en yi wëël Jwøk, «Mëërï ki ŋat mør kaawat man wø mëërï ki dëërï,» nou tïïyu gø na enøgønø, u tïïya gïna beer na doo tïïö.

Juut 1:4

Kiper da jø møøk mo odunynyö ki jöö mør ki piny, jøøa näk omiiø cøøn kiper ajäl Jwøk, jøøa ba wøør Jwøk na wiil luum met yi Jwøk marø ni døøcge gø jöö man tïïcge gïï mo patha karge, ni kwierge Kwääyø ma aciel na näk Kwäärö ma Jecu Krictø.

Juut 1:6

Ni eni, nyïïatwiet maal moa kwier kwör kööre moge, na wec kanya beer na beetge, awii yi tööc mana näk bäŋ cuŋŋe kany mo cøl døc, këël mano ŋøl luup dïcäŋo dwøŋ.

Mana Nyooth 20:10

Ni ö anägö na cøøk geni ni leeŋi yi naama liel ki maac mo jïye keec ni lïëth døc, kanya en Lääyi yie ki nyikuŋ jwøk mana näk patha adïëri. 'Ba ge di caarø ki cääŋŋe ki wärre këël na bäre bäre.