Jeemeth 2:10 - Wëël Jwøk

¹⁰ Kiper ŋat wø gwøk ciik Jwøk bëët ni baaya aciel dïge, ena tïmö ni baaya ge bëët.

Jeemeth 2:10 Iomraidhean Croise

Jeremaya 32:23

Ni öge yie ni macge gø, 'ba dwørï kärge wïnynyö, ni kärge cäädhö køør ciik moï. Ni bäŋ gïn mo ege tïïö kiper gïïa köömmï geni ki ge bëët nee kïthge bäät tïïc, ni beeye tiere gø na jääŋŋï gïï na leth bëët ii bäätge.

Galeecia 3:10

Kiper jiy bëët mo wø ŋääth tïïe moa en ri ciik Jwøk, acïëni ena bäätge. Kiper ogöörö, na «Acïëni oen bäät jiy bëët mo wø ba gwøk jammi bëët moa näk ogöör yi wëël ciik Jwøk, ki man tïïcge ge.»

Galeecia 5:3

A cäŋa mara caannø jï jiy bëët mo wø jïëy ki man daŋi, wär ŋäc ŋatøca ni ciik Jwøk karge bëët poot gwøe gwøø.

Tiet Ciik 27:26

« ‹Acïëni oen bäät ŋato ba wëëk ciik moi thur karge ki køør mano ba kïth ge bäät tïïc.› «Køøre ojøl jiyi bëët, ni köge, ni ‹Kare!›

Jeemeth 3:2

Kiper ø bëët, ø wø bääö ki gïï mo thööth. 'Ba nee da dhaanhø mo ba bääyi ri gïï wø care, ena dhaanhø mo bäŋ gïn mo gwäyi jïre, ni maara lønyø jïre ki man män dëëre bäre ki raay thuwø.

2 Piter 1:10

Kiper manøgønø, nyïïmera, putu cwïnynyu cïp ri cwödö mana cwøl uuni ki gø ki mana jier u, nee tïme na adïëri. Kiper ni näk gïnögø tïïyu tïïö, u ba maara pädhö.

Juut 1:24

'Ba pwøc en jï ŋat wø løny jïre ki man gwøk uuni ki pädhö, ni bwøth uuni kar ajieme, ni bäŋ gïn mo jøøŋŋi dëëtu ni yïthu met.