Jeemeth 2:1 - Wëël Jwøk

¹ 'Ba nyïïmera, kär dee ŋat jeenynyu kaawat man bëëdu nou ŋäätha Kwääyø ma Jecu Krictø enø, eni na Kwääy ajiem.

Jeemeth 2:1 Iomraidhean Croise

2 Luup Nyeye 19:7

'Ba ennø, beerra man lwäärru Wuuö Jwøk ni gwøgu rou ki ŋøl mano tïïyu, kiper Wuuö Jwøk, eni na Jwøk marø, kare bäär ki gïn mo patha adïëri, wala ajeeny, ni eni ba jïëy ki jammi mo wø cïp ki piny ni ŋeewa røk.»

Pwöc Leec Wïc 24:23

Moi thuwø beege luup pwöc mo jøøa wïthge leer: Ki man ŋøl luup mo rege da ajeeny ba beer.

Pwöc Leec Wïc 28:21

Ki man nyooth bëët ajeeny paa gïn mo beer, 'ba dhaanhø wø poot jëënyö kiper nyi thääŋ møø mana cïp jïre.

Ciik Kiper Dïlämme 19:15

« ‹Kärï ŋudö ki ŋøl mo patha kare kar løøk. Kär niï cwaga ŋata can, ni ba lwäärï ŋata kare dwøŋ; 'ba wär tïme ni mar dhaanhø ŋølï na kare.

Mathiew 22:16

Ni jääŋge bääŋi moge baŋe, ni ge cii ka jic Eerat na aciel, ni köge jïgø, ni «Dïpööy, ŋäcwa ni ïïna dhaanhø miï caana adïëri, niï pöö ka jöör Jwøk na adïëri, ni jiy raŋï ka waŋ aciel, ni bäŋ jiy mo kwörge døøŋŋø mo lwäärï.

Moa Tïïc Nyïïatwieli 10:34

Kanyøgø Piter dhee atuue ni kööe, na «Adïëri møn, ajooda ni Jwøk luumme aciel keere kiper jiy bëët.

Moa Tïïc Nyïïatwieli 20:21

naa cäänna jø Juuth ki jø Gïrïïk bëët kiper løk cwïny baŋ Jwøk, ki ŋääth Kwääyø ma Jecu Krictø.

Moa Tïïc Nyïïatwieli 24:24

'Ba na tïme na køør nïne møøk Pilik aöö, ki cïïe ma Darucila ma nyijø Juuth. Ni jääk baŋ Pøøl ni wïny luumme na caane kiper tier ŋäädhe na en ri Krictø Jecu.

Moa Tïïc Nyïïatwieli 7:2

'Ba Ectipen aköö, «Nyie, nyïïmera ki wëëga, cegu ïthu ki luumma. Jwø ajiem ree anyoodhe jï kwarø ma Eeberam, kanya bëëde yi Mecöpatemia, ni eni poot kär ci yi Aaren.

Wëëlö Mana Göör Pøølli Baŋ Jø Röm 1:11

Kiper cwïnya manynya man neena uuni døc, kiper nou muunynya ki luubö mo käla baŋ Jwøk, nou tëënnu ki gø,

1 Körin 2:8

'Ba bäŋ dhaanhø dï jøøa bëënni bäät pinyi en mo ŋäc gïnögø. Onää ŋäcge, kwääy ajiem ba dege nääö bäät jaadha no odëëdö.

Tiet Ciik 1:17

Käru jëëdö kany wø ŋøllu luup. Luum ŋata kare thiinh wär leŋŋu ni caala man wø leŋŋu luum ŋata kare dwøŋ. Kär näk mo u lwäära dhaanhø, kiper ŋøl luup ena baŋ Jwøk. 'Ba ni näk da luubö mo odhäthö jïïu, wär kälu baŋa. Køøre aani, luummeca wïnynya wïnynyö.›

Tiet Ciik 16:19

'Ba geni, luup moa näk karge kär daaŋge; kärge jëënyö; kärge kädö ki jammi mo wø cïp ki piny, kiper jammi mo wø cïp ki piny waŋ ŋata wïïe leer di cøørø, ni daaŋ luup mo jøøa marge thïïŋ.

Köløcia 1:4

Kiper awïnywa ni uuno jïëy ni ŋääthu Krictø Jecu, ni wïnywa mëër maru, nou mëër ki jø Jwøk bëët,

1 Timöthi 1:19

niï ŋäya ŋäädhe, ni putï bëëtö ki bëëtö ma adïëri. Kiper da jø møøk mo ŋäädhe marge ege nø raanynyø, ni tïïcge gø kaamar thääŋ jääy mo oränynyö, kiper mana kwierge luup moa näk adïëri na ŋäcge ki cwïnyge.

1 Timöthi 5:21

'Ba a köömma ïïni nyïm Jwøk, ki nyïm Krictø Jecu, ki nyïm nyïïatwiet maal na näk ojierø, ki man gwøgï luup moi ii, ni bäŋe ŋat mo pere letha eni jïrï, ni luummï aciel kiper jiy bëët.

Tayta 1:1

Aana Pøøl na laŋ Jwøk ni näga nyïïatwiel mar Jecu Krictø, kiper nee ŋäädhe mar jøøa jier Jwøki nee cääth nyïm, ki moa dege ŋääö ra adïëri ni wø kïth jiy jöör Jwøk,

Tayta 2:13

kany poodø ni ø koora kanyo gwïëth øøni na ŋäädhø, noo nëën ajiem Jwøø na dwøŋ, ni beeye Pïëmi ma Jecu Krictø,

Ibaru 1:3

ŋata joot ajiem Jwøk dëëre, ni kït Jwøk kiree ena dëëre, ŋata bëën jammi bëët ki dwøre na teek. 'Ba eni, kanya nø wëën ajäl raay, ena pï piny bäät cwïï Kwääya dwøŋ ni en maalø.

Ibaru 12:2

ni ø neeta Jecu, eni na täk ŋäädhe marø ni wø tïïc gø nee thur kare, ni beeye ŋata jïëny thøw bäät jaadha no odëëdö kiper met ec mana en nyïme, na taak laac wïc, ni pï piny buut wäl Jwøk bäät cwïïc.

Jeemeth 1:16

Käru cøøgi, nyïïmera, u na mëëra ki uuni.

Jeemeth 1:19

'Ba ŋäyu gïn, nyïïmera, u na mëëra ki uuni. Beerra man ö ŋati man nø ni laar luubö wïnynyö, ni ba laar cäännö, ni ba laar wëër.

Jeemeth 2:3

ni tïmu nou cega ïthu ki luup ŋata røc abïïga beyø, ni kööu, ni «Pï kany, nyawat,» ni kööu jï ŋata can, ni «Cuŋŋï kaagø,» wala «Ö pï piny yïth ŋøøm buut tieta,»

Jeemeth 2:9

'Ba noo tïïyu ajeeny, uuna bääyö, ni uuno nyooth ciik Jwøki ni uuna jø adhala.

Jeemeth 3:17

'Ba acaara man wø ööi ki maal, bäŋ gïn mo raac dëëre, 'ba bëët-mëër ena ree, ki mööl, ki leŋ luup, ki køny mo päl, ki tïïe mo beyø, ni bäŋ dööti ariiø, wala atade.

2 Piter 1:1

Aana Cayman Piter na laŋŋø na nyïïatwiel Jecu Krictø, a määtha uuni, u na wëëk ŋäädhe mo röömi ki marwa ki ri beeny Jwøk marø, ge ki Pïëmi ma Jecu Krictø.

Juut 1:16

'Ba jøøgø gena jø gwön ni bäŋ gïn mo pwøcge, ni ge caatha køør gïïa reyø ni wø nieŋ cwïnyge køørge, ni dhøkge päŋ ka atöör, na jø wø mwøth jiy kiper nee ge jïtge ki jammi.

Mana Nyooth 14:12

Manøgø nø, manynya jïëny gïï mo leth mar jø Jwøk, jø wø gwøk gïïa cem Jwøki, ni ŋäädhe marge na en ri Jecu ege maa ni teek.