Jeemeth 1:9 - Wëël Jwøk

⁹ 'Ba cöögö mo can beerra man mïn yie ni näk mo di røønyø,

Jeemeth 1:9 Iomraidhean Croise

Pwöc Leec Wïc 17:5

Ŋat wø buu ŋat mo can janynya Jwøk na cwääc ŋatøgø, ni ŋat wø yie mïnni ki gïï wø leth ni wø tägi ba kääŋi ka ajäla.

Pwöc Leec Wïc 19:1

Beerra eni ki man bëët dhaanhe ni can mo caatha jöö mo thïïŋ, ni kaala ŋat mo wella luup mo wïïe känni.

Aydheea 29:19

Jøøa no othiel piny, met ec marge okadhi ki Wuuö Jwøk, ni ö jøøa canni ni mïn yïthge ki Jwø Icriel, eni na en kur keere.

Luk 1:52

Eni jøøa kwörge døøŋŋø wø dwøge piny ki bäät wäle moge, ni røøny jøøa can.

Luk 10:20

'Ba kär yïthu mïnnö kiper mana tïm juuwi moa reyø ni lwäär ki uuni, 'ba yïthu mïnge kiper mana näk mo nyeŋŋu ogöörö maalø.»

Luk 14:11

Kiper jiy bëët mo wø døøc dëëtge mo døøŋŋø, odwøk piny. 'Ba ŋat wø døøc dëëre mo can, otïïc ni dwøŋ.»

Luk 9:48

ni kööe jïge, ni «Ŋato wäro jïëc nyilaari ki nyeŋŋa, jïëya aani. Ni ŋato wäro jïëc aani, jïëya ŋata jääŋ aani. Kiper ŋato wäro kare thiinhnha eni dïïu bëët, beeye ŋato kare dwøŋŋa eni.»

Wëëlö Mana Göör Pøølli Baŋ Jø Röm 8:17

'Ba ni näk øøna nyïïe nø, øøna lwiidhi, na lwiidhi mo Jwøk, ni øøna lwiidhi ki Krictø na aciel, ni näk mo ø jwøra gïï mo leth ki eni na aciel, kiper nøø jiem ki eni na aciel thuwø.

2 Körin 6:10

Ni kïmwa, 'ba yïthwa wø poot mïnnö cooth. Wa wø cännö, 'ba jiy mo thööth poot wëëkwa kwärö. Ceŋwa wø dar, ni poot jammi bëët na mowa.

Tiet Ciik 15:11

Kiper jøøa can ba thum bäät ŋøøm, ni beeye tiere gø ni köömma uuni en, ni kööa, ni ‹Cenø jap jï wat mo can man wø many køny yi ŋöömö maru.›

Tiet Ciik 15:7

«'Ba ni näk mo da ŋat mo wat mo can mo bëëdö buut dhaanhø yïth päänye moa näk mou, yi ŋöömmo cïp Wuuö Jwøki na näk Jwøu jïïu, kär cwïny tëënnö ki gø, ni ba tëën cenø ki man cïpö jïre.

Tiet Ciik 15:9

'Ba røk wär gwøk, kiper nee bäŋe acaara mo raac mo ö cwïny, ki man köö dhaanhe, ni ‹Bïriet cwiiri kare acäännö, cwiino wec pïït yie,› ni tïm eci ni raac ki wat mana can, ni bäŋe gïn mëëk eni. Kanymør ŋatøce jwöŋö ki nyeŋ dhaanhø baŋ Wuuö Jwøk, ni tïme na raay bäät ŋata jwöŋe ki nyeŋ gø.

Pilipay 3:14

Ni dëëra yaa maa, naa pïïa kanya manynyi, kiper nee muuy mana cwøl aani kipere maal ki ri Krictø Jecu, nee cïp jïra.

Pilipay 3:3

Kiper øøni, øøna jøøa daŋ na adïëri, ni wø wøør Jwøk ki ri Jwïëy, ni ø töödö ka ri Krictø Jecu, ni ø ba ŋääth mo dëël na bäre bäre.

1 Piter 2:9

'Ba uuni, uuna jiy mo ojierø, ni nägu dïlämme mo tuuŋ kwär, na jiy mo ena kur keerge, na jic Jwøk kiree, kiper nee moa beyø na tïïc ŋata cwöl uuni wøk ki yi muudhö ni kïth uuni yi taye na beer døc, nee køpu.

Mana Nyooth 2:9

«Aani, gïïö ni leth ni jwørï yøø ŋääa, ki cannï, 'ba ïïno kwär. Ni ŋääa gïïö ni reyø ni wø cari dëërï, ni beege jø wø köö ni gena jø Juuth, ni ge path. 'Ba gena øt acooŋa mar Ceethan.

1 Camiel 2:8

Beeye eni wø tïŋ ŋata can maal ki yi bur, ni beeye eni wø mak cer ŋata can ni tïŋ gø maal ki wïthur, ni cïp ge kanya ciel ki jøøa kwörge døøŋŋø, ni pïge piny kwör jøøa no owøørø; kiper Wuuö Jwøk beeye na cwääc piny ni teek, ni piny bäre ena cere.