Jeemeth 1:4 - Wëël Jwøk

⁴ 'Ba wëëgu tëënnö thur kare, kiper nou thuru karu na bäre bäre, ni bäŋ gïn mo läämö.

Jeemeth 1:4 Iomraidhean Croise

Jööp 17:9

'Ba dhaanhø mo bëëtö mare tiir nyïm Jwøk, bëëtö mare oput mak; ni ö ŋat mo ceŋŋe waany ni put cääth nyïm ni teek.

Dut Pwøc 40:1

Pwöc Leec Wïc 4:8

Tïïc kare ni dwøŋ, eni karï odøøc mo dwøŋ; ni näk iï gäämö, ï mooe mooø ki wödö.

Abakuk 2:3

Kiper gïno nyooth poot koora kanya wäŋŋi kipere. 'Ba eni laara cwöp øde ni ba kääŋi. Këël doo nëënö no oruu, koor eni, kiper ka adïëri møn, eni öö, ni eni ba ruu.

Mathiew 10:22

Ni ö jiyi bëët ni mänge ki uuni kiper nyeŋŋa. 'Ba ŋato jïëny gïïögø këël aŋuunne, opiem.

Mathiew 19:20

'Ba nyenøgø aköö jïgø, ni «Gïïögø bëët yaa gwøø. ?Agïnaŋø ni poot kära tïïö nø?»

Mathiew 5:48

Kiper manøgønø, u doo bëëdö ni bëëtö maru bäre beer, kaawat man bëët Wääu ni en maal ni bëëtö mare bäre beer.

Maak 10:21

'Ba jïre aneen Jecu ni mëër ki gø, ni kööe jïgø, ni «Da gïrpiny aciel mo poot kärï tïïö. Ciï ni dwøgï gïïa en jïrï bëët pwödhö, ni mëëgï gwetge jøøa can, ni ööï ni cäädhï køøra, 'ba ïïno jïti ki jap kwär maal.»

Luk 18:22

'Ba Jecu na wïny gïnögø, aköö jïgø, ni «Gïrpiny aciel poot kärï tïïö. Dwøk gïïo en jïrï bëët pwödhö, ni pääŋŋï gwetge jï jøøa can, ni ööï ni cäädhï køøra. 'Ba ïïno jïti ki jap kwär maal.»

Luk 21:19

'Ba jwïëyu ojootu ki køør jïëny gïï mo leth moo jwørru.

Luk 8:15

'Ba moa piith yi ŋöömma beer, beege jø wø wïny luum Jwøk ni putge gø mak na bäre bäre ki cwïny mo leer ma adïëri, ni känge ki nyeŋ ni cwïnyge ege cïp piny.

Jøøn 17:23

ni ena rege, ni enï raa, nee dwätö marge thur kare ni gena aciel, kiper nee ŋäc jø pinynyi naa jääŋŋa ïïni, niï mëër ki geni kaawat mana mëërï ki aani.

1 Körin 2:6

'Ba da leec wïc mo wø caanwa caanø dï jøøa wïthge leer. 'Ba paa leec wïc mar pinyi en, wala man wø car jø bëën pinyi en, jøø ni teekge ojøøl yøø.

Galeecia 6:9

Beerra man ba jøømø ki tïï gïïa beyø. Kiper øøno kää kanyo näk ma kare, ni näk mo bäätø ba wëëgø pädhö.

Köløcia 4:12

'Ba uuna määth Epapara ŋata öö ki baŋu, na näk laŋ Krictø Jecu. Eni lääŋŋa uuni cooth ki cwïnye bäre yïth laam moe, nou cuŋŋu ni uuno thur karu, ni moa many Jwøki bëët you kwanyø na adïëri.

1 Thecalönika 5:23

'Ba Jwøk ki dëëre, ni wø cïp bëët-mëër, uuno tïïe nou ena kur keeru ki karu bäre, ni ö jwïëyu, ki kwøw maru, ki dëëtu, ni bëëtge na karge ni bäŋ ajäla røkge, kanyo ö Kwääyø ma Jecu Krictø.

2 Timöthi 3:17

Kiper nee ŋata näk dhaanh Jwøk nee tïme ni eno thur kare, ni ree ee jiiø kiper tïïe mo wø beyø bëët.

Ibaru 13:21

uuno wëëk gïïa beyø bëët, kiper nee mana manynye tïïyu, ni tïïc gïï wø met yie ki ge yïth cwïnynyø, ki ri Jecu Krictø, ŋat wø en ajiemmi jïre këël na bäre bäre. Enøgønø.

Jeemeth 1:5

'Ba ni näk da ŋat mo leec wïc mare orëëm dïïu, Jwøk wär pëënynye, ŋat wø cïpi jï jiy bëët ki cwïnye bäre ni ba pëëö, 'ba omëëk eni.

Jeemeth 3:2

Kiper ø bëët, ø wø bääö ki gïï mo thööth. 'Ba nee da dhaanhø mo ba bääyi ri gïï wø care, ena dhaanhø mo bäŋ gïn mo gwäyi jïre, ni maara lønyø jïre ki man män dëëre bäre ki raay thuwø.

1 Piter 5:10

'Ba køøre, nou nø jwørru gïïö ni leth yøø ki kany mo thiinh, Jwøa näk Jwø met ec bäre, ŋata cwøl uuni ya ajieme mana näk bäŋ cuŋŋe ki ri Krictø, oööi ki dëëre ni dwøk u karu, ni wëëk u tëënnö, ni këël tietu piny.

2 Piter 1:9

'Ba ŋat wø jïre bäŋ gïïögø, ena cwør, ni neeta gïï mo kwörge cärö, ni wïïe owïl ki lwøk raay moe moa dïkwøŋ.