Jeemeth 1:27 - Wëël Jwøk

²⁷ 'Ba lam mana näk adïëri na näk bäŋ gïn mo raac dëëre nyïm Jwøk na näk Wuuö, beeye ki man gwøk obwöre moa näk kïïe ki määr thuunhnhi ri gïï wø leth wø pïï dëëtge, ki man ö dhaanhe ni män ree ki raac piny.

Jeemeth 1:27 Iomraidhean Croise

Aydheea 1:23

Kwääri moï gena jø ageem, ni rege ege dwalø ki kuuwe; ge bëët, ge mëër ki man cun geni ki gwel ki piny, ni ge rïïŋö køør muuce nee camge. Ge bëëdö ni kïïe ba gwøkge, ni ïthge ba cekge ki luup määr thuunhnhi kany wø pëëge kiper køny.

Mathiew 12:32

'Ba ŋato wäro cäänni ki luubö mo raac dëër Wär Dhaanhø, eno wëën Jwøki. 'Ba ŋat wäro cäänni ki luubö mo raac dëër Jwïëc Jwøk na en kur keere, eni ba wëën Jwøki yi pinyi en wala yi mano ööi.

Mathiew 5:8

«Gwïëth en bäät jø wø cwïnyge tar, kiper Jwøk neenge neenø.

Luk 1:6

'Ba gena jiy mo beyø nyïm Jwøk karge riet, ni ge caatha køør moa näk ocem Wuue ki ciik moe bëët, ni bäŋ gïn mo ege baaø rege.

Wëëlö Mana Göör Pøølli Baŋ Jø Röm 12:2

Käru bëëdö nou caala jø pinyi en këët, 'ba tïmu nou nyärö ki køør mana døøc cwïnynyu mo nyärö, kiper nee mana many Jwøki nee ŋäyu døøc, ki gïn mo beer ma kare man wø jïëc Jwøki.

Wëëlö Mana Göör Pøølli Baŋ Jø Röm 2:13

Kiper patha jø wø wïny ciik Jwøk ni wø marge beer nyïm Jwøk, 'ba beege jø wø tïïc moa en yi ciik Jwøk noo jïëc ni marge beer.

Galeecia 1:4

ŋata cïp dëëre kiper raay moø, nee ø pieme yi piny man en ni raac en, kaawat mana many Jwøø na näk Wääø,

Galeecia 3:11

'Ba kawaane ajoot, ni bäŋ dhaanhø mo doo jïëö ni mare beer nyïm Jwøk ki køør ciik Jwøk. 'Ba «Ŋat wø jïëc ki køør ŋäädhe, kwøw.»

Galeecia 5:6

'Ba ki jï jø wø en dëër Krictø Jecu, daŋ wala bäŋ daŋ bäŋ gïn tïïcge, 'ba gïn mo pere leth beeye ŋäädhe ni wø tïïö ki køør mëër.

Galeecia 6:14

'Ba aani kara bäär ki teeŋ atöör manøgø, 'ba beeye luum jaadha no odëëdö mar Kwääyø ma Jecu Krictø keere ni daa tööda kipere, ni beeye na tïïc jap piny keda gïn mo ogur bäät jaadha no odëëdö ki baŋa, ni tïma ni aano thøw jï jap piny.

Epeca 2:2

japa kwøŋu køørge caath na jïëyu ki luum pinyi en, na caathu køør kwääy juuga reyø ni wø jïge da teek yi jamø, ni beeye jwøøgø ni poot tïïö cwïny jø adhala enø.

Tiet Ciik 14:29

Køøre jø tuuŋ Libay, kiper mana näk bäŋ ŋöömö mo odööŋ jïge na kurge yïthakiyu, ki juurre moa bëëdö dïïu, ki kïïe ki määr thuunhnhi moa en yïth päänye mou, geno ööi ni cämge ni jäŋge, kiper nee Wuuö Jwøk na näk Jwøu nou gwïëdhe ki tïïe bëët moo tïïyu ki ceŋŋu.

1 Timöthi 1:5

'Ba tier pwöc marø beeye mëër mo käla yi cwïny mo tar, ki bëëtö ma adïëri, ki ŋäädhe ma adïëri.

1 Timöthi 5:4

'Ba ni näk cï thøø jïre da obwöre wala nyïïkwaaye, beerra man kwanyge tïïc mana dege tïïö jï tuuŋge dïkwøŋ ki køør bëët jöör Jwøk, ni kønyge jøøa nywøl ge. Kiper gïnögø beeye gïn mo beer nyïm Jwøk.

Tayta 2:12

ni wø pwöny øøni ni wiiø gïïa ba en jöör Jwøk ki gïïa reyø ni wø many cwïnynyø, nee ø bëëdø ni dëëtø yøø mänö ki raay, ni marø beer, ni bëëtö marø pinyi en ena jöör Jwøk,

Jeemeth 3:17

'Ba acaara man wø ööi ki maal, bäŋ gïn mo raac dëëre, 'ba bëët-mëër ena ree, ki mööl, ki leŋ luup, ki køny mo päl, ki tïïe mo beyø, ni bäŋ dööti ariiø, wala atade.

Jeemeth 3:9

Ni beeye eni wø pwøø Kwäärö na näk Wääø ki gø, ni cäŋø jiy ciennø ki gø, jøøa näk ocwääö ni kïtge rööma kït Jwøk.

Jeemeth 4:4

?Nyie, u ni wø kwier luum Jwøk en, kuyu ni ŋat wø näk nyïïawäädi ki piny, mare män ki Jwøk? Kiper manøgønø, ŋat wø many piny nee tïme na nyawatge, wø tïïya ree ni ena nyimän Jwøk.

2 Piter 1:4

Ni beeye køør gïï ii, na wëëk ø jape na døøŋŋø na perge leth na buue, kiper nou bøthu ki ränynyö ni en piny ni wø ööi ki køør gïïa reyø ni wø nieŋ cwïnynyi køørge, nou tïmu nou nywaaga bëët Jwøk.

2 Piter 2:20

'Ba ni näk wïthge ocäŋ maaŋŋø ni bööt geni, køør mana bøthge ki japa doo raany geni piny, ki køør ŋäc mana ŋäcge Kwääyø na näk Pïëmi ma Jecu Krictø, bëëtö mana en cään atïmö ni raaca eni døc ki bëëtö mana dïkwøŋ.

2 Piter 3:14

Kiper manøgønø, omëëya, na tïme nou koora gïïögø, putu manynyø ki cwïnynyu bäre nou nwäne ki bëët-mëër ni bäŋ kïdö mo raac wala gïn mo jøøŋŋi dëëtu.

1 Jøøn 5:18

Ni ŋääø ni ŋat mo onywøl Jwøki bäŋ wø bëëdö ni bääö, kiper mano gwøgi ya O Jwøki, ni ba guti ya ŋata raaci.