Jeemeth 1:25 - Wëël Jwøk

²⁵ 'Ba ŋat wø raŋ ciik Jwøk na näk kare døøc, na näk beeye jöör pät jiy, ni put bëëtö ri gø ni ena ŋat tïïc man wø tïïc gø, ni ba tïme na ŋat wø wïny luubö jaak ni wø wïïe wïl, teeŋ ŋatøgøøni ogwïëth kiper mana tïïe.

Jeemeth 1:25 Iomraidhean Croise

Pwöc Leec Wïc 14:15

Ŋat ma acaara mare thiinh jammi bëët wø di jïëö, 'ba ŋat mo waŋe riek kany wø ci yie wø di caarø.

Aydheea 8:20

Beerra man cïpge ŋäädhe marge ri pwöc Wuuö Jwøk ki ciik moe. 'Ba ni näk luummögø ba tïïcge, nyootha gø ni bäŋ tar bäätge.

Luk 11:28

'Ba aløøe ni kööe, ni «Gwïëth doo ena ri jø wø wïny luum Jwøk ni gwøkge gø.»

Jøøn 13:17

Ni näk mo gïïögø ŋäyu, uuno gwïëth kany wø tïïyu geni.

Jøøn 8:36

Kiper manøgøøni, ni näk uuno pät Wäädö, uuno pädö møn.

Moa Tïïc Nyïïatwieli 13:43

'Ba na keeth jiyi øt acooŋ lam, jø Juuth mo thööth, ki jøøa näk dëëtge ege løø na jø Juuth na cwïnyge en køør Jwøk, gena läp køør Pøøl ki Barnaba. Ni ö Pøølli ki Barnaba ni cäänge ki geni ni cøma cwïnyge ki man putge cwïnyge cïp køør met yi Jwøk.

Moa Tïïc Nyïïatwieli 2:42

Ni cïpge cwïnyge køør pwöc nyïïatwieli ni dwalge cwïnyge na aciel, ni møø wø pøtge pøtø, ni lämge.

Moa Tïïc Nyïïatwieli 26:22

'Ba a wø køny Jwøki kønyø këël dïcäŋi en. Ni beeye ni cuŋŋa kany en, naa cäänna jøøa kwörge therø ki jøøa kwörge døøŋŋø, naa para luupa car nyïïkuk Jwøki ki moa car Modhe ni doo tägö, ni bäŋ gïn mør mo kïtha bäätge,

Wëëlö Mana Göör Pøølli Baŋ Jø Röm 11:22

Neen bäth yi Jwøk ki teek dwøre, ni beeye dwøl mo teek kiper jøøa pädhö, 'ba beeye bäth yi Jwøk kiperï, ni näk miï puta bëëtö yi bäth ec mare. 'Ba ni näk miï ba bëëdö ree, ï ŋula wøk thuwø.

Wëëlö Mana Göör Pøølli Baŋ Jø Röm 2:13

Kiper patha jø wø wïny ciik Jwøk ni wø marge beer nyïm Jwøk, 'ba beege jø wø tïïc moa en yi ciik Jwøk noo jïëc ni marge beer.

Wëëlö Mana Göör Pøølli Baŋ Jø Röm 7:12

Kiper manøgønø, ciik Jwøk ena kur keere na mar Jwøk, ni mana cem Jwøki ena kur keere ni beer na wøp.

Wëëlö Mana Göör Pøølli Baŋ Jø Röm 8:15

Kiper u kär wëëk jwïëy mo tïïya uuni na laaŋe nou cäŋu lwäyö. 'Ba uuna wëëk Jwïëy mo tïïya uuni na nyïï Jwøk. Kiper kany wø jwöŋø, ni «Abba, Awuuö,»

Wëëlö Mana Göör Pøølli Baŋ Jø Röm 8:2

Kiper kwøw mana cïp Jwïëc Jwøki ki ri Krictø Jecu, aana päde cer raay ki thøø.

1 Körin 15:58

Kiper manøgønø, nyïïmera ni nägu omëëya, bëëdu karu nou ba dääŋi, nou tïïya tïï Wuuö cooth, ni ŋäyu ni öölö maru kiper Wuuö ba aay jaak.

2 Körin 13:5

Pëënynyu dëëtu, nee jootu ki man näk mou poot bëëdö ri ŋäädhe mana näk adïëri. Päänynyu rou. ?Aŋø, ŋäyu møn ni Jecu Krictø ena cwïnynyu? Wala kanymør uuno nø pädhö ri päänynyö manøgø.

Galeecia 2:4

'Ba luummögø täga baŋ nyïïmëëe moa näk patha adïëri na duny ya acooŋa ki waŋjöö mør mo kuc, ni ge raŋa pät marwa na en ri Krictø Jecu, nee wa cäŋge dwøk yi twöc.

Galeecia 5:1

'Ba øøna pät Krictø, nee ø bëëdö ni øøno pädö. Kiper manøgønø, cuŋŋu nou teek. Ni ba cäŋu jïëy ki bëët laŋ ni caal twöc.

Galeecia 6:2

Beerra man ö ŋati man nø ni køny watge maya ki gïïa peek na kääre, nee ciik Krictø thur kare jïïu na enøgønø.

Köløcia 1:23

ni näk mou puta bëëtö ri ŋäädhe man nou ba dääŋi, ni putu bëëtö nou teek, ni ba weyu gïna ŋääthu ri luumma nyään na met na wïnynyu. Ni luummögø beeye mana køp jï moa näk ocwääö bëët dï piny bäre, ni put aani tïïc ni aana ŋat tïï gø, a na Pøøl en.

1 Timöthi 2:15

'Ba dhaagø okøny thuwø kiper mana nywøl jiy, ni näk eni puta bëëtö ri ŋäädhe ki mëër, ni ena kur keere, ni mwöl.

1 Timöthi 4:16

Gwøk riï ki pwöc marï ni putï gø ŋäc, kiper noo tïïï na enøgønø dëërï okønyï ki jøw owïny moï.

Ibaru 12:15

Gwøgu røgu nee bäŋe ŋat mo kääŋi ki met yi Jwøk, nee bäŋe gïn mo keec mo tuy ni ööl uuni, ni raany jiy mo thööth.

Jeemeth 2:12

Kiper manøgønø, beerra man cäänu ni tïïu ni uuna jiy mo luupge ŋøl piny ka ri luum jöör pät jiy.

1 Piter 2:16

Bëëdu ni uuna jiy mo opädö. 'Ba bëëtö maru ni uuno pädö, kär nou døøya gø jöö man tïïu ki raay ki gø. 'Ba bëëdu ni uuna jiy mo tïnynya Jwøk.

1 Jøøn 2:24

Wëëgu gïna wïnynyu cøøn bëëtö cwïnynyu. Ni näk gïna wïnynyu cøøn bëëdö cwïnynyu møn, uuno put bëëtö dëër Wäädö ki Wuuö.

Mana Nyooth 14:13

Ni wïnynya dwøl mør mo ööi ki maal, ni kööe, ni «Göör gïn, ‹Køør man ennø gwïëth en jï jø wø thøw ni ge ena ri Wuuö.› » Ni kö Jwïëc Jwøki, ni «Gena gwïëth møn, kiper nee dëëtge jwömge ki öölö marge, kiper tïïe moge cäädhi ka geni na aciel.»

Mana Nyooth 22:14

«Gwïëth en jï jø wø penya abïïkge, kiper nee marge beere ri jaadha näk jaath kwøw, ni dønyge yi paanøgø ki dhøk kiir.

1 Camiel 12:14

Ni näk mo uuni ki nyeya maru ni bëëdu tiere enø, u bëëdö nou lwäär ki Wuuö Jwøk, Jwøk maru, ni tïnynyu eni, ni leŋŋu dwøre, ni ba dhallu dwøre, ni caathu jööre, doo beer.