Jeemeth 1:22 - Wëël Jwøk

²² 'Ba bëëdu ni uuna jø wø tïïc luum Jwøk, ni ba tïmu nou wïnynya luubö keere nou cøøga dëëtu.

Jeemeth 1:22 Iomraidhean Croise

Aydheea 44:20

Teeŋ ŋatøgø tïmö ni cama bur, ni bee cwïny man wø cøøk dhaanhø na tïïc eni nee gaa wøk. Ni ba løny jïre ki man piem dëëre, ni dëëre ba pëënynye, na «?Aŋø, man paa tööt ni cer cwïïa en?»

Jeremaya 11:6

'Ba Wuuö Jwøk aköö jïra, ni «Caan luup moi ii bëët Jerucalem ki yïth päänye mo Juuda møga bëët, ni kööï ni Wuuö Jwøk aköö, ni ‹Wïnynyu luummi en na tuuda ki kwäyu, ni kïthu gø bäät tïïc.

Obadiya 1:3

Atöör mana en cwïnyï ïïna nøøne, ï na no ogëët bäät kïte, ni tïïyï kar bëëtö marï ni ena maal, ni bee ïïni ni wø cään dëëre keere, na ‹?Aŋa noo dwøk aani piny yïth ŋøøm?› »

Mathiew 12:50

Kiper ŋat wäro tïïc mana many Wära ni en maal, beeye coka ni näk mera.»

Mathiew 28:20

Ni pwönynyu geni ki man gwøkge gïïa caana jïïu bëët. 'Ba aani, aano en buutu cooth këël kanyo ŋuut pinynyi yie.»

Luk 11:28

'Ba aløøe ni kööe, ni «Gwïëth doo ena ri jø wø wïny luum Jwøk ni gwøkge gø.»

Jøøn 13:17

Ni näk mo gïïögø ŋäyu, uuno gwïëth kany wø tïïyu geni.

Wëëlö Mana Göör Pøølli Baŋ Jø Röm 2:13

Kiper patha jø wø wïny ciik Jwøk ni wø marge beer nyïm Jwøk, 'ba beege jø wø tïïc moa en yi ciik Jwøk noo jïëc ni marge beer.

1 Körin 15:33

Kär wïthu maaŋŋi. Dwätö ki nyïïawäädi mo reyø beeye wø raany bëëtö mo beer.

1 Körin 3:18

Kär dee ŋat mo cøøk ree keere. 'Ba ni näk da dhaanhø dïïu mo dëëre ee caarø ni wïïe leer pinyi en, wär eni tïme kaamar bøøl, nee wïïe tïme ni leer na adïëri.

1 Körin 6:9

?Aŋø, kuyu ni jø wø tïïc gïïa reyø, buc Jwøk ba doo maara ci jïge? Käru cøøgi. Bäŋ kääpe, wala jiy mo lama jwøk mør, wala jø lugi, wala cwøw wø døø røkge ki niine,

Galeecia 6:3

Kiper ŋat wø caar dëëre keere ni kare dwøŋ, ni kare ba dwøŋ, eni cøøga ree keere.

Galeecia 6:7

Kär dëëtu cøøgu. Jwøk ba maar cøøgø. Kiper gïn wø piith dhaanhe, beeye wø cäŋ kayø.

Pilipay 4:8

'Ba mana dööŋ keere nø, nyïïmera, gïn wäro näk adïëri, ki gïn mo orømø ki wödö, ki gïn mo thïïŋ, ki gïn mo bäŋ raay dëëre, ki gïr mëër, ki luubö mo beer, ni näk beege gïï mo met, na gïï mo orømø ki pwøc, caarru gïïögø.

Köløcia 3:17

'Ba jammi bëët moo wäro tïïyu, ni näk luubö wala tïïc, wär tïïyu ki nyeŋ Kwäärö ma Jecu, ni dwøgu met ec jï Jwøk na näk Wuuö ki køøre.

2 Timöthi 3:13

'Ba jøøa reyø, ki jø wø cwöö, rääö marge otïmö no okadhø døc, ni gena jø cwøk ni ge cøøga rege.

Tayta 3:3

Kiper øøni ki dëëtø, øøna kwøŋ bëëtö ni øøna bøøre, na jø adhala, ni wïthø omaaŋŋø, ni øøna laaŋe jï gïïa reyø na en cwïnynyø, ki teeŋ gïïa many dëëtø bëët, ni thöörø ruun 'moø bëët ni cwïnynyø cøl ki jiy ni ø gwönö, ni jiy män ki øøni, ni ø män ki røgø.

Jeemeth 1:26

'Ba ni näk da ŋat mo dëëre ee caarø ni ena ŋat Jwøk, ni leebe käre gwøø, eni cøøga ree keere, ni lam mare bäŋ tiere.

Jeemeth 4:11

Nyïïmera, käru cäänö ki raay dëëtu keeru. Kiper ŋat wø cäänö ki raay dëër coki, wala ŋøla coki wøk, ŋatøgø caana raay ri ciik Jwøk, ni ŋøla ciik Jwøk wøk. 'Ba ni näk ciik Jwøk iï ŋøl wøk, ï patha ŋat wø gwøk ciik Jwøk, 'ba ïïna tïmö ni ïïna dïŋut luup.

Jeemeth 4:17

'Ba ŋat wø ŋäc gïn mo beer mo dee tïïö, ni ba tïïc gø, atïmö na bääyö jï ŋatøgø.

2 Piter 2:13

ni jïtge ki gïn mo raac na kwör gïïa reyø na tïïcge. 'Ba yïthge met ki wïïrö jaak kwör kwääk ki nyeŋ cääŋŋe. Ni ge caala kït mo reyø ki gïï mo di jøøŋŋø, ni yïthge met ka atade moge, kany wø cämge ni mäthge ki caapge na thööth ki uuni na aciel.

1 Jøøn 1:8

'Ba ni näk mo ø köö ni bäŋ raay dëëtø, ø cøøga røgø, na adïëri ba en cwïnynyø.

1 Jøøn 2:3

Ni näk luup moa cem Jwøki yøø gwøø, beeye noo ŋääø gø ni eni ŋääø.

1 Jøøn 3:7

U ni therø, kär dee ŋat cøøk uuni. Ŋat wø tïïc gïn mo beer, eni beer keda mar Krictø na beer.

3 Jøøn 1:11

'Ba omëëya, kär tïï raay ŋwaalï, 'ba ŋwaal gïn wø beer. Ŋat wø tïïc gïn mo beer, ena mar Jwøk. 'Ba ŋat wø tïïc raay, Jwøk poot käre joodø.

Mana Nyooth 12:9

Ni ö thwöra dwøŋ ni lëëŋi piny. Ni beeye thwöra cääŋŋe cøøn, na cwøl na anägö ni näk Ceethan, na näk dïcuuy mar piny bäre. Ena lëëŋ piny, ni ö nyïïatwiet maalli moe ni lëëŋi piny ki eni na aciel.

Mana Nyooth 22:7

'Ba Jecu aköö, «Neenï, aano laar öö. Gwïëth en jï ŋat wø gwøk luupögø ni en yi wëëlli en ni køp gïï mo poot ena nyïm.»