Jeemeth 1:19 - Wëël Jwøk

¹⁹ 'Ba ŋäyu gïn, nyïïmera, u na mëëra ki uuni. Beerra man ö ŋati man nø ni laar luubö wïnynyö, ni ba laar cäännö, ni ba laar wëër.

Jeemeth 1:19 Iomraidhean Croise

Neemiya 8:18

Edhera abëëdö ni wëël ciik Jwøk kwaane kwaanø ki yïth nïne bëët ki mana täge ki dïcäŋ mana dïkwøŋ këël mana këët yi cäŋ mana näk aŋuudi. Gena bëëdö ni ge wøøra ajwöma ki nïne abïriiø; 'ba na tïme na ri bäc nïne, gena jïtö ka acooŋa mo ena kur keere ki køør luubö mana näk ocïp piny.

Neemiya 9:17

Geni, gena kweer ki man cekge ïthge, ni kärge tïïe moï lääŋŋö moa näk rëëma ec na tïïyï yïthakicge. Gena tïmö ni wïthge teek, ni kwänyge ki dïbwödhi mo dwøga geni yi bëët laŋ Ijep. 'Ba ïïni, ïïna Jwø wø wëën jiy, ni wø nyooth met ec mare, ki mëër mare, ni wø ba laar wëër, ni mëëye ni wø ba jøøl päl. Ïïni, jiyï kärï wiiø.

Neemiya 9:3

'Ba kanya bëëde ni jiy poot cuŋŋö karge, geni wëël ciik mar Wuuö Jwøk, Jwøk marge, akwaange ki kany mo thääŋ cäŋ ee ŋwömmö; ni cäŋge bëëdö ki kany mo thääŋ cäŋ ee ŋwömmö ni ge køpa raay moge, ni ge wøøra Wuuö Jwøk, Jwøk marge.

Jööp 32:16

?A aani, løny ki man kura këët? Kee ge bëëdö ni geno nikïïl, ni ge cuŋŋö kaace jaak ni bäŋ dhaanhø mo dwögi.

Pwöc Leec Wïc 10:19

Kany wø cään dhaanhe ki luup mo thööth, bääyö ba kääŋi, 'ba ŋat wø gwøk leebe, wïïe leer.

Pwöc Leec Wïc 13:3

Ŋat wø koor dhee gwøga jwïëy moe, 'ba ŋat wø ŋaam dhee ki gïï mo oballe jaak wø pätha yi ränynyö.

Pwöc Leec Wïc 14:17

Ŋat mo laara wëër, jammi wø di tïïö ki bäŋ acaara, ni ŋat wø caar tïï gïï mo reyø, jiy män ki gø.

Pwöc Leec Wïc 14:29

Ŋat wø ba laar wëër, wïïe da acaara mo dwøŋ, 'ba ŋat wø laar wëër tïŋa bøøl mare maal.

Pwöc Leec Wïc 15:18

Ŋat wëëye, pïëm wø di tääö, 'ba ŋat mo ba laar wëër wø mäna pïëm.

Pwöc Leec Wïc 15:2

Lëëpi mo jøøa wïthge leer, beeny kwänynyö wø di ŋääö ki køørge, 'ba dhøk jøøa wïthge känni wø gwäära luup bøøl wøk.

Pwöc Leec Wïc 16:32

Ŋat wø ba laar wëër beerra eni ni kaala ŋat mo oteeø, ni ŋat wø mak cwïnye beerra eni ni kaala ŋat wø mak pääny ki tøŋ.

Pwöc Leec Wïc 17:14

Täk wëër caala kany wø tuc adïïra, kiper manøgø nø, pïëm wär laar jook kanyo poode ni kär kadhø.

Pwöc Leec Wïc 17:27

Ŋat mo okwänynyö, ree wø di gwøø ki luup moe, ni ŋat mo wïïe da acaara ba laar wëër.

Pwöc Leec Wïc 18:13

Ŋat wø dwøk luubö ni tier luubö poot käre wïnynyö, nyootha dïkät wïc mare, ni duunnö ki lään wïc bääte.

Pwöc Leec Wïc 18:21

Kwøw ki thøø ena cer leep, ni jø wø mëër ki cäänö ojäŋ ki gïï wø duu leepi.

Pwöc Leec Wïc 19:11

Leec wïc dhaanhø wø di kønyø nee ba laar päth ri wëër, ni tïme na gïr ajiem jïre kany wø wec gïna baac dëëre.

Pwöc Leec Wïc 19:19

Dhaanhø ma ŋat wëëye jap wø ŋøl bääte dee coolø e keere, kiper ni näk mo iï kønyø, ï meeta bëëtö mare na raac.

Pwöc Leec Wïc 21:23

Ŋat wø gwøk dhee ki leebe, gwøga jwïëye yïth gïï wø leth.

Pwöc Leec Wïc 25:28

Dhaanhø mo dëëre ba jwøe keere caala pääny mo kiir mare onyaa piny.

Pwöc Leec Wïc 29:20

?Ŋat wø laar luubö jøl dhi dhaanhø ajootï? Da ŋäädhe mo thiinh kiper ŋat mo wïïe känni ni kaala teeŋ ŋatøgø.

Kwään Jiy 22:27

'Ba kanya ö arëënni na joot nyïïatwiel maal mar Wuuö Jwøk, ena niruumma ni but piny ni Beelam poot ena bääte. Ni ö Beelammi ni wëëre døc ni gøøy arëën ka athøye.

Mathiew 5:22

'Ba aani, a caana gø jïïu, ni ŋat wø gooti ki coki, eni di pëënynyö kar løøk; ni ŋat wäro jaany coki, eni pëëny kwääc løøe pëënynyö; ni ŋat wäro köö, ni ‹Ïïna bøøl,› eni cøøa yi maac kar ajäla.

Maak 12:37

Eni, ena cwøl Deebiti ki dëëre ni Kwäärö. ?Ena dee cäŋ tïmö na wääde nidïï nø?» Ni ö lwaaøgø ni päl enø ni wïnyge dwøre ni mïn yïthge.

Maak 2:2

Ni ö jiyi mo thööth kaagø, ni tïme ni bäŋ kany rømge yie, këël dhi øtø wøk. Ni eni køpa luum Jwøk jïge.

Luk 15:1

Kanyøgø jø ajwäk ki jø raay bëët gena tïmö ni ge nyïïnhnha buut Jecu kuna wïnyge dwøre.

Luk 19:48

'Ba bäŋ gïn mo ege joodø mo maarge tïïc, kiper na tïm jiyi bëët ni leŋa luupe.

Moa Tïïc Nyïïatwieli 1:15

'Ba yïth nïrögø Piter ree athïïŋe dï nyïïmëëe moa näk bääk Jecu. 'Ba acooŋa bäre jïtö ki kar jiy ma dïpa aciel ki pïërariiø. Ni kö Piterri jïge,

Moa Tïïc Nyïïatwieli 10:33

Ni beeye na puta öön baŋï en, ni put tïmö ni beer ni ööï ennø. Ni beeye ni enwa kany en bëët nyïm Jwøk, nee luupa køp Wuuö jïrï bëët nee wïnywa.»

Moa Tïïc Nyïïatwieli 13:48

'Ba na ö luupögø na wïnynyi ya juurre, yïthge amïnnö ni jiemge luum Wuuö. Ni ö jøøa näk ojier Jwøki bëët kiper kwøw mana näk adïëri mo bäŋ cuŋŋe, ni jïëcge.

Moa Tïïc Nyïïatwieli 17:11

'Ba jø Juuth moøgø theemma geni ki moa en Thecalönika, kiper gena laar jïëy ki luum Jwøk, ni bëëtge ni ge raŋŋa luup moa en yïth weet Jwøk cooth ki man näk mo luupögø adïëri.

Moa Tïïc Nyïïatwieli 2:42

Ni cïpge cwïnyge køør pwöc nyïïatwieli ni dwalge cwïnyge na aciel, ni møø wø pøtge pøtø, ni lämge.

Epeca 4:26

«Ni näk mou wëër, käru bääyö.» Ni ba wëëgu cäŋ päth piny nou poot ni uuno gootø,

Epeca 4:31

Weyu keec cwïny na bäre bäre, ki wëër, ki gootø, ki pïëm, ka ajaany, ki cøl cwïny bäre.

Köløcia 3:15

Ni wëëgu leec cwïny mar Krictø bwøth uuni ki yïth cwïnynyu, ni beeye gïna cwøl uuni kipere møn, na tïmu na dëël aciel. Ni dwøgu met ec jï Jwøk.

Köløcia 3:8

'Ba kawaane nø, weyu gïï ii bëët, teeŋ kaa wëër, ki gootø, ki cøl cwïny, ki waac nyeŋ, ni bäŋ rääc dhøk dhøgu.

1 Thecalönika 2:13

Ni beeye wø pwøcwa Jwøk cooth thuwø, kiper kanya wïnynyu luum Jwøk baŋwa, aputu jïëc ni beeye luum Jwøk, ni näk adïëri møn, ni patha luum jiy jaak, ni beeye ni tïïö cwïnynyu, u na jïëy.

Jeemeth 1:16

Käru cøøgi, nyïïmera, u na mëëra ki uuni.

Jeemeth 1:2

Nyïïmera, yïthu mïnge ki teeŋ gïïo ni leth yøø bëët kany wø pïïcge dëëtu.

Jeemeth 1:26

'Ba ni näk da ŋat mo dëëre ee caarø ni ena ŋat Jwøk, ni leebe käre gwøø, eni cøøga ree keere, ni lam mare bäŋ tiere.

Jeemeth 2:1

'Ba nyïïmera, kär dee ŋat jeenynyu kaawat man bëëdu nou ŋäätha Kwääyø ma Jecu Krictø enø, eni na Kwääy ajiem.

Jeemeth 2:5

'Ba wïnynyu nø, nyïïmera, u na mëëra ki uuni. ?Aŋø, Jwøk ba jier jø pinyi moa can na bëëde, nee kwärge ri ŋäädhe, ni ge tïmge na lwiidhi mo bura mana näk ee buuö jï jø wø mëër ki eni?

Jeemeth 3:10

Ni beeye dhøøgø na aciel enø ni wø pwöö ni cïëne. 'Ba, nyïïmera, manøgø ba doo naa enønø.

Jeemeth 4:11

Nyïïmera, käru cäänö ki raay dëëtu keeru. Kiper ŋat wø cäänö ki raay dëër coki, wala ŋøla coki wøk, ŋatøgø caana raay ri ciik Jwøk, ni ŋøla ciik Jwøk wøk. 'Ba ni näk ciik Jwøk iï ŋøl wøk, ï patha ŋat wø gwøk ciik Jwøk, 'ba ïïna tïmö ni ïïna dïŋut luup.

Jeemeth 5:12

'Ba nyïïmera, dï japøgø bëët, weyu kööŋ, ni bäŋe ŋat kööŋ ŋëët ŋøøm wala maalø, wala kööŋŋe møga mo wø kööŋö ki ge. 'Ba wär dwøl man wø caannu bëëde kare, nee maru jïëy, put bëëtö na jïëy, 'ba nee maru kweer, put bëëtö na kweer, kiper nee bäŋe ya ajäla mo ö bäätu.

Jeemeth 5:19

'Ba nyïïmera, ni näk da dhaanhø dïïu mo gaa wøk ri jöör adïëri, ni duui ya ŋat mørri kare,

1 Jøøn 2:21

A ba göön baŋu ni per na adïëri kuyu, 'ba beeye kiper mana ŋäyu gø, ni ŋäyu ni bäŋ tööt ra adïëri.