Jeemeth 1:18 - Wëël Jwøk

¹⁸ Ni beeye ki køør mana manynye ki wïïe keere na cwääc øøni ki køør luum adïëri nøø tïmø ni ø caala thwöth beel ri moa cwääe.

Jeemeth 1:18 Iomraidhean Croise

Jeremaya 2:3

Kar kaaca ïïno cïp kur keerï na mara, a na Wuuö Jwøk, kaamar thwønh bëëlö mara. Ni jøøa cam ïïni bëët akwaan no obääyö, ni pïïc gïï mo lethi bäätge.› Luummögø caana Wuuö Jwøki.»

Ciik Kiper Dïlämme 23:10

ni «Caanï jï jø Icriel ni kööï jïge ni Wuuö Jwøk aköö, ni ‹Kanyo dønynyu yi ŋöömmo cïba jïïu, kanyo kayu caammi moo ciek yie, wäru kännu ki ŋaaŋa røk caammi mo okwøŋ ciek ni cïpu gø jï dïlämi.

Amøc 6:1

Otïmö ni raac jïïu, u ni bëëdö ki bëëtö mo jööt jaak yi Dhayan, ki uuni ni cädö ni karu beer yi Cameria, uuni na kwöru døøŋŋø yi paana kare dwøŋ na näk Icriel, u ni wø cääth jø pou baŋu kiper køny.

Jøøn 1:13

Ni jøøgøøni atïmö na nyïï Jwøk kiper mana tïïc Jwøki ki dëëre, ni paa kiper na nywøl ge na tuuŋ, wala kiper mana cac dëër dhaanhe, wala kiper mana caar dhaanhe nee tïïe ee keere.

Wëëlö Mana Göör Pøølli Baŋ Jø Röm 4:17

kaawat mana gööri, ni «Ïïna tïïa na kwar juurre mo thööth.» Ni ena kwarø bëët nyïm Jwøk, ŋata ŋäädhe ni wø cïp kwøw jï jøøa näk othøw, ŋat wø wëëk jammi mo bäŋgø, tägö ni tïmge na jammi.

1 Körin 4:15

Kiper këël na näk jïïu da dïnyuuthe mo ba nøk ki kur Krictø, jïïu bäŋ wëëe mo thööth. Kiper aana tïmö ni aana wääu ki kur Krictø Jecu ki køør luumma nyään na met.

2 Körin 6:7

ki køør caan luup na adïëri, ki køør teek Jwøk, ki køør jap leny mar cer cwïïc ki cer caam, na näk beeye bëënynyö.

Epeca 1:13

Ni beeye ki køøre na ö uuni thuwø, u na wïny luumma näk adïëri, luumma nyään na met na jootu pïëm ree man piem uuni ki gø, ni jïëyu ni ŋääthu eni, ni mooc uuni ki ŋïï na näk Jwïëc Jwøk na en kur keere, na kwøŋ buuk.

2 Timöthi 2:15

Put dëërï mak døøc niï ciï nyïm Jwøk ni ïïna ŋat mo ee jïëö, na ŋat tïïc mo wïïe ba lääy, ni luum adïëri iï gwøø døøc na wøp.

Ibaru 12:23

ki jø Jwøk moa näk ojierø na caal kaai, jøøa näk nyeŋge ogöörö maal. Uuna ö baŋ dïŋut luup na näk Jwø jøw bëët, ki baŋ jwïëc jøøa beyø na näk otïïö no othur karge,

Jeemeth 1:15

Køøre gïn wø nieŋ ri gø, wø jïtö ki nyey ni nywøl raay. 'Ba kany wø døøŋ raayi, wø käla thøø.

Jeemeth 1:21

Kiper manøgøøni, weyu gïïa reyø bëët ki gïïa näk patha karge bëët, ni jïëyu ki luumma piith cwïnynyu nou mwöl, na näk løny jïre ki man piem jwïëyu.

Jeemeth 3:14

'Ba ni näk mo cwïnynyu keec, ni ŋati man nø ŋäya dëëre keere, käru töödö ni tïmu nou kwiera adïëri mana dou ŋääö.

1 Piter 1:23

Kiper uuna cäŋ nywøllø nou nyärö, nou ba nywöli ka ri kunh wø ränynyi, 'ba u nywöli ka ri kunh wø ba maar ränynyö, ki køør luum Jwøk na kwøw ni wø bëëdö na bäre bäre.

1 Piter 1:3

Pwøc en jï Jwøk, eni na Wää Kwääyø ma Jecu Krictø; kiper beeye ki køør met yie na dwøŋ na cäŋ ø nywøllø ni ø nyärö, ni jït cwïnynyø ki ŋäädhe mo kwøw ki køør duun Jecu Krictø wøk ki yi thøø.

1 Jøøn 3:9

Ni bäŋe ŋat mo onywøl Jwøki mo bëëdö ni bääö, kiper bëët Jwøk ena cwïnye, ni eni ba maar bëëdö ni bääö kiper mana nywøli ya Jwøki.

Mana Nyooth 14:4

Beeye jøøa näk dëëtge kärge raanynyø ki mään. Kiper dëët mään kucge. Ni beeye geni wø caath køør Nyidiel kany wø ci yie jaak. Geni, ge wïïl wøk ka røk teeŋ jiy bëët, na këël wï Jwøk jï Jwøk ki Nyidiel.