Jeemeth 1:1 - Wëël Jwøk

¹ Aana Jeemeth na laŋ Jwøk ki Kwäärö ma Jecu Krictø. A määtha uuni na tuŋi apaar kurriiø, u no okeethø dï piny.

Jeemeth 1:1 Iomraidhean Croise

1 Nyeye 18:31

'Ba Ilaaja alwötö ki kïte apaar kurriiø ki køør kwään wïth tuŋi mo wäät Jeekap, ŋata ö dwør Wuuö Jwøki bääte na kö Wuuö Jwøki, ni «Nyeŋŋï ocwøl ni Icriel.»

Edhera 6:17

'Ba olämme moa cïpge kiper nee Øt Jwøk manøgø cïp kur keere na mar Jwøk, beege rwädhe ma dïpa, ki nyöök rööm ma dïpe ariiø, ki nyïï rööm ma dïpe aŋween. Ni cïpge ki nyöök atëëe apaar kurriiø no olämme mo wø cïp kiper raay mo jø Icriel bëët, ni kwäänge opäärö ki kwään wïth tuŋi mo jø Icriel.

Acther 3:8

Kanyøgø Amaan aput cäänö ki nyeya ma Ayacewëëröc ni kööe, ni «Da jiy mo okeethø yi paac marï, ni ge bëëdö kur keerge yïth mïëri moï bëët, ni ciik moge opää ki mo jiy møga bëët, ni ge bëëdö thuwø ni ciik nyeya ba wøørge. Kiper manøgønø, teeŋ jiy mo caala moøgøøni ba many gø niï bëëdï ni cwïnyï bäth ki geni.

Bwøth Wøk 24:4

Ni ö Modhe ni göör luup piny bëët moa caan Wuuö Jwøki. Køøre ena ö maal ka amöölla cøøn, ni cøøe ni tïïe ki gïn wø cïp olämme bääte tier kïdi, ni tïïc gø ki kïte apaar kurriiø mo ee cwöth piny ni ee päärö ki kwään wïth tuŋi mo jø Icriel na näk apaar kurriiø.

Bwøth Wøk 28:21

Kïte moøgø ni perge leth yøø beege kïte apaar kurriiø, na aciel man nø nyeŋ dhaanhø aciel røk wäät Icriel ogöör bääte, ni nyootha wïth tuŋi apaar kurriiø mo jø Icriel.

Bwøth Wøk 39:14

Kïte moøgø ni perge leth yøø beege kïte apaar kurriiø, na aciel man nø nyeŋ dhaanhø aciel røk wäät Icriel ogöör bääte ni nyootha wïth tuŋi apaar kurriiø mo jø Icriel.

Edhikiel 12:15

«Kanyøgønø ŋäcge ŋääö ni bee aani na Wuuö Jwøk ki køør mano keetha geni dï wïth juurre ki yïth mïëri.

Ciik Kiper Dïlämme 26:33

'Ba uuni, u keetha keethø yïthakic wïth juurre, ni jääŋŋa tøŋ køøru cooth; ni ö ŋöömö maru ni ränynye, ni ö päänye mou ni ränyge ni nigeruuth.

Mathiew 10:3

ki Pilip, ki Barthølömu, ki Tøma, ki Mathiew ŋat ajwäk, ki Jeemeth wär Alpia, ki Thadia,

Mathiew 13:55

?Aŋø, nyenøgø paa wär dïjëëth opämi? ?A menni, paa Meeri? ?A nyïïmenni, paa Jeemeth ki Jocep, ki Cayman, ki Juudac?

Mathiew 19:28

Ni kö Jecu jïge, na «Adïëri møn, a cäänna uuni, ni kanyo døøc piny mo nyään, ni beeye kanyo ö Wär Dhaanhø noo pï bäät wäl ajiem mare, u na caath køøra u pïïa bäät wäle apaar kurriiø thuwø, nou ŋøla luum wïth tuk Icriel karge paari kurriiø.

Maak 3:18

ki Andaru, ki Pilip, ki Barthølömu, ki Mathiew, ki Tøma, ki Jeemeth wär Alpia, ki Thadia, ki Cayman ŋat Keena,

Luk 22:30

kiper nou cämu ni mädhu kar cam mara yi buya, ni pïïu piny bäät wäle, nou ŋøla luum tuk Icriel karge paari kurriiø.»

Luk 6:15

ki Mathiew, ki Tøma, ki Jeemeth wär Alpia, ki Cayman na cwøl ni Dhelat,

Jøøn 12:26

'Ba ni näk da ŋat mo tïnynya aani, wär eni caath køøra. Ni kanyo ena yie, beeye kanyo en ŋat wø tïny aani yie thuwø. 'Ba ni näk da ŋat mo tïnynya aani, eno røøny Wära.

Jøøn 7:35

'Ba jø Juuth acäänö yïthakicge keerge, ni köge, ni «?Ŋati, a kanya ŋø cøøn noo ci yie, ni eni ba joodø en? ?Aŋø, eni manynya man ci baŋ jø Juuth moa näk okeethø dï jø Gïrïïk, nee jø Gïrïïk pwönynye?

Moa Tïïc Nyïïatwieli 1:13

'Ba na duuge, gena ci maal yi øtø kanya bëëtge yie. Ni beeye Piter ki Jøøn ki Jeemeth ki Andaru, ki Pilip, ki Tøma, ki Barthølömu, ki Mathiew, ki Jeemeth wär Alpia, ki Cayman na näk Dhelat, ki Juudac o Jeemeth.

Moa Tïïc Nyïïatwieli 12:17

'Ba Piter cere atïŋ maal ni jooga geni nee lïŋge, ni caan yi jöö mana ö Wuue na käl eni wøk øt twöc ki gø jïge. Ni kööe jïge, ni «Caannu gïn jï Jeemeth ki nyïïmëëe.» Kanyøgø ena aay ni ci kanymør.

Moa Tïïc Nyïïatwieli 15:13

Køøre na lønyge ki cäänö, Jeemeth ajutö, ni kööe, ni «Nyïïmera, wïnynyu mara.

Moa Tïïc Nyïïatwieli 15:21

Kiper ki mana täge ya acääŋŋe cøøn Modhe jïre da jiy yïth mïëri bëët mo wø køp gïre. Kiper luumme wø di kwaanø yïth nïr jwömö bëët yïth uut acook lam.»

Moa Tïïc Nyïïatwieli 15:23

Ni ge käära wëëlö mo ogöörö na ennø nø, ni «Waana nyïïatwieli ki jaak acooŋ Jwøk ni määth uuni en, u na nyïïmëëe ma juurre, u na en yi Antïëk, ki Ciria, ki Cilicia.

Moa Tïïc Nyïïatwieli 2:5

'Ba kanyøgø da jø Juuth mo bëëdö yi Jerucalem mo cwïnyge ege cïp køør Jwøk, mo ge käla tiet mïëri bëët piny bäre.

Moa Tïïc Nyïïatwieli 21:18

'Ba na tïme na aruunnø man, Pøøl aci øt Jeemeth ki waani. 'Ba jaak acooŋ Jwøk bëët ena kaace.

Moa Tïïc Nyïïatwieli 23:26

«Aana Kalødia Licia ni göön baŋï en, ï na kwäärö ma Pilik. «Ï na nyigwaak, a määtha ïïni.

Moa Tïïc Nyïïatwieli 26:7

Ni beeye luum wø ŋääth dhøk uudi mowa na apaar kurriiø nee ci jïge, kany wø tïnyge Jwøk døøc ki wärre ki cääŋŋe. Ni beeye kiper luum ŋäädhe manøgø ni ö jø Juuthi ni lööge ki aani, ï na nyeya.

Moa Tïïc Nyïïatwieli 8:1

'Ba Cøøl ajïëy ki thøw Ectipen. 'Ba dïcäŋöca caarø mo päl atägö dëët jø acooŋ Jwøk moa en yi Jerucalem. Ni ö jiyi ni keethge ni cige wøk bëët yïth mïëc Judia ki Cameria, 'ba beege nyïïatwieli keerge na dööŋ.

Wëëlö Mana Göör Pøølli Baŋ Jø Röm 1:1

Aana Pøøl na laŋ Jecu Krictø ni göön baŋu ki wëëlö en. Ni aano cwølø naa tïma na nyïïatwiel, ni aano cïp kur keera kiper luumma nyään na met mar Jwøk,

Galeecia 1:19

'Ba bäŋ ŋat mo yaa joodø dï nyïïatwieli, 'ba beeye Jeemeth na näk cöök Kwäärö ma Jecu keere na jooda.

Galeecia 2:12

Kiper dïkwøŋ kanya poode ni bäŋ jiy mo oöö ki baŋ Jeemeth, eni wø cämö ki juurre. 'Ba na ö jøøgø, ena døø cään, ni pääe ki ge, kiper mana lwääre ki jøøa no odwätö ri luum daŋ.

Galeecia 2:9

'Ba na ŋäcge met yi Jwøk mana wëëk aani, Jeemeth ki Ciipa, ki Jøøn, jøøa wäŋŋi ni døøŋŋø kwörge, ceŋwa amakge ki Barnaba ni ge nyootha dwätö jïwa, ni wa doo cøøa baŋ juurre, ni cige baŋ jøøa näk odaŋø.

Tiet Ciik 28:64

«Wuuö Jwøk u di keethø dï wïth juurre moa en bäät piny bäre; ni tïmu nou lama juu møøk mo kuyu mo kuc kwäyu thuwø, ni beege jenni ki kïte mo otieŋø.

Tiet Ciik 30:3

kar kaaca Wuuö Jwøk na näk Jwøu cwïnye pädhö ki gïru, ni duu uuni ki kwöra näk uuno maa ki tøŋ yïthge, ni cooŋ uuni kanya ciel ki dï wïth juurre bëët moa keeth uuni yïthge.

Tiet Ciik 32:26

Aana köö ni ge daa thöörö na bäre nee bäŋe dhaanhø mo par gïrge këët.

Tiet Ciik 4:27

Køøre Wuuö Jwøk uuno keethe dï wïth juurre, ni dööŋŋu nou nøk yïthakic wïth juurre moo ö Wuuö Jwøki noo riem uuni dïge.

Pilipay 1:1

Aana Pøøl ki Timöthi, wa na laak Krictø Jecu. Wa määtha uuni na jø Jwøk bëët ni en dëër Krictø yi Pilipay, ki jø wø raŋ acooŋ Jwøk, ki jø wø tïny acooŋa.

2 Timöthi 4:21

Mak dëërï ki man laarï öö, kany poot arïïa. Ïïna määth Yubula, ki Puden, ki Lina, ki Kalødia, ki nyïïmëëe bëët.

Tayta 1:1

Aana Pøøl na laŋ Jwøk ni näga nyïïatwiel mar Jecu Krictø, kiper nee ŋäädhe mar jøøa jier Jwøki nee cääth nyïm, ki moa dege ŋääö ra adïëri ni wø kïth jiy jöör Jwøk,

1 Piter 1:1

Aana Piter na näk nyïïatwiel mar Jecu Krictø, a määtha u na jø Jwøk na näk okeethø, ni wø bëëdö na wëëlle yi Pønta, ki Galeecia, ki Kapadöcia, ki Eecia, ki Bithinia,

2 Piter 1:1

Aana Cayman Piter na laŋŋø na nyïïatwiel Jecu Krictø, a määtha uuni, u na wëëk ŋäädhe mo röömi ki marwa ki ri beeny Jwøk marø, ge ki Pïëmi ma Jecu Krictø.

Juut 1:1

Aana Juut cöök Jeemeth, ni aana laŋ Jecu Krictø. A määtha uuni na cwøl, na näk jø wø mëër Jwøki ki geni na näk Wuuö, u na näk ogwøø kiper Jecu Krictø.

Mana Nyooth 7:4

Ni wïnynya kwään jøøa täärnyïmge kïthi ki ŋïï, na jiy mo jïtö ki kume ma dïpa ki pïëraŋween kurŋween, mo ööi ki røk tuk wäät Icriel bëët.