Ibaru 9:4 - Wëël Jwøk

⁴ ni beeye mana näk yie da gïn wø waaŋ gïï wø jïcge ŋwääi ni met bääte na näk tïïc ki warkey, ka acanduk mar luumma tuut Jwøki ki jiy, mo dëëre orømø ki warkey bäre, na näk yie da daa warkey mana bëët møga näk meena yie, ka athøny Aran na løth, ko opäp kïte moa göör luumma tuut bäätge.

Ibaru 9:4 Iomraidhean Croise

1 Nyeye 7:50

ko ogubääye, ki jap wø 'näk lambae ki ge, ki kuure, ka apät, ka athääe mo wø käär mäc ki ge; ni gïïögø bëët tïïc ka warkey mo tøŋ. Ni tïïe ki gïï wø gur odhuulu dëër dhi øtø ki geni mo tïïc ka warkey, mo dhi thääŋ øtø mana en dïër, ni beeye øtø mana en kur keere na pere leth, ki dhi Øt Jwøk man wø døny yie ki gø, ni beeye thääŋ øtø mana en kur keere.

1 Nyeye 8:21

ni nø jiiŋŋa kar acanduk kaace, ni beeye acanduk mana en luumma tuut Wuuö Jwøki ki jiy yie, ni beeye luumma tuude ki kwäyø kanya käl geni wøk ki yi ŋööm Ijep.»

1 Nyeye 8:9

'Ba ya acanduk bäŋ gïrpiny yie, 'ba beege opäp kïte moa na ariiø keerge na no ocïp Modhe yie kanya en tier Kïn Körëp, kanya ö Wuuö Jwøki na tude yie ki luubö ki jø Icriel, kanya öge wøk ki yi ŋööm Ijep.

2 Luup Nyeye 5:10

'Ba ya acanduk manøgø bäŋ gïrpiny yie, 'ba beege opäp kïte moa na ariiø keerge moa cïp Modhe yie kanya en tier Kïn Körëp, ni beeye kanya ö Wuuö Jwøki na tude yie ki luubö ki jø Icriel kanya öge wøk ki yi ŋööm Ijep.

Bwøth Wøk 26:33

Abïï mana näk gëëŋi wär lïër maal ni dïët ki nywïëny moa no ogønø na näk abïï mar oduŋkaara okuubö ki ge, ni bëëde ni lïërö tiet nywïëny moøgø. 'Ba acanduk man wø nyooth luumma tuut Jwøki ki jiy wär käl kanya no ogëëŋö; ni ö abïï mana näk gëëŋi ni bëëde ni ena yïthakic kanya en kur keere ki kanya en kur keere na pere leth.

Bwøth Wøk 31:18

'Ba kanya ö Wuuö Jwøki na lønye ki cäänö ki Modhe bäät Kïn Caynay, eni Modhe amooe ko opäp kïte ariiø moa näk ciik ogöör bäätge, ni ciik moa en bäät opäp kïte moøgø gööra Jwøki ki cere.

Bwøth Wøk 32:15

Køøre Modhe aduu piny ki bäät kïdi no opäp kïte moa näk ariiø na näk ciik ogöör bäätge kääre käärö ki cere, ni beege opäp kïte moa näk ogöörö ki kwöre bëët, ni beege ki løøi ki løøk maya.

Bwøth Wøk 34:29

'Ba kanya tïme ni Modhe ööa piny ki bäät Kïn Caynay no opäp kïte karge riet moa näk ciik ogöör bäätge ena cere, ni eni ööa piny ki bäät kïdi, eni na Modhe enø kuue ni täärnyïme bëëdö no orieny kiper mana cääne ki Wuuö Jwøk.

Bwøth Wøk 37:25

Køøre Bacaliil gïn wø waaŋ gïn wø jïye ŋwääi ni met bääte atïïe ki jaadha cwøl ni cïta; ni bär mar deŋŋe beeye rumi aciel, ni dööŋ yie beeye rumi aciel, ni deŋŋe karge ŋweeri röömi; ni bär mare ki piny beeye rumme ariiø, ni rumme moøgø røm ka cenø. Ni tïïc wïth deŋŋe maal karge ŋweeri ni da gïï mo caala tuŋi, ni ee gääbö na aciel ki dëër gø bäre.

Bwøth Wøk 39:35

ka acanduk man wø nyooth luumma tuut Jwøki ki jiy ki jer tëër moe, ki rëëbi mar acanduk manøgø na näk beeye nyuudhi mar wëën raay;

Bwøth Wøk 40:3

'Ba acanduk man wø nyooth luumma tuut Jwøki ki jiy wär kïth yie kaace, ni gëëŋï acanduk manøgø ka abïï man wø gëëŋ kanya en kur keere na pere leth ki gø.

Ciik Kiper Dïlämme 16:12

Køøre eni wär lwöte ka athaanh jwïël mar maac mo yi gø ee pääŋö ki cuk, ni lwøre bäät gïn wø cïp olämme bääte nyïm Wuuö Jwøk. Ni lwöte ki gïn wø jïye ŋwääi ni met mana no oguurö, ni jøøbe ka ceŋŋe karge riet, ni kïth ge yi kanya en kur keere na pere leth na näk ogëëŋö.

Kwään Jiy 17:10

Køøre Wuuö Jwøk aköö jï Modhe, ni «Dwøk athøny Aran nyïm acanduk man wø nyooth luumma tuut Jwøki ki jiy, nee bëëde na nyuudhi jï jø wø gëëmö, kiper nee ŋurö marge man wø ŋurge ki nyeŋŋa nee joogï, nee ge ba thøwge.»

Kwään Jiy 17:5

'Ba athøra mar ŋato jiera, oløth. Ki køør gïnögø nø, ŋurö man wø ŋur jø Icrielli ki nyeŋŋu, ni beeye man wø këët raa thuwø, ojwøa.»

Kwään Jiy 17:8

'Ba na tïme na aruunnø man, Modhe adøny yo oduŋkaany wø nyooth luumma tuut Jwøki ki jiy, ni joot athøny Aran na näk mar jø tuuŋ Libay no oløth, no othiew, no ojïtö ki nyïëdi mo ociek.

Tiet Ciik 9:11

«'Ba kanya tïme na aŋuun nïne moa näk pïëraŋween, Wuuö Jwøk opäp kïte moa näk ariiø na näk luumma tuut ogöör bäätge acïbe jïra.

Tiet Ciik 9:9

'Ba kanya cøøa bäät kïdi, nee opäp kïte moa näk luumma tuut Wuuö Jwøki ki uuni ogöör bäätge lwøra, kar kaaca aana bëëdö bäät kïdi ki nïne ma pïëraŋween, ni beeye dïcäŋ ki wäär, ni bäŋ gïn mo yaa camø wala pïï mo yaa maadhø.

Mana Nyooth 11:19

Kanyøgø Øt Jwøk Mana Dwøŋ maalø ajap, ni ö acanduki mar luumme na tuude ki jiy ni neeni yi Øt Jwøk Mana Dwøŋ. Ni tïm agaackøthi ni mal, ni piny dïmmi døc, ki køth mo märö, ki dïjäŋ piny, ki piiø mo päl.

Mana Nyooth 8:3

Ni ö nyïïatwiel maalli mør ni ööe ni cuŋŋe buut gïn wø cïp olämme bääte, ni cere da athaa ma warkey. Ni mooi ki gïï wø jïcge ŋwääi ni met mo thööth, nee rwöbe ki lam mar jø Jwøk na aciel na en bäät gïn wø waŋ gïï wø jïcge ŋwääi ni met bääte na näk tïïc ki warkey na en nyïm wälu.