Ibaru 9:3 - Wëël Jwøk

³ 'Ba ŋää abïï maya mana näk ogëëŋö, da thääŋö mør mo cwøl ni kanya en kur keere na mar Jwøk na pere letha eni,

Ibaru 9:3 Iomraidhean Croise

1 Nyeye 6:16

'Ba ki jï kuna näk da tääŋtiel, øtø aŋøle ki dï gø, ni kanya ŋøle beeye gööye ma pïërariiø, ni ŋøle ka dhigba mo otieŋø no opämi, ni tägi ka piny këël mana këët nyeŋ øtø maal, ni tïïc thääŋ øtø manøgø ni beeye kanya en kur keere na pere leth, ni puti cwøl ni thääŋ øtø mana en kur keere na pere leth.

1 Nyeye 8:6

Kanyøgø, dïlämme acanduk man wø nyooth luumma tuut Wuuö Jwøki ki jiy akälge kare, yi thääŋ Øt Jwøk mana en tääŋtiel, ni beeye thääŋ øtø mana en kur keere na pere leth, ni cïpge gø tiet bwöp gïïa no otïïö ni caala nyïïatwiet maal mo wø cwøl ni kirubëlli.

2 Luup Nyeye 3:14

Ni tïïe ka abïï gëëŋi mo cwääc ka waare ma kït ma abïcøle, ki kït ma dïmuur, ki kït mo kwaar, ki waac lïïna mo tar mo mïërö; ni göör kït kirubëlli bäät abïï gëëŋi manøgø, ni tïïe ni kwøe kwøø ki waare.

Bwøth Wøk 40:21

Ni ö Modhe ni käl acanduk manøgø yo oduŋkaara na näk kar bëëtö mar Wuuö Jwøk, ni lïër abïï maal man wø gëëŋ kanya en kur keere na pere leth ki gø, ni gëëŋ acanduk man wø nyooth luumma tuut Jwøki ki jiy ka abïï manøgø; ni ee tïïö na kare kaawat mana ö Wuuö Jwøki na kööm eni.

Bwøth Wøk 40:3

'Ba acanduk man wø nyooth luumma tuut Jwøki ki jiy wär kïth yie kaace, ni gëëŋï acanduk manøgø ka abïï man wø gëëŋ kanya en kur keere na pere leth ki gø.

Aydheea 25:7

'Ba bäät kïdi man, eni na Wuuö Jwøk gïna leth na näk jiy bëët ee rïëbö, na bëëdö ni ree ee peerø bäät wïth juurre bëët, wääre wøk bäät jiy.

Edhikiel 41:4

Køøre eni bär mar dï øtø mana en dïër arøme, ni tïme na gööye ma pïërariiø, ni ö dööŋ yie ni näk gööye ma pïërariiø thuwø, ni røm ni tägi ka aŋuun øtø mana en wøk. Køøre ena köö jïra, ni «Kany beeye kanya en kur keere na pere leth døc.»

Kwään Jiy 4:5

Kany wø tïme na ri tïŋŋö, Aran ki wääte doo dønynya yo oduŋkaara, ni pätge abïï man wø gëëŋ kanya en kur keere na pere leth ki gø, ni kälge gø piny, ni rïëpge gø bäät acanduk man wø nyooth luumma tuut Jwøki ki jiy.

Mathiew 27:51

'Ba kanyøgø abïïna näk ogëëŋö mar Øt Jwøk Mana Dwøŋ aput jeeø ki dïëre, ni tägi ka maal ni këët piny. Ni ö pinynyi ni jäŋ ree, ni kaaŋ kïte.

Ibaru 6:19

Ni ŋääthögøøni ena jïïø en ni caala alïŋ mar jääy, mo bëëdö kare na gïn ma adïëri kiper kwøw marø, ni beeye ŋäädhe mar yi nyïm man wø pööth yi øtø kuya ya abïïna näk ogëëŋö,

Ibaru 9:7

'Ba Kwääy Lam Mana Dwøŋ keere beeye wø ci yi thääŋ oduŋkaara maya, 'ba eni wø ci yie ka yie aciel keere ki yi cwiir bäre, ni ba cii jaak ni cere bäŋ remø mo kääre, man wø cïbe kiper dëëre ki moa bac jiyi ni kucge.

Ibaru 9:8

Ni beeye gïn wø ö Jwïëc Jwøki na en kur keere wø nyooth gø, ni jöö mano døny jiyi yi kanya en kur keere na pere letha eni, poot kär jabø, kany poode no oduŋkaara mana en wøgø poot cuŋŋö kare.