Ibaru 8:9 - Wëël Jwøk

⁹ Ni ba caal luubö mana tuuda ki kwäcge, dïcäŋa maa ceŋge naa bwødha ge wøk ki yi ŋööm Ijep, kiper ge kär put bëëtö ri luumma tuuda ki geni, ni beeye na kära marge wïnynyö. Luummögø caana Wuuö Jwøki.»

Ibaru 8:9 Iomraidhean Croise

Wïlöölö 19:16

'Ba kanya poot Løøti ni dwiil, eni ki cïïe ki nyïïe ceŋge amak jøøgø, ni kïthge geni wøk ŋää päänyögø, kiper mana bëëde ni mëëc Wuuö Jwøk ena bääte.

Jööp 8:20

«Ka adïëri møn, dhaanhø mo bëëdö ni bäŋ gïn jøøŋŋi ri bëëtö mare ba kwier Jwøki; ni Jwøk thuwø jiy mo wø tïïc gïïa reyø ba cwaae.

Bwøth Wøk 32:8

Gena laar gaa wøk ki øtjöö mana köömma geni ki gø, ni tïïge ki gïn mo oleenyø mo caala nyirøøa kiper dëëtge, ni wøørge gø, ni cïpge ko olämme jïgø, ni köge, ni ‹Wui, jø Icriel, moi beege juu mou na käl uuni wøk ki yi ŋööm Ijep.› »

Bwøth Wøk 34:10

Køøre Wuuö Jwøk aköö, ni «Ennø, a tudö ki luubö ki uuni. 'Ba gïï mo rëëma ec mo poot kära tïïö bäät piny cøøn, wala dï jur mo ena bäät piny kany, tïïa tïïö nyïm jiyï bëët. Ni ö jiyi bëët moø ni bëëdï dïge yøø ni jootge tïïc mara, a na Wuuö Jwøk; kiper gïno tïïa buutï enø beeye gïn mo kännö ki lwär mo päl døc.

Obeec Dudi 8:5

?Aŋø, man aŋa ni ööi ki dïtëën en, ni cäädhi ni ree ee nyaaŋ bäät omëër mare en? Aani, mëër mara anyoodha jïrï tier jaath; ni beeye tier jaadha ö meru ni put cäädhö yie ki mäc lwaar, ni put lwaar ki ïïni.

Aydheea 40:11

Wuuö Jwøk jiye gwøe gwøø, kaawat man wø ö dïkwääyi wø gwøk dïëk moe, kaawat man wø ö eni wø cooŋ nyïïdïëk ki cere, ni käär ge ki kööre, ni bwøth moa näk nyoori ni kääre mëëth.

Aydheea 41:13

Kiper bee aani na Wuuö Jwøk, Jwøk marï, ni wø jøl cer cwïïï, ni wø köö ki ïïni, ni ‹Kärï lwäyö, ï kønya kønyø.›

Aydheea 51:18

Ki røk jiy moa nywølï bëët, tïmö ni bäŋgø mo piec ïïni, ni tïmge bëët, ge na piithï, ni bäŋgø mo mak cerï.

Aydheea 63:9

Ki yïth japa leth bëët na jwørge, Wuuö Jwøk ajwötö thuwø; ni ö nyïïatwiel maal mana en nyïme ni piem geni, ni wïïl geni wøk ki køør mëër mare ki bäth ec mare, ni tïŋ geni maal ni käär ge ki yïth nïne bëët moa pöödhö.

Jeremaya 31:32

mo ba caal luubö mana kwøŋa tuut ki kwäcge kanya maa ceŋge ni käla geni wøk ki Ijep, ni beeye luumma tuuda ki geni na dhalge, këël na bëëda jïge naa bëëdö kaamar dïcwøø ki cïïe.

Wëël Kïmmö 4:16

Wuuö Jwøk ki dëëre beeye na keeth geni, ni bäŋ gïn manynye këët kiperge. Dïlämme atïmö ni ba wøør, ni bäŋ ŋat lwäär ki jø døøŋŋø.

Edhikiel 16:59

« ‹'Ba a na Kwäärö Wuuö Jwøk, luum caana jïrï bee en: Gïnögø tïïa tïïö dëërï kaawat mana tïïyï gø, kiper gïna kööŋï kipere aweyï ki køør mana raanynyï luumma tuut ki ïïni.

Edhikiel 16:8

« ‹Køøre na cäŋa cur buutï na raŋa ïïni, ïïno nø pïï ri cwiic nywöm. Kanyøgø abïï mara aputa peer bäätï ni buŋa dëërï ki gø kiper wääth dëël marï; ni kööŋa ki man nywøma ïïni ni tuda ki luubö ki ïïni, ni putï tïmö ni ïïna thööŋŋa. Luummögø caana aani, a na Kwäärö Wuuö Jwøk.

Amøc 5:22

Këël u doo cïpö jïra ko olämme mo wø waaŋ, ki muuce mo beel, a ba jïëy ki geni; këël lääy mou moa näk olør mo wø cïpu no olämme kiper mëër, jïge ba neena.

Milkiya 2:13

Gïn mør maa cäŋu tïïyö thuwø beeye en; u jwöŋö lak gïn wø cïp olämme bääte, ni tïm pï nyeŋŋu ni øya piny bääte, nou kïmmö kiper mana ö Wuuö Jwøki na ba neen jï muuce mou, ni ba jïëc geni baŋu, ni yie ba met ki geni.

Maak 8:23

Ni mak cer ŋata näk cwør, ni kïth gø wøk ŋää paac. 'Ba na nø ŋuut nyeŋ gø ki laaw, ni kïth ceŋŋe bäät nyeŋ gø, ena pëënynye, ni «?Da gïn mo nëënö jïrï?»

Moa Tïïc Nyïïatwieli 13:11

'Ba kawaane, neenï, cer Wuuö ena bäätï, 'ba ïïno tïmö ni ïïna cwør ni cäŋ ba neenï ki nïne møøk.» Kanyøgø rwöc ki muudhö aput ö bääte, ni aae ni thäämmö ni cää ki jiy mo mak cere nee pieyi.

Moa Tïïc Nyïïatwieli 7:36

Ni bwøth jø Icriel wøk ni tïïe ki gïï mo rëëma ec ki ŋïïce yi Ijep, ki bäät Naama Kwaar, ki dï paap ki yïth cwiiri ma pïëraŋween.

Moa Tïïc Nyïïatwieli 9:8

Ni ö Cøølli maal. 'Ba na jap nyeŋŋe ena tïmö ni ba nëënö. Kiper manøgønø, ena piecge ki cere ni kïthge gø yi Damacka.

Galeecia 4:24

Ni luummögø caala leer mo da tiere. Määrögø caala luup ariiø mo otuudö. Aciel käla ri Kïn Caynay, ni nyïïe nywøle yi laŋ. Ni beeye Eegar.

Tiet Ciik 29:1

'Ba man beeye luubö mana tuut Wuuö Jwøki ki jø Icriel yi ŋööm Möap, na kööm Modhe ki gø, kiper nee caane jïge, ni Wuuö Jwøk nwøya luubö mana kwøŋ tuut ki geni tier Kïn Körëp.

Tiet Ciik 29:12

nou cuŋŋi kiper nou jïëyu ki luumma tuut Wuuö Jwøki na näk Jwøu ki uuni, na kööŋe kipere dïcäŋi en,

Tiet Ciik 29:25

«Køøre oløk jiyi, ni köge, ni ‹Beeye kiper mana wecge luumma tuut Wuuö Jwøki na näk Jwø kwäcge kanya käl geni wøk ki Ijep,