Ibaru 8:8 - Wëël Jwøk

⁸ 'Ba Wuuö Jwøk gïna näk ogwäyö ri luummögø ajoode, ni kööe, ni «Da nïne mo öö, maa tudö ki luubö mo nyään ki tuuŋ Icriel, ki dhi øt Juuda.

Ibaru 8:8 Iomraidhean Croise

Aydheea 55:3

Wïnynyu mara, ni ööu baŋa; cegu ïthu nou bëëdu nou kwøw. Aani a tudö ki luubö ki uuni mo bëëdö na bäre bäre, ki køør mëër mara na näk adïëri na nyoodha jï Deebit.

Jeremaya 23:5

Wuuö Jwøk aköö, ni «Ka adïëri møn, da nïne mo öö, maa tïŋŋa maal ki ŋat mo mare beeye adïëri, na ŋat mo tïmö na lwiidhø mo käla ri dhi øt Deebit, ni ö ŋatøgø ni bëëde ni nyeya, ni käär paac ni wïïe leer, ni luup ŋøle na karge ni tïïya adïëri yi paac.

Jeremaya 23:7

«Kiper manøgønø, mana caan Wuuö Jwøki beeye ni da nïne mo öö, mo jiy ba kööŋ këët, ni ‹Ŋëët Wuuö Jwøk, Jwøa kwøw, na käl jø Icriel wøk ki Ijep,›

Jeremaya 30:3

kiper ka adïëri møn, da nïne mo öö, mo jiya ma jø Icriel ki jiya ma jø Juuda ge duua ka wøk ki yi bëët laŋ, ni duua geni yi ŋöömö mana cïba jï kwäcge, ni bëëde na marge. Luummögø caana Wuuö Jwøki.»

Jeremaya 31:27

Wuuö Jwøk aköö, ni «Ka adïëri møn, da nïne mo öö, mo dï ŋööm Icriel ki dï ŋööm Juuda jøra jørø ki kunhnhö mar dhaanhø ki kunhnhö mar lääy.

Jeremaya 31:38

Wuuö Jwøk aköö, ni «Ka adïëri møn, da nïne mo öö, mo pääny Jerucalem cäŋ ka geerrø jï Wuuö Jwøk, ni tägi ka ri Øt Koor Mar Ananel këël mano këët dhi kiir mana cwøl ni Gøøt.

Jeremaya 32:40

Ni ööa ni tuda ki luubö ki geni mo bëëdö na bäre bäre, ni beeye ni gïn mo beer ba wiia ki man tïïa gø jïge. Ni mooa cwïnyge ki lwär, ni bëëtge ni ge lwäär ki aani cooth, naa ba wecge.

Edhikiel 37:26

Aani, a tudö ki luum bëët mëër ki geni, ni ö luummögø ni put bëëte no otuudö na bäre bäre. Aani, tietge këëlla piny ni teek ni meeda kwäänge, ni ö øt lam mara na en kur keere ni wëëga gø bëëtö dïge na bäre bäre.

Mathiew 26:28

Kiper man beeye remma mar luumma tuut ki jiy, nee køny piny kiper jiy mo thööth nee raay wëënni.

Maak 14:24

Ni kööe jïge, ni «Man beeye remma mar luumma tuut ki jiy, ni køny piny kiper jiy mo thööth.

Luk 17:22

Ni kööe jï bääge, ni «Cääŋŋe oööi, kanyo manynyu Wär Dhaanhø nee jootu ki dïcäŋ aciel keere, 'ba eni ba jootu.

Luk 22:20

'Ba køør cam, athöödhi alwøre, ni kööe, na «Athöönhnhi en beeye luumma nyään na tuut ki køør remma na køny piny kiperu.

Luk 5:38

'Ba køøŋ nyïïomøki mo nyään doo kïtha yïth opïc pëëne mo nyärö.

1 Körin 11:25

Kaawat manøgø thuwø athöödhi alwøre kanya lønyge ki cam, ni kööe, na «Athöönhnhi beeye athöönh luumma nyään na tuut ki køør remma. Tïïyu gïn kany wäro maathu gø, nou para aani.»

2 Körin 3:6

ŋata wëëk wa rømø ki man tïnywa luubö mana nyään na tuut Jwøki ki jiy, na näk patha ciik mo ogöörö, 'ba ena ri mo Jwïëc Jwøk. Kiper ciik mana näk ogöörö wø duua thøø, 'ba Jwïëc Jwøk wø cïpa kwøw.

Tiet Ciik 29:14

'Ba luumma tuut Wuuö Jwøki na kööŋe kipere, ba tuude ka uuni keeru,

Ibaru 12:24

ki baŋ Jecu na näk nyïjöö mar luumma nyään na tuut, ki baŋ remma jør, na näk meta dwøre ki dwør rem Eebel.

Ibaru 7:22

Ni beeye gïn na tïïc Jecu na waaci mar luubö mana beerra eni na tuut Jwøki ki jiy.

Ibaru 8:13

'Ba kanya cääne kiper luubö mør mo nyään man cäŋ tuutö, mana näk oruuö atïïe keda gïn mo kare onø pöödhö. Kiper gïn wø many man tïme ni kare onø pöödhö ni manynya man jøøle, kar rwäänyö mare ocäännö.

Ibaru 8:6

'Ba kawaane Krictø awëëk tïïc mana beerra eni ki tïïa näk oruuö, kaawat luubö mana tuut na käle, na beerra eni døc ki mana dïkwøŋ, kiper mana tïme no ogöök ri luupa buuk moa beyø geni.

Ibaru 9:15

Kiper manøgønø, ena nyïjöö mar luumma tuut na nyään, kiper nee olaaw mana näk adïëri na bäŋ cuŋŋe na buuk nee ci jï jøøa cwøl, kiper mana tïme ni da ŋat mo othøw man wø wïïl geni wøk yïth moa dhalge ri luumma kwøŋ tuut na bëënge.