Ibaru 8:5 - Wëël Jwøk

⁵ Ni ge tïïö yi kar lam man wø nyooth kanya en kur keere ni en maal na näk mar Jwøk, ni beeye nyuudhi mar gø. Kiper kanya ö Modhe na tïme ni manynya man tïïc oduŋkaany lam, ena kööm Jwøki, na kööe, ni «Wär ŋäyï ki man tïïyï jammi bëët na karge ki køør nyuudhi mana nyooth jïrï bäät kïdi.»

Ibaru 8:5 Iomraidhean Croise

1 Luup Nyeye 28:12

ki yi jöör geer øtø bäre mana näk ee käl wøk ki wïïe, kiper käälle mo Øt Wuuö Jwøk, ki uudi mo en jï wøk ki deŋ dëër øtø bäre, ki uudi mo kan jammi yïthge mo Øt Wuuö Jwøk, ki uudi mo kan jammi yïthge moa no ocïp kur keerge na mo Jwøk.

1 Luup Nyeye 28:19

Køøre Deebit aköö, ni «Jammi moøgø bëët beege jammi moa gööra na nyooth Wuuö Jwøki jïra, ki køør mana køny aani nee jöör tïïc manøgø bäre nee ŋääa.»

Bwøth Wøk 25:40

'Ba ï na Modhe en, gïïögø bëët wär ŋäyï ki man tïïyï ge na karge ki køør nyuudhi mana nyoodha jïrï bäät kïdi.»

Bwøth Wøk 25:9

Gïnögø wär tïïyu na kare ki køør nyuudhi mar oduŋkaara na näk kar bëëtö mara ki nyuudhi mar jammi bëët moo manynyi kiper yie moo nyoodha jïrï.»

Bwøth Wøk 26:30

«Køøre nø, oduŋkaara na näk kar bëëtö mara wär gur piny ki køør nyuudhi mana nyoodha jïrï bäät kïdi.

Bwøth Wøk 27:8

Gïn wø cïp olämme bääte manøgø wär tïïyï ko opämi ni yie owiiø ni ŋaam, ni tïïc ki køør nyuudhi mana nyoodha jïrï bäät kïdi.»

Kwään Jiy 8:4

Tïïc mana tïïc gïn wø bëët lambae bääte ki gø beeye en; dëëre bäre thääth ka warkey, ni tägi ka tiere piny këël wïth tuge maal. Gïn wø bëët lambae bääte manøgø atïïc na kare ni caala gïna nyooth Wuuö Jwøki jï Modhe.

Mathiew 2:12

'Ba kiper mana tïme ni geno kööm Jwøki ki yïth lääk, ni kärge døø baŋ Eerat, gena aay ki jöö mør ni døøge poge.

Moa Tïïc Nyïïatwieli 7:44

«'Ba kwäyø oduŋkaany wø køp gïr Jwøk ena jïge dï paap, keda mana caani ya Wuuö Jwøki jï Modhe nee tïïe ki køør gïna neene.

Köløcia 2:17

Kiper gïïögø caala tïpö jaak mar gïïo ööi. 'Ba mano näk adïëri ena jï Krictø.

Ibaru 10:1

'Ba kiper na tïme ni ciik Modhe beeye nyuudhi mar gïïa beyø na doo öö, ni paa gïïaka ki dëëtge, ba maar lønyø jïge ki man tïïcge jø wø ö baŋ lam no othur karge, ki køør olämme moøgø ni wø cïp cooth ki yïth cwiiri bëët.

Ibaru 11:7

Ni beeye ŋäädhe, na ö Noa na leŋ luubö mana caan Jwøki jïre ni tïïc jääy, ni piem jø paare, kanya ö Jwøki na køp gïïa näk poot kär nëënö jïre. Ni beeye gïnögø na jääl piny ki gø, ni tïm Nöa na lwiidhø mar jïëc man wø ööi ki ri ŋäädhe.

Ibaru 12:25

Gwøgu rou nou ba kweerru ki ŋatøgø ni cäänö enø. Kiper ni näk jøøka kär bøth kanya kwierge ŋata kööm geni piny, ø ba bøth na bäre bäre ni näk ŋat wø kööm øøni ki maal yøø kwierø.

Ibaru 13:10

'Ba jïïø da gïn wø cïp olämme bääte, mo jø wø tïïö yo oduŋkaara kär jïëö ki man camge gïno cïp bääte.

Ibaru 9:9

Ni manøgø beeye nyuudhi mo nyootha nïne moi. Ni nyootha gøøni ni muuce ko olämme mo wø cïp, ba løny ki man tïïcge cwïny ŋat wø lämö ni waany,

Jøcua 22:28

«Kiper manøgønø, waana cädö ni kanyo tïme na kar kaaca, ni näk mo jøøgø gïnögø caange caanø jïwa wala jï beenhnhe mowa moo ööi, køøre nø, nyïïkwaacwa läwa köö, ni ‹Neennu gïn wø cïp olämme bääte mana tïïc kwäcwa ni ge ŋwaala mar Wuuö Jwøk, ni paa kiper nee cïpö bääte ko olämme mo wø waaŋ bäre wala olämme møga; 'ba beeye kiper nee bëëde na nyuudhi mo ena yïthakicwa ki uuni.›

Mana Nyooth 15:5

'Ba køør gïïögø, aana nëënnö, ni jooda kanya en kur keere na pere leth na en yo oduŋkaany wø køp gïr Jwøk no ojabø maalø.