Ibaru 8:11 - Wëël Jwøk

¹¹ ni bäŋ ŋat mo pwöny wati wala coki, mo köö, ni ‹Beerra man ŋäyï Wuuö Jwøk,› kiper aano ŋäcge bëët, ni tägi ka jiy moa kwörge therø këël moa kwörge døøŋŋø.

Ibaru 8:11 Iomraidhean Croise

1 Luup Nyeye 28:9

«'Ba kiperï, ï na wääda ma Cølöman en, bëëdï ni Jwøk ŋäyï, ni beeye Jwøa näk Jwø wäru, ni tïnynyï gø ki cwïnyï bäre ka acaayï bäre; kiper Wuuö Jwøk cwïny jiy nëënö jïre bëët, ni jammi bëët mo wø caar jiyi ŋääe. Ni näk mo iï manynyø, ree nyoodhe nyoodhø jïrï; 'ba ni näk mo iï wiiø, ï kwiere kwierø na bäre bäre.

2 Luup Nyeye 30:22

Køøre Edhekaya ena cäänö ni pwøya jø tuuŋ Libay bëët, jøøa kwany tiet luup mo Wuuö Jwøk. 'Ba gena bëëdö ni ge cämö ki cam mar ajwöma manøgø ki nïne abïriiø, ni ge cïpö ko olämme mo wø duunni ki mëër ni ge dwögö ki met ec jï Wuuö Jwøk, Jwø kwäcge.

Edhera 7:25

«'Ba ï na Edhera en, ki køør leec wïc manø ni en baŋï enø, na cïp Jwøki marï jïrï, kwänyï ki jiy mo käär paac, ki dïŋut luup, kiper nee luup jiy bëët mo wø bëëdö paac mana cwøl ni Løø Naam Løøga ŋølge, ni beege jiy bëët moa ŋäc ciik mo Jwøk marï. 'Ba jø wø kuc ciik moøgø wär pwönynyï.

Aydheea 2:3

Wïth juurre mo thööth öö ni köge, ni «Ööu, owaa cøø bäät Kïn Wuuö Jwøk yi Øt Jwø Jeekap, kiper nee ø pwönynye ki jööre, nee ø cäädhø øtjööre.» Kiper luum ciik Jwøk wø caan ka yi Dhayan, ni beeye Jerucalem ni wø ö luup Wuuö Jwøki ki yie.

Aydheea 54:13

Wäätï bëët geno kwänynyi baŋ Wuuö Jwøk; ni jït obwöre moï ki bëët-mëër mo dwøŋ.

Jeremaya 24:7

Aani, ge mooa mooø ki cwïny mo løny ki man ŋäcge aani ni beeye aani na Wuuö Jwøk; ni bëëtge ni gena jiya, ni bëëda ni aana Jwøge, kiper ge duua baŋa ki cwïnyge bäre.

Jeremaya 31:34

Ni këël doo bëëdö ni bäŋ ŋat pwöny watge ki coki, ni ‹Bëëdï niï ŋäya Wuuö Jwøk,› geno bëëdö naa ŋäcge bëët, ni tägi ka jiy moa kwörge therø këël jiy moa kwörge døøŋŋø; kiper gïïa bacge wiia wiiø, ni ba para wïïa ki raay moge këët.» Luummögø caana Wuuö Jwøki.

Jeremaya 42:1

'Ba kwääri mo jø leny, ni beege Jöanan o Karëa ki Jaadhania wär Ocaya, ki kwääc jø leny møga bëët, ki jiy bëët, ki mana täge ki jiy moa kwörge bäŋgø këël mana pïïe ri jøøa kwörge døøŋŋø, gena ö baŋ nyikuŋ Jwøk ma Jeremaya,

Jeremaya 42:8

Ni ö Jeremaya ni cwøl Jöanan o Karëa ki kwääri bëët mo jø leny moa öö ki Jöanan, ki jiy bëët, ki mana täge ki jiy moa kwörge therø këël mana pïïe ri jøøa kwörge døøŋŋø,

Jeremaya 44:12

Aani, jø Juuda moa dööŋ thööra thöörö møn, moa näk wïthge ege këël ri ööny Ijep nee bëëtge yie, ni thumge Ijep bëët ki thøø, ni ge 'näk ko opëëllö ni thøwge ki käc. Ki mano täge ki jiy moa kwörge bäŋgø këël mano pïïe ri jøøa kwörge døøŋŋø, geno 'näk ko opëëllö, ni thøwge ki käc, ni tïmge na gïr acïëni, ni cwïny jiy böö ki gïno tägi dëëtge, ni tïmge na gïr ajøøŋ, na gïr abuua.

Jeremaya 6:13

Kiper ki mana täge ki jiy moa kwörge bäŋgø, këël mana pïïe ri jøøa kwörge døøŋŋø, ŋati man nø atïmö ni cwïnye päl ki jammi mo joot ki jïëth atade. Këël nyïïkuk Jwøk ki dïlämme bëët, ŋati man nø atïmö ni tïïya tïï cwøk.

Edhikiel 34:30

Køøre nø, ŋäcge ŋääö ni beeye aani na Wuuö Jwøk, Jwøk marge, na bëëdö ki geni; ni ge na jø Icriel, gena jiy 'moa. Luummögø caana aani, a na Kwäärö Wuuö Jwøk.

Abakuk 2:14

Kiper piny opäŋ ki ŋäc ajiem mar Wuuö Jwøk, kaawat man wø ö pïïyi ni wø pääŋ naama dwøŋ.

Jøøn 6:45

'Ba ogöörö yïth luup nyïïkuk Jwøk, ni ‹Geno pwöny Jwøki bëët.› 'Ba jiy bëët mo wø wïny dwør Wuuö ni kwanyge tier gø, ge ööa baŋa.

Moa Tïïc Nyïïatwieli 8:10

Ni cekge ïthge bëët jïre, ni beege jøøa kwörge therø ki jøøa kwörge døøŋŋø, ni köge, ni «Ŋatøgø teek mana en jïre beeye teek mar jwø wø cwøl ni Teega Dwøŋ.»

1 Jøøn 2:27

'Ba uuni, jør maaw mana jootu baŋe ena cwïnynyu, ni bäŋe ŋat mo manynyu nou pwönynye, kiper jør maaw mare beeye wø pwöny uuni ki jammi bëët, ni beeye adïëri, ni patha tööt. 'Ba bëëdu ri Krictø, keda mana pwöny uuni.

1 Jøøn 5:20

'Ba ŋääø ni O Jwøk anø öö, ni mooc øøni ka acaara ki man ŋääø ŋata näk adïëri. Ni ø ena ri ŋata näk adïëri ki køør Wääde ma Jecu Krictø. Manøgø beeye Jwøk mana näk adïëri ni näk kwøw mana näk adïëri mo bäŋ cuŋŋe.