Ibaru 8:10 - Wëël Jwøk

¹⁰ Ni cäŋ Wuuö Jwøki köö, ni «Man beeye luubö mano tuuda ki tuuŋ Icriel køør nïrögøøni. Ciik 'moa okïtha wïthge, ni gööra ge cwïnyge, ni tïma ni aana Jwøk marge, ni tïmge na jiya;

Ibaru 8:10 Iomraidhean Croise

Bwøth Wøk 24:4

Ni ö Modhe ni göör luup piny bëët moa caan Wuuö Jwøki. Køøre ena ö maal ka amöölla cøøn, ni cøøe ni tïïe ki gïn wø cïp olämme bääte tier kïdi, ni tïïc gø ki kïte apaar kurriiø mo ee cwöth piny ni ee päärö ki kwään wïth tuŋi mo jø Icriel na näk apaar kurriiø.

Bwøth Wøk 24:7

Kanyøgø wëëlö mana gööre, na näk luumma tuut Jwøki ki jiy, alwøre ni kwaan gø ni wïnyö jï jiy; ni kö jiyi, ni «Gïïa caan Wuuö Jwøki bëët yøø jïëcwa jïëö, ni tïïcwa geni.»

Bwøth Wøk 34:1

Køøre Wuuö Jwøk aköö jï Modhe, ni «Tööï ko opäp kïte ariiø mo caala moa dïkwøŋ, nee luup moa en bäät opäp kïte moa dïkwøŋ na gøøï piny na tøyø nee gööra bäät opäp kïte moøgø.

Bwøth Wøk 34:27

Køøre Wuuö Jwøk aköö jï Modhe, ni «Göör luupögø piny, kiper ki køør luupögø yøø, aana nø tudö ki luubö ki ïïni ki jø Icriel.»

Obeec Dudi 2:16

Omëëya beeye mara, ni aana mare; eni dïëk moe wø caame yïth apiite.

Jeremaya 24:7

Aani, ge mooa mooø ki cwïny mo løny ki man ŋäcge aani ni beeye aani na Wuuö Jwøk; ni bëëtge ni gena jiya, ni bëëda ni aana Jwøge, kiper ge duua baŋa ki cwïnyge bäre.

Jeremaya 31:1

Wuuö Jwøk aköö, ni «Yi kar kaace aano bëëdö ni aana Jwøk mar wïth tuŋi bëët mo jø Icriel, ni bëëtge ni gena jiya.»

Jeremaya 31:33

'Ba luubö mano tuuda ki jø Icriel yïth nïröke beeye en: Aani, ciik 'moa okïtha wïthge, ni gööra geni yïth cwïnyge. Ni bëëda ni aana Jwøk marge, ni bëëtge ni gena jiya.

Jeremaya 32:38

Ni bëëtge ni gena jiya, ni bëëda ni aana Jwøk marge.

Jeremaya 32:40

Ni ööa ni tuda ki luubö ki geni mo bëëdö na bäre bäre, ni beeye ni gïn mo beer ba wiia ki man tïïa gø jïge. Ni mooa cwïnyge ki lwär, ni bëëtge ni ge lwäär ki aani cooth, naa ba wecge.

Edhikiel 37:27

Kar bëëtö mara otïmö ni ena dïge; ni bëëda ni aana Jwøk marge, ni bëëtge ni gena jiy 'moa.

Edhikiel 39:22

'Ba ki mano täge ki dïcäŋeca këël yi nyïme, jø dhi øt Icriel oŋäcge ni bee aani na Wuuö Jwøk, Jwøk marge.

Odheea 1:10

'Ba kwään jø Icriel poot tïmö ni caala akwöny deŋ naama dwøŋ ni wø ba løny ki røm wala ki kwaan; ni købi ki geni, ni «Uuna wäät Jwøa kwøw;» yi paac mana wara købi jïge yie, no «U patha jiya.»

Odheea 2:23

Jiya ma jø Icriel tietge okëëlla piny ni teek yi ŋöömö. Bäth ec mara onyoodha jï jøøa näk bäth ec kär nyoodhø jïge, ni kööa jï jøøa näk patha jiya, ni ‹Uuna jiy 'moa!› Ni köge jïra, ni ‹Ïïna Jwøk marwa!› »

Dhekaraya 13:9

'Ba jiy moø noo dööŋ ki ra adäk yøø, geno kïtha yïth gïï mo leth mo caala maac, nee tïmge ni waany, kaamar man wø leeny warkey ki gwel-bïrö ki maac, ni twønna gø. Kanyøgø nyeŋŋa ocwølge, ni løøa luubö marge; aano kööi, ni ‹Beege jiy 'moa,› 'ba geno kööi, ni ‹Wuuö Jwøk beeye Jwøk marwa.› »

Dhekaraya 8:8

ni duua geni nee bëëtge yi Jerucalem, ni tïmge na jiya ni tïma ni aana Jwøk marge ki ra adïëri ki bëëtö mo thïïŋ.»

Mathiew 22:32

ni ‹Aana Jwø Eeberam, ni näga Jwø Aydhak, ni näga Jwø Jeekap.› Eni paa Jwø jøøa näk othøw, 'ba ena Jwø jøøa kwøw.»

Wëëlö Mana Göör Pøølli Baŋ Jø Röm 11:27

'Ba man otïmö na luubö mano tuuda ki geni kanyo wëënna raacge.»

1 Körin 6:16

?Kuyu ni ŋat wø dwal dëëre ki kääbi wø tïmö na dëël aciel ki eni? Kiper ogöörö, ni «Geni na näk ariiø otïmö na dëël aciel.»

2 Körin 3:3

Ni røgu you nyoodhø ni uuna wëëlö mar Krictø na cïpwa, mo ba göör ka peen, 'ba göör ka Jwïëc Jwøa kwøw, ni paa ogöör bäät opäp kïte, 'ba ogöör bäät opämi moa näk cwïny jiy.

Tiet Ciik 30:6

'Ba Wuuö Jwøk na näk Jwøu cwïnynyu ki cwïny nyïïkwaayu wiile wiilø nou mëërru ki eni, e na Wuuö Jwøk na näk Jwøu, ki cwïnynyu bäre ki jwïëyu bäre, kiper nou bëëdu nou kwøw.

Tayta 2:14

ŋata cïp ree kiperø, nee ø wïïl wøk yïth raay bëët, ni tïïc øøni ni ø waany na moe, na jiy mo cwïnyge ege cïp køør tïïe moa beyø.

Ibaru 11:16

'Ba atïmö ni cwïnyge lääŋŋa paac mana beerra eni, ni beeye paana en maalø. Kiper manøgø, Jwøk wïïe ba laay ki man cwøli na Jwøk marge, kiper da pääny mo ee jiiŋŋø kiperge.

Jeemeth 1:18

Ni beeye ki køør mana manynye ki wïïe keere na cwääc øøni ki køør luum adïëri nøø tïmø ni ø caala thwöth beel ri moa cwääe.

Jeemeth 1:21

Kiper manøgøøni, weyu gïïa reyø bëët ki gïïa näk patha karge bëët, ni jïëyu ki luumma piith cwïnynyu nou mwöl, na näk løny jïre ki man piem jwïëyu.

1 Piter 1:23

Kiper uuna cäŋ nywøllø nou nyärö, nou ba nywöli ka ri kunh wø ränynyi, 'ba u nywöli ka ri kunh wø ba maar ränynyö, ki køør luum Jwøk na kwøw ni wø bëëdö na bäre bäre.

1 Piter 2:9

'Ba uuni, uuna jiy mo ojierø, ni nägu dïlämme mo tuuŋ kwär, na jiy mo ena kur keerge, na jic Jwøk kiree, kiper nee moa beyø na tïïc ŋata cwöl uuni wøk ki yi muudhö ni kïth uuni yi taye na beer døc, nee køpu.