Ibaru 7:2 - Wëël Jwøk

² Ni ö Eeberammi ni cïpe jï gø ki paac wïth jammi ri gïïa kääre bëët. 'Ba eni, tier nyeŋŋe beeye «Nyeny bëënynyö,» ni näk nyeny Calem thuwø, na näk tiere beeye ni «Nyeny bëët-mëër.»

Ibaru 7:2 Iomraidhean Croise

Wïlöölö 28:22

Ni ö kïnni ni yaa cwöth piny na nyuudhi en ni tïme na gïn mo nyootha kar bëëtö mar Jwøk; ni gïï ocïp Jwøki jïra bëët, paac wïthge cïba cïbö jïre thuwø.»

2 Camiel 23:3

Jwø Icriel mare anø caane, ni beeye Jwø Icriel na teek na cäänö ki aani ni kööe, ni ‹Ŋato bëëdö na nyeya ni käär jiy ki jöö ma kare, ni jiy kääre ni eni lwäära aani, a na Jwøk,

2 Camiel 8:15

Køøre Deebit aput bëëdö na nyeya mar jø Icriel bëët; ni luup ŋøle na karge, ni tïïya adïëri jï jø Icriel bëët.

1 Luup Nyeye 22:9

'Ba ïïno jïtï ki nyilaal ma dïcwøø, ni beeye ŋato bëëdö no ojwöm, ni mooa eni ki jwöm kun ki kun ki baŋ nyïïmän moe bëët. 'Ba aani a cïpö ki bëët mëër ni tïïa Icriel no onikwöc ki yïth nïr nyec mare.

Ciik Kiper Dïlämme 27:32

'Ba paac wïth dhäk, ki paac wïth dïëk, ni beege paac wï lääy man nø mana näk okwään wøk, paacge ena kur keere na mar Wuuö Jwøk.

Mikiya 5:5

ni bee eni noo käl bëët-mëër. 'Ba kanyo ö jø Aciria noo öge yi ŋöömö marø, noo nyøønge paan dwøŋ ki tietge, øøni, ø puta jääk baŋge ki dïbwöthe moa teek mo leny.

Kwään Jiy 18:21

«'Ba gïna cïba jï jø tuuŋ Libay nee bëëde na marge beeye paac wïth jammi bëët mo jø Icriel. Moøgø acïba jïge ki køør tïïc marge man wø tïïcge yo oduŋkaany røømmø.

Mathiew 1:23

ni «Nyakøø mo dëër dïcwøø poot kuue ojïti ki nyilaal ma cïïŋŋö; 'ba nyeŋŋe ocak ni Imanuwel», na näk tiere beeye ni «Jwøk ena buutø».

Luk 2:14

na «Ajiem en jï Jwøk maalø, ni ö bëët-mëër ni en piny bäät jiy na met yie ki ge.»

Wëëlö Mana Göör Pøølli Baŋ Jø Röm 3:26

Ni eni nyootha gø ennø ni eni ki dëëre ŋøl luup mare beeye adïëri, ni ŋat wø ŋääth Jecu wø jïëe jïëö ni mare beer nyïme.

Ibaru 7:1

'Ba Melkidhedek manøgø, nyeny pääny Calem, na näk dïlämi mar Jwøa dwøŋ na en maal, arøømmø ki Eeberam, kanya duu Eeberammi ki kuna 'näk nyeye, ni gwïëth gø.

Ibaru 7:3

Ni bäŋ gïn mo ŋäc kiper wänni ki menni, wala tier tuuŋ mar kwäye, ni bäŋ kany mo eno tägö yie, wala kany cuŋ kwøwe yie, 'ba eni caala O Jwøk, ni bëëdö ni ena kwääy lam këël na bäre bäre.

1 Camiel 8:15

Ni ö paac wïth caammi mou, ki paac wïth nyïïomøki mou, ni käl geni, ni cïp ge jï jiye moa näk ee cuumö ki jø tïïc moe.

1 Camiel 8:17

Paac wïth dïëk mou käle kälö; këël uuni ki dëëtu kiree u tïmö ni uuna jø tïïc moe.