Ibaru 6:1 - Wëël Jwøk

¹ Kiper manøgønø, beerra man kaalø pwöc man wø kwøŋ dhaanhø pwönynyö ki gø kiper Krictø, ni cøø baŋ pwöc man wø wëëk dhaanhø døøŋŋø ki ri ŋäädhe, ni ø ba nøøc tier løk cwïny man wø løk røk ri tïïe moa en ri thøø, ki mar ŋäädhe man wø en ri Jwøk,

Ibaru 6:1 Iomraidhean Croise

Pwöc Leec Wïc 4:18

'Ba jöör bëët jøøa beyø caala man wø ö tiet øwi, ni wø rïënyi ni tar mare cäänhnha maal këël mano pïïe ya aŋuun tar mar dïcäŋ.

Dhekaraya 12:10

«Dïcäŋöca, aani, jwïëc met ec ki jwïëc lam kønynya bäät dhi øt Deebit ki bäät jø wø bëëdö Jerucalem. Kanyøgønø geno tïmö ni ge neeta ŋata cwøpge ki tøŋ, ni kïmge kiper gø kaawat man wø kïm dhaanhe bäät nyaare aciel keere mo othøw, ni jwöŋge kiper gø ni yïthge ege keeyø døc kaawat man wø jwöŋ dhaanhe bäät wääde ma kanynye mo othøw.

Mathiew 21:29

Ni dwøgi ya wääde jïre, na ‹A ba cii.› 'Ba køøre cään, wïïe acäŋ caarrø, ni cøøe.

Mathiew 21:32

Kiper Jøøn aö baŋu ni køpa jöör bëënynyö, ni käru jïëy ki mare. 'Ba mare ajïëc jø ajwäki ki kääpe. 'Ba uuni, këël na neennu gïnögø, cwïnynyu käru løø ni jïëyu mare.»

Mathiew 3:2

ni köö, ni «Løgu cwïnynyu, kiper buya käl maal kare acäännö.»

Mathiew 4:17

Kar kaagønø, beeye kanya täk Jecu ki køp luum Jwøk, ni cäänö, ni «Løgu cwïnynyu, kiper buya käl maal kare acäännö.»

Mathiew 5:48

Kiper manøgønø, u doo bëëdö ni bëëtö maru bäre beer, kaawat man bëët Wääu ni en maal ni bëëtö mare bäre beer.

Mathiew 7:25

Ni päth køthi, ni ö jwïïe, ni cööt jame ni kwöt dëër ødøgø, ni käre pädhö, kiper mana tïme no ogeer bäät kïdi.

Maak 1:1

Täk luumma nyään na met mar Jecu Krictø na näk O Jwøk,

Maak 6:12

Kanyøgø gena aay, ni køpge gø, ni jiy cwïnyge dege løø.

Luk 6:48

Eni caala dhaanhø mo ogëëdö ki øtø, mo tier gø ee koonyø ni thur piny, ni cwää tier gø bäät kïdi. 'Ba na ö jwïëe, pïï akwöt dëër ødøgø, ni käre løny ki man nëëk gø, kiper mana näk mo ogeerø ni teek.

Jøøn 12:44

'Ba Jecu dwøre atïŋ maal døc ni kööe, ni «Ŋat wø jïëy ki aani ni ŋääth a, ba jïëc aani keere, 'ba jïëya eni na jääŋ aani thuwø.

Jøøn 14:1

'Ba Jecu aköö, ni «Kär cwïnynyu wëëgu ränynyö. Jïëyu ni ŋääthu Jwøk, ni jïëyu ni ŋääthu aani thuwø.

Jøøn 5:24

Adïëri møn, a caana gø jïïu, ni ŋat wø wïny luumma ni jïëe ki eni na jääŋ aani, ree da kwøw mana näk adïëri mo bäŋ cuŋŋe. Ni eni ba doo cøøa kar ŋøl luup. 'Ba eno nø ö wøk ri thøø ni ci yi kwøw.

Moa Tïïc Nyïïatwieli 11:18

'Ba na wïnyge luummögø, gena lïŋö ni jiemge Jwøk, ni köge, ni «Këël juurre thuwø awëëk Jwøki løk cwïny nee kwøw jootge.»

Moa Tïïc Nyïïatwieli 17:30

Kanya poot dhaanhe ni bäŋ gïn mo ŋääe, Jwøk abëëdö ni cwïnye ee cïp piny. 'Ba kawaane eni jiy bëët aköömme ki man løkge cwïnyge yi piny bäre.

Moa Tïïc Nyïïatwieli 2:38

Ni kö Piterri jïge, ni «Løgu cwïnynyu ni lwøk uuni na nyuudhi u bëët, ki nyeŋ Jecu Krictø, kiper nee gïïa bayu nee wec. 'Ba Jwïëc Jwøk na en kur keere ocïp jïïu na muuy.

Moa Tïïc Nyïïatwieli 20:21

naa cäänna jø Juuth ki jø Gïrïïk bëët kiper løk cwïny baŋ Jwøk, ki ŋääth Kwääyø ma Jecu Krictø.

Moa Tïïc Nyïïatwieli 26:20

'Ba akwøŋa køp jï jøøa en Damacka, køøre akøba yi Jerucalem ki yïth mïëri bëët mo Judia, ki jï juurre thuwø, nee wïthge cäŋge caarrø ni løøge rege baŋ Jwøk, ni tïïcge gïï mo orømø ki løk cwïny marge.

Moa Tïïc Nyïïatwieli 3:19

Kiper manøgø nø, cäŋu wïthu caarrø ni løgu cwïnynyu, kiper nee moa bayu puu wøk, nee yïthu cäŋge mïnnö kiper Wuuö Jwøk noo en buutu,

1 Körin 13:10

'Ba kanyo ö mano näk othur kare, mana näk patha othur kare jøøl.

1 Körin 2:6

'Ba da leec wïc mo wø caanwa caanø dï jøøa wïthge leer. 'Ba paa leec wïc mar pinyi en, wala man wø car jø bëën pinyi en, jøø ni teekge ojøøl yøø.

2 Körin 7:1

'Ba omëëya, kiper mana tïme ni gïïögø buuka jïïø nø, beerra man døøyø dëëtø mo waany ki gïï wø raany dëël ki jwïëy, ni tïïø bëëtö mana en kur keere no othur kare ni ø lwäära Jwøk.

2 Körin 7:10

Kiper teeŋ kïmmö man wø many Jwøki wø käla løk cwïny man wø bwöth baŋ pïëm man piem jiy ki gø, ni bäŋ jääl røk. 'Ba kïmmö mar pinyi en wø duua thøø.

Epeca 2:1

'Ba Jwøk uuna tïïe nou kwøw kanya bëëdu ni uuno thøw kiper gïïa dhallu ki japa reyø na tïïyu,

Epeca 4:12

kiper nee bäŋe gïn mo läämö jï jø Jwøk kiper tïïc man wø tïïcge ni ge wëëga dëër Krictø tëënnö,

Köløcia 1:28

'Ba beeye Krictø ni wø gïre køpwa, ni köömwa jiy bëët, ni pwönywa jiy bëët ki køør luup leec wïc bëët, kiper nee jiy bëët kïthwa nyïm Jwøk, ni kwänynyö marge othur kare na wøp ri Krictø.

Köløcia 3:14

'Ba dï gïïögø bëët, ŋäyu mëër keere, ni beeye ni wø dwal jammi bëët ni thurge karge ki cwïny aciel.

Köløcia 4:12

'Ba uuna määth Epapara ŋata öö ki baŋu, na näk laŋ Krictø Jecu. Eni lääŋŋa uuni cooth ki cwïnye bäre yïth laam moe, nou cuŋŋu ni uuno thur karu, ni moa many Jwøki bëët you kwanyø na adïëri.

1 Timöthi 3:16

Ajïëø møn, ni gïna näk tiere okwøŋ kan mar lam marø, dwøŋ møn. Kiper øøna jïëy, ni ena nyooth kanya tïme na dhaanhø, ni ŋunni ya Jwïëc Jwøki, ni ena neen nyïïatwiet maalli, ni nyeŋŋe okøbø dï mïëri, ni jïëc nyeŋŋe dï piny, ni kïthi maal ka ajiem.

1 Timöthi 6:19

'Ba kanyo tïïcge gïïögø ge këëlla tietge piny na wøp kiper yi nyïm, kiper nee un kwøw mana näk adïëri makge.

2 Timöthi 2:19

'Ba Jwøk, mare na näk ee këël piny wø cuŋŋa kare, ni ŋïï man ena dëëre na ennø, ni «Wuuö moa näk moe ŋääe,» ni «Jiy bëët mo wø cøør nyeŋ Wuuö, raay wär kwierge.»

Ibaru 11:6

'Ba ni näk bäŋ ŋäädhe, ba maar lønyø jï dhaanhø ki man døøc yi Jwøk mo met. Kiper ŋat wø nyiik buut Jwøk kany mo cään, wär cwïnye dee ŋäädhe ni Jwøk nutö, ni wø cïpö ki jammi jï jø wø many eni.

Ibaru 12:13

Ni tïïu ki uutjïëthe mo thïŋŋö kiper tietu, kiper nee ŋat wø kwömi nee waŋ ocwiie ba needunynya, 'ba nee bëënynye.

Ibaru 7:11

?'Ba onää mo løny ki mana di jiyi thur karge ki køør kwäc-lam mar dhi øt Libay, aperŋø nø, na di jøwi määnyö ki dïlämi mør këët mo caala Melkidhedek, ni wec ŋata caath køør Aran? Kiper ciik Jwøk ajoot jiyi ri kwääc lam mar dhi øt Libay.

Ibaru 9:14

a teeŋ lwøk mo nyïëdi nø noo lwøk øøni ki rem Krictø, ŋata cïp dëëre jï Jwøk ni bäŋ gïn mo jøøŋŋi ree, ni cïbe ka ri Jwïëc Jwøk ni wø bëëdö na bäre bäre, noo døøc cwïnynyø mo waany ni wiiø tïïe mo thøø ni tïnynyø Jwøa kwøw.

Jeemeth 1:4

'Ba wëëgu tëënnö thur kare, kiper nou thuru karu na bäre bäre, ni bäŋ gïn mo läämö.

1 Piter 1:21

'Ba beeye ki køøre na tïmu nou ŋäätha Jwøk, eni na duu Krictø wøk ki yi thøø, ni mooc gø ka ajiem. Kiper manøgønø, jïëy maru ki ŋäädhe maru ena ri Jwøk.

1 Piter 5:10

'Ba køøre, nou nø jwørru gïïö ni leth yøø ki kany mo thiinh, Jwøa näk Jwø met ec bäre, ŋata cwøl uuni ya ajieme mana näk bäŋ cuŋŋe ki ri Krictø, oööi ki dëëre ni dwøk u karu, ni wëëk u tëënnö, ni këël tietu piny.

1 Jøøn 4:12

Bäŋ dhaanhø mo oneen Jwøk. Ni näk mo ø mëër ki røgø, Jwøk bëëdö dëëtø, ni mëëye othur kare cwïnynyø.