Ibaru 5:1 - Wëël Jwøk

¹ 'Ba kwääc laam moa døøŋŋø bëët mo wø kwany dï jiy, wø jier kaper nee luup mo jiy caange nyïm Jwøk, ni cïpge ki muuce ko olämme kiper raay.

Ibaru 5:1 Iomraidhean Croise

Ciik Kiper Dïlämme 8:2

ni «Lwør Aran ki wääte na aciel, ka abïïk dïlämme, ki maar rööny, ki rwaath mano cïp no olämi mar wëën raay, ki nyöök rööm karge riet, ki gupa mo yie da muunni mo odeelø ni bäŋ thømmø rege,

Ciik Kiper Dïlämme 9:7

Ni ö Modhe ni put köö jï Aran, ni «Nyänh buut gïn wø cïp olämme bääte ni cïpï olämi marï mar wëën raay, ko olämi marï man wø waaŋ bäre, niï tïïya okïdi kiper dëërï, kiper jiy; ni cïpï olämi mana cïp jiyi niï tïïya okïdi kiperge, kaawat mana cemi ya Wuuö Jwøki.»

Wëëlö Mana Göör Pøølli Baŋ Jø Röm 15:17

Kiper manøgønø, beer jïra ki nyeŋ Krictø Jecu ki man tööda kiper tïïc mara na tïïa jï Jwøk.

1 Körin 15:3

'Ba mana pere letha eni beeye na cïba jïïu, ni beeye mana wëëk aani thuwø, ni Krictø athuunh raayø, kaawat mana no ogöörö yïth Weet Jwøk,

Ibaru 10:11

'Ba dïlämme bëët, ge wø bëëdö kar tïïe moge ki yïth nïne bëët, ni ge cïpö ki teeŋ olämme moøgø cooth cooth, mo wø ba maar lønyø jïge ki man wëënge raay.

Ibaru 10:12

'Ba Krictø, kanya ööe na nø cïp dëëre no olämi yie aciel na bäre bäre kiper raay, ena pï bäät cwïï Jwøk.

Ibaru 11:4

Ni beeye ŋäädhe, na ö Eebelli na cïp olämi mana tïmö ni beerra eni jï Jwøk ki mar Keen, ni beeye na jïëc eni ni eni beer ki køøre, kanya ö Jwøki na jïëe ko olämme moa cïbe. 'Ba këël na thøøe, eni poot luubö ki køør ŋäädhe mare.

Ibaru 2:17

Ni beeye tiere na kwøŋi tïïc ni caala nyïïmenni ki yi bëëte bäre, kiper nee eni tïme na Kwääy Lam Mo Dwøŋ yi tïï Jwøk, mo yie bäth mo oŋäädhö, nee raac jiy wëënne.

Ibaru 7:27

'Ba eni bäŋ gïn manynye kaamar kwääc laam moa døøŋŋø moøke, ki man cïpe ko olämme cooth, ni dïkwøŋ cïpö kiper raay moe, køøre cïpö kiper raac jiy. Kiper gïnögø atïïe yie aciel keere na bäre bäre, kanya cïp dëëre kiree no olämi.

Ibaru 8:3

Kiper kwääc laam mo wø døøŋŋø bëët wø di jierø nee cïpge ki muuce ko olämme. Kiper manøgønø, kwääy lamøgø manynya gïn mo cïbe cïbö thuwø.

Ibaru 8:4

'Ba kawaane onää eni ena piny, ba doo tïmö na dïlämi na bäre. Kiper dïlämme nutö mo wø cïpi ko olämme kaawat mana caan yïth ciik Modhe.

Ibaru 9:9

Ni manøgø beeye nyuudhi mo nyootha nïne moi. Ni nyootha gøøni ni muuce ko olämme mo wø cïp, ba løny ki man tïïcge cwïny ŋat wø lämö ni waany,