Ibaru 4:16 - Wëël Jwøk

¹⁶ Kiper manøgønø, beerra man nyiigø buut wäl met ec ni yøø ŋäädhö, kiper nøø jïtø ki bäth ec, ni joodø met ec mano køny øøni kany wø cännø.

Ibaru 4:16 Iomraidhean Croise

1 Luup Nyeye 28:11

Kanyøgø Deebit yi jöö mana näk ee käl wøk mana dee Øt Jwøk geerø ki gø bäre aput wëëk wääde ma Cølöman, ni bee Øt Jwøk mana dwøŋ, ka agööla mare, ki uudi moe mo bëët jammi yïthge, ki uudi moe mo en maal, ki uudi moe mo en yie kuya, ki øtø mana en kur keere man wø bëët acanduki yie mana näk bääte da rëëbi man wø nyooth wëën raay;

Aydheea 27:11

'Ba kanyo tal bäädi moøgø, ge di tøyø, ni ö määnni ni møøtge ge na jer maac. Kiper jiy moøgø paa jiy mo wïnyö ki luup. Kiper manøgønø, ŋata tïïc geni na jiy, cwïnye ba ware ki geni; ŋata cwääc geni, cwïnye ba cïp piny ki geni.

Ciik Kiper Dïlämme 16:2

Eni na Wuuö Jwøk ena köö jï Modhe, ni «Caanï jï coku ma Aran nee eni ba døny yi kanya en kur keere na pere leth ki kany wäro manynye jaak, ni beeye kanya no ogëëŋö ka abïï nyïm rëëbi mana näk nyuudhi mar wëën raay mana näk acanduk orïëbö ki gø, kiper nee eni ba thøøe. Kiper kany wø nyoodha raa yie ki yi pöölö beeye bäät rëëbi manøgø.

Epeca 2:18

Ni beeye ki køøre na jïtø ki jöö karøbëët man cøø baŋ Wuuö ki ri Jwïëc Jwøk na näk aciel.

Epeca 3:12

eni na mooc cwïnynyø ki cer ki man ŋääø gø ni jïïø da jöö man cøø nyïm Jwøk ki køør mana ŋäädhø eni.

Ibaru 13:6

Kiper manøgønø, ø doo köö ni yøø ŋäädhö, ni «Wuuö Jwøk beeye dïkunyi mara, naa ba doo lwäyö. ?Aŋø, dhaanhø jaak, agïnaŋø noo tïïe dëëra?»

Ibaru 3:6

'Ba Krictø Øt Jwøk agwøe ni ena wäädö. 'Ba beeye øøni na øde, ni näk mo ø puta bëëtö ni cwïnynyø yøø maa ki mana jïëø ki gø, ni ø jeemma ŋäädhe marø.

Ibaru 7:19

Kiper bäŋ gïn mo otïïc ciik Modhe no othur kare. 'Ba ki løøk maya, ŋäädhe mar yi nyïm mana beerra eni, apïï, ni beeye gïn wø nyiigø buut Jwøk ki køøre.

Ibaru 7:25

Kiper manøgønø, løny jïre ki man køny jø wø nyänh buut Jwøk ki køøre na bäre bäre, kiper mana bëëde ni kwøw cooth, ni kwaaya Jwøk kiperge.

Ibaru 9:5

'Ba bäät acanduk da gïï mo ocwääö ni caala nyïïatwiet maal mo cwøl ni kirubëlli, mo nyootha ajiem Jwøk, ni bwöpge ege määö bäät rëëbi mar kany wø ö Jwøki wø køny jiy yie. 'Ba kawaane atïmö ni bäŋ kany caanwa tiet japøgø yie këët.

1 Piter 2:10

'Ba dïkwøŋ u patha jiy mo nyeŋŋu ŋäc, 'ba kawaane uuna tïmö ni uuna jic Jwøk. Ni dïkwøŋ bäŋ køny mo you joodø, 'ba kawaane uuna jïtö ki køny.