Ibaru 4:12 - Wëël Jwøk

¹² Kiper luum Jwøk beeye gïn mo kwøw ni tïïö, ni betha eni ko opëëllö mo lage ariiø, ni cööbö këël man wø pääŋ kwøw ki jwïëy, ki mut ki maar cuu, ni ŋäya acaany cwïny ki mo wø many cwïnynyi.

Ibaru 4:12 Iomraidhean Croise

Pwöc Leec Wïc 5:4

'ba aŋuunne, luupe këënynyö kaamar tier keenø, ni bïnhnhe kaamar opëëllö mo dhøgi ariiø.

Luup Dïpööy 12:11

Luup jøøa wïthge leer caala jaath man wø kwør lääc paac ki gø, ni kany wø cooŋ geni caala mucumääre mo ogurö ni teek. Ni luupögø cïpa dïkwääyi mana näk aciel ni beeye Jwøk.

Aydheea 11:4

'Ba eni luup jøøa can oŋøle ki køør adïëri; luup jøøa no othiel piny moa en bäät piny oŋøle na kare. Eni piny ojääle ki luup moo ööi ki dhee, ni 'näk jøøa reyø ki jam dhee.

Aydheea 49:2

Wuuö Jwøk luup mo wø ö wøk ki dhaa atïïe kaamar opëëllö mo beth, ni ö eni ni kan aani tïm cere. Ni tïïc aani kaamar atheerø mo ojiedhø, ni put aani kan yi køp mar athëëre.

Aydheea 55:11

aani thuwø, a na Wuuö Jwøk, luubö man wø ö wøk ki dhaa ba duu baŋa jaak ni gïna manynya nee tïïe käre thöörö, ni gïna jääŋŋa gø kipere käre wëëk thur kare.

Jeremaya 17:10

«Beeye aani na Wuuö Jwøk ni wø neen cwïny dhaanhø, ni wø raŋ acaac dhaanhø thuwø, ni ŋati man nø cunna cunnö ki køør uutjïëth bëëtö moe, ki køør tïïe moe ni wø tïïe.»

Jeremaya 23:29

?Aŋø, a na Wuuö Jwøk, luumma ba caal maac, ni caal guduum man wø tøk kïdi na thäŋi?

Luk 8:11

'Ba tier leer manøgø beeye en. Köödhi beeye luum Jwøk.

Jøøn 12:48

'Ba ŋat wø kweer ki aani ni ba wïny luup moa caana, da ŋat mo ŋøla luumme piny. Ni beeye luubö mana kwøŋa caan noo ŋøl mare piny yi cäŋo cuŋ pinynyi yie.

Jøøn 6:51

'Ba beeye aani na møk kwøw mana öö ki maal na ö piny. Noo dee ŋat mo cam møgøgøøni, eni okwøw na bäre bäre. 'Ba møgo cïba kiper nee jø piny kwøwge, beeye dëëra.»

Moa Tïïc Nyïïatwieli 2:37

'Ba na wïnyge luummögø, cwïnyge abwøk, ni köge jï Piter ki nyïïatwieli møga, «?Nyïïmëëkwa, agïnaŋø noo tïïcwa?»

Moa Tïïc Nyïïatwieli 4:31

'Ba kanyøgøøni na lønyge ki lam, kanya näk dëëtge ege cooŋ yie ree ajäŋe, ni pääŋ cwïnyge bëët ki Jwïëc Jwøk na en kur keere. Ni køpge luum Jwøk ni cwïnyge da cer.

Moa Tïïc Nyïïatwieli 5:33

'Ba kanya wïnyge gïnögø, cwïnyge aränynyö døc, ni tïmge ni ge manynya man 'näkge geni.

Moa Tïïc Nyïïatwieli 7:38

Ni beeye eni na nut ya acooŋ Jwøk dï paap, ge ki kwäyø, ki nyïïatwiel maal na cäänö ki eni bäät Kïn Caynay, ni beeye ŋata wëëk luup mo kwøw eni nee mëëk øøni.

Wëëlö Mana Göör Pøølli Baŋ Jø Röm 1:16

Kiper aani, wïïa ba laay ki luumma nyään na met, kiper beeye teek Jwøk ki man piem jiy bëët mo wø jïëy ni ŋääthge, ni tägi ka jø Juuth, këël mano këët baŋ jøw mo patha jø Juuth.

1 Körin 1:24

'Ba ki jï jøøa näk ocwølø, na näk jø Juuth këël jø Gïrïïk, beeye Krictø na näk teek Jwøk, ni näk leec wï Jwøk.

2 Körin 2:17

Kiper wa ba caal jøø ni thööth yøø ni wø køp luum Jwøk kiper gwel. 'Ba waana jiy mo bäŋ atade cwïnywa, mo jiera Jwøki, ni wa cäänö ka nyeŋ Krictø nyïm Jwøk.

2 Körin 4:2

Waani tïï atade ni wø määnö akwierwa, ni wa ba caath jöör riek waŋ, wala ki man wiilwa luum Jwøk. 'Ba dëëtwa ewa nyoodhø jï jiy bëët nyïm Jwøk ki køør luumma näk adïëri ni wø køpwa ni wïnyö jaak.

Epeca 5:13

'Ba gïn wø nyooth tarri wø tïmö ni nëënö, kiper gïn wø nëëni, tar wø ena dëëre.

Epeca 5:26

kiper na acooŋ Jwøk døøc mo ena kur keere na mar Jwøk ki køør mana peny gø ki pïï ki luumme ni døøc gø mo waany,

Epeca 6:17

Ni kääru cöör nywïënyö na näk pïëm man piem jiy ki gø, ko opëëllö mar Jwïëc Jwøk, ni beeye luum Jwøka eni.

1 Thecalönika 2:13

Ni beeye wø pwøcwa Jwøk cooth thuwø, kiper kanya wïnynyu luum Jwøk baŋwa, aputu jïëc ni beeye luum Jwøk, ni näk adïëri møn, ni patha luum jiy jaak, ni beeye ni tïïö cwïnynyu, u na jïëy.

1 Thecalönika 5:23

'Ba Jwøk ki dëëre, ni wø cïp bëët-mëër, uuno tïïe nou ena kur keeru ki karu bäre, ni ö jwïëyu, ki kwøw maru, ki dëëtu, ni bëëtge na karge ni bäŋ ajäla røkge, kanyo ö Kwääyø ma Jecu Krictø.

Ibaru 13:7

Lääŋŋu jøøa bwøth uuni, jøøa caan luum Jwøk jïïu. Caarru bëëtö marge këël aŋuunne, ni ŋwaallu ŋäädhe marge.

Jeemeth 1:18

Ni beeye ki køør mana manynye ki wïïe keere na cwääc øøni ki køør luum adïëri nøø tïmø ni ø caala thwöth beel ri moa cwääe.

1 Piter 1:23

Kiper uuna cäŋ nywøllø nou nyärö, nou ba nywöli ka ri kunh wø ränynyi, 'ba u nywöli ka ri kunh wø ba maar ränynyö, ki køør luum Jwøk na kwøw ni wø bëëdö na bäre bäre.

Mana Nyooth 1:16

'Ba cer cwïïe da ceer abïriiø, ni dhee da opëëllö mo beth mo lage ariiø. Ni täärnyïme caala cäŋ mo orieny ni kwaar døc.

Mana Nyooth 19:15

Ni ö opëëllö mo beth ni bëëde ni ööa wøk ki dhee, mano gøøc mïëri ki gø, ni dïïm geni ka athøny nywïënyö. 'Ba eni buur wø biic nyïïomøki mar wëëc Jwøk na en teeki jïre, wëëya dwøŋ døc, onyøøne.

Mana Nyooth 19:21

Ni ö møga ni nägi ya opëël ŋata en bäät okweeny, opëëlla bëëdö ni ööa wøk ki dhee. Ni ö wenynyi bëët ni jäŋge døc ki rïŋge.

Mana Nyooth 2:16

Kiper manøgønø, løk cwïnyï. 'Ba ni näk ba løgï, a laara ö baŋï ni këëda ki jøøgø ko opëël dhaa.

Mana Nyooth 2:23

'Ba nyïïe onääa ni thøwge ki thøø mo leth. Ni ö acook Jwøki bëët ni ŋäcge gø ni beeye aani ni wø neen gïï wø en yi cwïny ki wïc. 'Ba ŋati man nø dïïu omooa ki mano rømi ki tïïe moe.

Mana Nyooth 20:4

Kanyøgø wäle møøk ajooda, ni jøøa näk owëëk ŋøl luup opï bäätge. Ni jooda jwïëc jøøa wïthge ŋul wøk thuwø kiper gïr Jecu na køpge, ki gïr luum Jwøk, jøøa näk Lääy manøgø kärge wøørø, wala gïna näk ocwääö na caal kïte, na näk kär jïtö ki ŋïï täärnyïmge wala ceŋge. Geni, gena cäŋ kwøwø, ni bëën geni ki Krictø na aciel ki cwiiri ma kuma.

Pïëmme 3:16

'Ba Ëwut atïïö ko opëëllö ma mare, mo lage karge riet beth, ni bär mare caala rumi mar cenø ma gööyö aciel; ni ö Ëwuti ni twöö opëëllö manøgø ääme mana en bäät cwïïe tier abïïne.