Ibaru 3:9 - Wëël Jwøk

⁹ kanya ö kwäyu na päänyge aani, ni jootge tïïe 'moa ki cwiiri ma pïëraŋween.

Ibaru 3:9 Iomraidhean Croise

Bwøth Wøk 19:4

ni ‹Uuni ki dëëtu kiree gïna tïïa dëët jø Ijep ajootu ki nyeŋŋu, na käla uuni wøk ki Ijep, ni gwøa uuni kaa man wø ö odhuuthi wø käär nyaare ki bwöpe, ni käla uuni baŋa.

Bwøth Wøk 20:22

Køøre Wuuö Jwøk aköö jï Modhe, ni «Caanï jï jø Icriel ni kööï, ni ‹Uuni ki dëëtu kiree aana jootu naa cäänö ki uuni naa ena maal.

Amøc 2:10

Ni beeye aani na käl uuni wøk cøøn ki yïth ŋøøp Ijep, ni käära uuni dï paap ki cwiiri ma pïëraŋween, kiper nee ŋøøp jø Amör cige jïïu.

Kwään Jiy 14:33

Ni ö obwöre mou ni tïmge na dïkwääc dïëk ki cwiiri ma pïëraŋween dï paap, ni jwørge gïï mo leth kiper mana weyu aani, këël mano thummu ki thøø bëët dï paap.

Luk 7:22

Køøre aløk Jecu jï jøøa jääŋŋi, ni «Cou ni caannu gïïa neennu na wïnynyu jï Jøøn, ni jøøa näk cööye nyeŋge adøø karge, ni ö ŋööte ni cääthge, ni ö jøøa näk dëëtge da dhøøbø ni døø dëëtge karge, ni ö meŋŋe ni wïnyge luup, ni ö jøøa näk othøw ni tïŋ ge maal ki yi thøø, ni ö jøøa canni ni køp luumma nyään na met jïge.

Moa Tïïc Nyïïatwieli 13:8

'Ba ajwønnøgø, na näk nyeŋŋe beeye Elima ki dhi Gïrïïk, luum Cøøl ki Barnaba akwiere, ni manynya man maaŋ wï kwäärö nee ba jïëe.

Moa Tïïc Nyïïatwieli 7:36

Ni bwøth jø Icriel wøk ni tïïe ki gïï mo rëëma ec ki ŋïïce yi Ijep, ki bäät Naama Kwaar, ki dï paap ki yïth cwiiri ma pïëraŋween.

Tiet Ciik 11:7

'Ba uuni ki dëëtu, tïïe moa døøŋŋø na tïïc Wuuö Jwøki bëët aneennu ki nyeŋŋu.

Tiet Ciik 29:2

Køøre Modhe jø Icriel bëët acwøle, ni kööe jïge, ni «Uuni gïïa tïïc Wuuö Jwøki bëët yi ŋööm Ijep dëër Peerø nyeny Ijep ki jø tïïc moe bëët, ki gïïa tïïe ri ŋöömme, ajootu ki nyeŋŋu.

Tiet Ciik 4:3

Gïna tïïc Wuuö Jwøki dëët jøøa caath køør jwøa cwøl ni Baal-Pëëgör ri Kïn Baal-Pëëgör ajootu ki nyeŋŋu. Wuuö Jwøk na näk Jwøu jøøgø anääe dïïu.

Tiet Ciik 4:9

«'Ba ennø, gwøgu rou døc, ni bëëdu ni rou you koorø, kiper nee wïthu ba wïlge ki gïïa neennu ki nyeŋŋu, nee gïïge ba rwäänyge cwïnynyu ki yïth nïr kwøw mou bëët. 'Ba gïno tïïyu beeye ki man pwönynyu obwöre mou ki nyïïkwaayu ki geni nee ŋäcge.

Tiet Ciik 8:2

'Ba wïthu wär caarru ki jöö mana ö Wuuö Jwøki na näk Jwøu na käär uuni ki gø dï paap ki yïth cwiiri moi na pïëraŋween ii. Wuuö Jwøk gïï mo leth akäl bäätu, kiper nou pwönynye, kiper nou päänynye, nee gïna en cwïnynyu nee ŋääe, ki man näk mo ciik moe gwøgu gwøø wala ba gwøgu.

Tiet Ciik 8:4

'Ba ki yïth cwiiri moi na pïëraŋween ii, abïïe moa en dëëtu kär ränynyö, ni tietu kär kwöt ki wääth.

Jøcua 23:3

'Ba uuni Wuuö Jwøk na näk Jwøu, gïïa tïïe bëët kiperu dëët wïth juurre moa bëëdö yi ŋööm Keenan bëët ajootu, kiper beeye Wuuö Jwøk na näk Jwøu na bëëdö ni këëdö kiperu.

Jøcua 24:7

'Ba kanya jwöŋ kwäyu dëëra, a na Wuuö Jwøk, aani yïthakiyu ki jø Ijep atïïa ni da muudhö, ni dwøga pï Naama Kwaar bäät jø Ijep ni muda geni. 'Ba uuni gïna tïïa Ijep ajootu ki nyeŋŋu kiree. Ni putu bëëtö dï paap ki kany mo bäär døc.

Jøcua 5:6

Kiper jø Icriel acäädhö dï paap ki cwiiri ma pïëraŋween, këël mana thøw cwøw lenynyi bëët moa ö wøk ki Ijep, kiper mana kärge dwør Wuuö Jwøk leŋø. Ni beege jøøgø na cään Wuuö Jwøki ki ge na kööe ni ŋöömma näk caak ki maar kïc päl yie ba dege joodø, ni beeye ŋöömma kööŋe kipere jï kwäyø nee cïbe jï nyïïkwaacge.