Ibaru 3:8 - Wëël Jwøk

⁸ kär cwïnynyu døøyu mo teek, ni caala dïcäŋ mar ageem, cäŋa näk cäŋ päänynyö dï paap,

Ibaru 3:8 Iomraidhean Croise

2 Nyeye 17:14

'Ba jø Icriel ki jø Juuda luummögø kärge wïnynyö, ni bëëtge ni wïthge teek kaamar kwäcge, na kär Wuuö Jwøk, Jwøk marge, ŋäädhö.

2 Luup Nyeye 30:8

'Ba ennø, kär wïthu døøyu mo teek kaawat mana tïïc kwäyu, 'ba beerra man wïnynyu luum Wuuö Jwøk, ni dønynyu kar bëëtö mare na en kur keere, na näk ee cïp kur keere na bäre bäre, ni tïnynyu Wuuö Jwøk, Jwøk maru, nee wëër mare ni wø liel kaamar maac nee paanye bäätu.

2 Luup Nyeye 36:13

Ni gëëme thuwø ki nyeya ma Nabukedenecör, ŋata tïïc gø nee kööŋe nyïm Wuuö Jwøk. Ni tïïc wïïe ki cwïnye ni teek ki man løø nyïme baŋ Wuuö Jwøk, Jwø Icriel.

Neemiya 9:16

«'Ba geni na kwäcwa gena tïmö ni marge atöör, ni døøcge wïthge mo teek, ni kärge ciik moï wïnynyö.

Jööp 9:4

Jwøk wïïe leer døc ni teek mare okadhø. ?Aŋa ni cäänö ki gø ni waŋe teek, ni bäŋ gïn mo tägi dëëre?

Bwøth Wøk 17:7

Ni ö Modhe ni cwøl nyeŋ kaace ni Meriba, kiper beeye kanya ö jø Icrielli na tïïge ko okiera yie, ni cwøl gø thuwø ni Maca, kiper beeye kanya ö jø Icrielli na päänyge Wuuö Jwøk yie, ni köge, na «?Aŋø, Wuuö Jwøk ena buutø, wala jïre bäär?»

Bwøth Wøk 8:15

'Ba kanya ö Peerø na neen gø ni piny oniwaany, cwïnye acäŋ døøc mo teek ni kweere ki man wïny mana caan Modhe ka Aran, kaawat mana kwøŋi ya Wuuö Jwøki caan jï Modhe.

Pwöc Leec Wïc 28:14

Gwïëth en bäät ŋat wø bëëdö ni lwäära Wuuö Jwøk cooth, 'ba ŋat wø døøc cwïnye mo teek pätha yïth gïï mo leth.

Pwöc Leec Wïc 29:1

Ŋat wø jøgi cooth, ni luup poot di dhalø, ränynyö ocwöp dëëre, ni bäŋ gïn køny gø.

Jeremaya 7:26

'Ba uuni, mara käru wïnynyö, ni ïthu käru ciiø ki dwøra, 'ba wïthu adøøyu mo teek, ni tïïu ki gïï mo reyø mo kaala moa tïïc kwäyu.

Daniel 5:20

'Ba kanya tïm cwïnye ni ena maal ka atöör, ni jwïëy moe bëënna koorrø, ni töödö bäät jiy, ena käl wøk ki bäät wäl nyec mare, ni ö ajiemmi mare ni lwøri baŋe.

Kwään Jiy 14:11

Ni kö Wuuö Jwøki jï Modhe, «?A ki kany mo nyïëdi nø noo poot jøøi ii naa poot ege taaø? ?A ki kany mo nyïëdi ni pootge naa ba ŋääthge en, këël na bëëde ni ŋïïce mo døøŋŋø yaa tïïö dïge?

Mathiew 13:15

Kiper cwïny jøøi ii, atïmö ni bäŋ gïn mo maarge joot, ni ïthge odhïŋ ki man wïnyge luubö, ni nyeŋge ege miiø, kiper nee ba jootge ki nyeŋge, ni ba wïnyge ki ïthge, ni ba kwanyge tier gø ki cwïnyge, ni ba luuge rege baŋa, nee ge kønya.›

Moa Tïïc Nyïïatwieli 19:9

'Ba na tïm jø møøki ni wïthge teek ni ge kär jïëy, ni ge cäänö ki luup mo reyø kiper Jöör Lam mar Jecu nyïm acooŋa, Pøøl ree adaae dïge, ni cwöl bääŋi køøre. Ni tïme ni pïëmö yi øt pwöc mar Tirana cooth.

Moa Tïïc Nyïïatwieli 7:36

Ni bwøth jø Icriel wøk ni tïïe ki gïï mo rëëma ec ki ŋïïce yi Ijep, ki bäät Naama Kwaar, ki dï paap ki yïth cwiiri ma pïëraŋween.

1 Körin 10:9

Øøni Wuuö Jwøk ba døø päänynyö, keda mana tïïc jø møøki dïge, na nääŋŋi ya thwöre.

Tiet Ciik 6:16

Kär Wuuö Jwøk na näk Jwøu päänynyu, kaawat mana päänynyu gø kanya cwøl ni Maca.

1 Camiel 6:6

?Aperŋø na tïïyu cwïnynyu ni teek kaawat mana tïïc jø Ijepi ki nyenyge ma Peerø na døøcge cwïnyge mo teek? ?A kanya ö Jwøki na nyooth teek mare bäätge, jø Icriel kärge wiiø nee aacge, ni ö jiyi ni putge tïŋŋö?