Ibaru 3:7 - Wëël Jwøk

⁷ Kiper manøgønø, kaawat mana caani ya Jwïëc Jwøki na en kur keere, ni «Dïcäŋi, noo wïnynyu dwøre,

Ibaru 3:7 Iomraidhean Croise

2 Camiel 23:2

«Jwïëc Wuuö Jwøk aö bääta ni cääne ki raa, ni tïm luupe ni ena dhaa.

Pwöc Leec Wïc 27:1

Kärï ŋwöö kiper gïno tïïyï diøø, kiper gïno tägi yi cäŋ mar diøø kuyï.

Luup Dïpööy 9:10

Gïn wäro magï ki cerï ki man tïïyï gø put tïïc ki cwïnyï bäre; kiper bäŋ acaare, wala kwänynyö wala leec wïc ki tïïc mo di tïïö këët kar bëët jwïëc jøøa no othøw noo ciï yie.

Aydheea 55:3

Wïnynyu mara, ni ööu baŋa; cegu ïthu nou bëëdu nou kwøw. Aani a tudö ki luubö ki uuni mo bëëdö na bäre bäre, ki køør mëër mara na näk adïëri na nyoodha jï Deebit.

Aydheea 55:6

Manynyu Wuuö Jwøk kany poode ni nut en; cwøllu eni kany poode ni kare cään en.

Mathiew 17:5

'Ba kanya poode ni cäänö, pöölö mo tar anijïïm bäätge. Ni ö dwølli ki yi pööllögø, ni caana gø, ni «Man beeye Wääda na mëëra ki gø, na met yia ki mare. Wïnynyu luumme.»

Mathiew 22:43

Ni kööe jïge, na «?Aperŋø nø, na cwøli ya Deebiti ni Kwäärö ki køør mana nyooth Jwïëc Jwøki jïre, kanya caan gø,

Maak 12:36

Kiper Deebit ki dëëre ena cäänö ki køør mana nyooth Jwïëc Jwøki na en kur keere, ni kööe, «ni ‹Wuuö Jwøk aköö jï Kwääya, ni «Pï bäät cwïïa, këël mano cïba nyïïmännï tietï.» ›

Jøøn 10:16

'Ba jïra da dïëk møøk mo tøør ri pïïth man. 'Ba geni käla kälö thuwø, ni wïnyge dwøra. Køøre geno tïmö na pïïth aciel ki dïkwääy aciel.

Jøøn 10:27

'Ba dïëga dwøra wø wïnyge wïnynyö, ni ŋääa geni, ni ö geni ni cääthge køøra.

Jøøn 10:3

Ni ö ŋat wø koor dhi kal ni jap gø jïre. Ni ö dïëki ni wïnyge dwøre. Ni eni dïëge wø cøøre cøørø ki nyeŋge, ni bwøth geni wøk.

Jøøn 5:25

«Adïëri møn, a cäänna uuni, da kany mo öö, ni beeye ennø, kanyo ö jøøa no othøwi noo wïnyge dwør O Jwøk. 'Ba jøw owïny gø, okwøw.

Moa Tïïc Nyïïatwieli 1:16

«Nyïïmera, wëël Jwøk manynya gø nee thur kare, kaa mana kwøŋi ya Jwïëc Jwøki na en kur keere caan ki dhi Deebit, ni caan kaper Juudac na näk dïnyuudhi jï jøøa mak Jecu.

Moa Tïïc Nyïïatwieli 28:25

Køøre na jït dïge ki pïëm gena aay, køør luumma näk aciel na caan Pøølli, na kööe, ni «Jwïëc Jwøk na en kur keere mare adïëri na caan gø jï kwäyu ki dhi nyikuŋ Jwøk ma Aydheea, na kööe,

Moa Tïïc Nyïïatwieli 8:29

Ni kö Jwïëc Jwøki jï Pilip, ni «Ci baŋ jäänögø.»

Ibaru 10:15

'Ba Jwïëc Jwøk na en kur keere, mare akøbe jïïø thuwø, na kööe,

Ibaru 3:13

'Ba beerra man köömmu røgu keeru cooth, kany poode na dïcäŋi en, nee bäŋe ya dhaanhø aciel dïïu mo cwïnye tïmö ni teek kiper mano cøøgi ya raayi.

Ibaru 3:15

kaawat mana no ogöörö, ni «Dïcäŋi en, noo wïnynyu dwøre, kär cwïnynyu døøyu mo teek ni caala dïcäŋ mar ageem.»

Ibaru 4:7

ena cäŋ cïpö ki cäŋ mør, kiper nee jø møøk dønyge yie. Ni beeye dïcäŋi en, na caane cään ki ri Deebit køør mana näk ee caanø cøøn. Ni beeye luupi ii na nø caan en, ni «Dïcäŋi noo wïnynyu dwøre, kär cwïnynyu døøyu mo teek.»

Ibaru 9:8

Ni beeye gïn wø ö Jwïëc Jwøki na en kur keere wø nyooth gø, ni jöö mano døny jiyi yi kanya en kur keere na pere letha eni, poot kär jabø, kany poode no oduŋkaara mana en wøgø poot cuŋŋö kare.

2 Piter 1:21

Kiper bäŋ gïn mo okøp nyïïkuk Jwøki bäre bäre, mo käla dhi dhaanhø, 'ba ge wø køpa moa käl dhi Jwøk, kanya ö Jwïëc Jwøki na käär geni.

Mana Nyooth 3:20

'Ba neenï, a cuŋŋa dhi øtø, naa dööŋö. 'Ba ni näk da ŋat mo wïnynya dwøra, ni jap dhi øtø, a cøøa baŋe, ni cäma ki eni, ni ö eni ni cäme ki aani.