Ibaru 3:5 - Wëël Jwøk

⁵ 'Ba Modhe tïï Øt Jwøk bäre agwøe ni ena ŋat tïïc mo oŋäädhö, ni køp jammi moa doo caan Jwøki yi nyïm.

Ibaru 3:5 Iomraidhean Croise

Neemiya 9:14

Ïïni, cäŋ jwömö marï na en kur keere acaanï jïge nee ŋäcge, ni cïpï pwöc moï, ki gïïa cemï, ki ciik moï jïge ki ri dhaanhnhï ma Modhe.

Bwøth Wøk 14:31

'Ba kanya ö jø Icrielli na jootge teek Wuuö Jwøk na dwøŋ na nyoodhe dëët jø Ijep, gena put lwäyö ki Wuuö Jwøk, ni ŋääthge Wuuö Jwøk ki dhaanhnhe ma Modhe.

Bwøth Wøk 40:16

Ni ö Modhe ni put gïïögø bëët tïïc; ni tïïe na karge kaawat mana ö Wuuö Jwøki na kööm eni.

Kwään Jiy 12:7

'Ba a ba cäänö ki dhaanhnha ma Modhe na enøgønø, kiper beeye eni no oŋäädhö dï paara bäre.

Mathiew 24:45

«?Na a laŋŋø mane nø, ni wïïe leer mo maar ka ŋääth, ni cuumi kwääye bäät laaŋe mo wø tïïö bëët paare, nee cam marge nee wø mëëk ge kany wø näk ma kare?

Mathiew 25:21

«Ni kö kwääye jïgø, na ‹Atïïyï na wøp, ïïna laŋŋø mo beer mo di ŋäädhö. Ïïna tïmö niï di ŋäädhö ki jammi mo nøk. 'Ba ennø, jammi mo thööth ocïba cerï. Ööï nee met yi kwääyï bëëde bäätï.›

Luk 12:42

Ni kö Kwäärö, na «?A laŋŋø mane nø, ni wïïe leer mo maar ka ŋääth, ŋat mo doo cuum kwääye bäät laaŋe bëët paare, nee caapge wø pääŋŋe jïge kany wø näk ma kare?

Luk 24:27

Ni par luup bëët jïge moa en yïth weet Jwøk na näk ocaanø kipere, ni tääe ka luup Modhe këël mo nyïïkuk Jwøk bëët.

Luk 24:44

Kanyøgø ena köö jïge, ni «Moi beege luupa na caana jïïu kanya pooda naa bëëdö ka uuni, ni luup bëët moa näk ogöörö kipera ri ciik Modhe, ki mo nyïïkuk Jwøk, ki moa en yi Dut Pwøc thura karge.»

Jøøn 5:39

U wø määnyö yïth weet Jwøk, kiper you caarø ni yïth luupögø beeye noo jootu kwøw mana näk adïëri mo bäŋ cuŋŋe. Ni beege geni ni wø køp gïra.

Moa Tïïc Nyïïatwieli 28:23

'Ba na nø cïpge piny ki cäŋ man öge baŋe yie, gena put ö baŋe kanya bëëde yie ni ge thööth døc. Ni par tier luummögø jïge, ni tägi ka amöölla këël abøøya, ni køpa gïr buc Jwøk, ni nyootha luum Jecu jïge ni beeye adïëri, ni nyoodhe ka ri luup moa en ri ciik Modhe ki mo nyïïkuk Jwøk.

Moa Tïïc Nyïïatwieli 7:37

Ni beeye Modhe manøgø na köö jï jø Icriel, ni ‹Jwøk uuno thïïŋŋe ki nyikuŋ Jwøk røk nyïïmëëgu, kaawat mana thïïŋ aani.›

Wëëlö Mana Göör Pøølli Baŋ Jø Röm 3:21

'Ba kawaane bëënynyö man wø cïp Jwøki onyoodhø ni ciik Jwøk tøør ree, ni beeye na cään ciik Jwøki ki mo nyïïkuk Jwøk kipere,

1 Körin 4:2

'Ba jø wø wëëk tïïc, manynya jiy mo oŋäädhö.

Tiet Ciik 3:24

‹Wui Kwäärö Wuuö Jwøk, ïïna tägö ki man nyoothï dööŋö marï ki teek badï jïra, a na laŋŋï, kiper bäŋ teeŋ jwøk mør mo ena maal wala mo ena bäät piny mo løny jïre ki man tïïc teeŋ tïïe moøgø na døøŋŋø yøø na tïïyï ki køør teegï.

Tiet Ciik 34:5

'Ba Modhe dhaanh Wuuö Jwøk athøø yi ŋööm Möap kaace kaawat mana caani ya Wuuö Jwøki.

1 Timöthi 1:12

'Ba a wø dwøga met yia baŋ Krictø Jecu na näk Kwääyø, ŋata wëëk aani tëënnö, kiper mana caar aani, ni aano rømø ki man ŋäädhi, kanya jier aani ni kïth a yi tïïc mare,

Ibaru 1:1

'Ba yïth nïne mo acääŋŋe cøøn Jwøk acäänö ki kwäyø ki dhøk nyïïkuk Jwøk, ki uutjïëthe mo thööth ma teeŋi.

Ibaru 3:2

Kiper eni dwør ŋata jier gø agwøe kaamar Modhe thuwø na gwøk tïïe mo Øt Jwøk.

Ibaru 3:4

Kiper uudi bëët, wø da dïgëëte moge, 'ba dïgëëdi man wø geer jammi bëët beeye Jwøk.

Ibaru 8:5

Ni ge tïïö yi kar lam man wø nyooth kanya en kur keere ni en maal na näk mar Jwøk, ni beeye nyuudhi mar gø. Kiper kanya ö Modhe na tïme ni manynya man tïïc oduŋkaany lam, ena kööm Jwøki, na kööe, ni «Wär ŋäyï ki man tïïyï jammi bëët na karge ki køør nyuudhi mana nyooth jïrï bäät kïdi.»

Ibaru 9:24

Kiper Krictø kär døny yi kanya en kur keere mana näk tïïc ka ceŋ, man wø nyooth kanya en kur keere mana näk adïëri. 'Ba ena ci maalø kiree, ni eni cuŋŋö nyïm Jwøk ennø kiperø.

Jøcua 1:15

'Ba u doo bëëdö nou køønynya nyïïmëëgu këël mano ö Wuuö Jwøki noo mooc geni ki jwöm, kaawat mana mooc uuni ki jwöm, këël mano ö geni thuwø noo macge ŋöömö mano cïp Wuuö Jwøki na näk Jwøu jïge. Køøre nø, uuno døø yi ŋöömö mana näk maru ni bëëdu yie, ni beeye ŋöömma näk onø cïp Modhe na näk dhaanh Wuuö Jwøk jïïu na en løø Naam Jördan løøi jï løø kur tuul-cäŋ.»

Jøcua 1:2

ni «Dhaanhnha ma Modhe anø thøw; ennø, ö maal, ni ŋutï løø Naam Jördan løøga, ni beeye ïïni ki jøøi bëët ii; ni cou yi ŋöömmo wëëga geni, ge na jø Icriel.

Jøcua 1:7

'Ba mana pere letha eni keere, mak riï ni bëëdï niï teek; gwøk ciik bëët na karge moa ö dhaanhnha ma Modhe na kööm ïïni ki ge; kär niï gaa wøk ki røk ciik moøgø ni ba gaaï bäät cwïï wala bäät caamï, nee gïï wø tïïyï bëët thurge karge.

Jøcua 8:31

ni tïïc gø na kare kaawat mana ö Modhe na näk dhaanh Wuuö Jwøk na kööm jø Icriel ki gø, kaawat mana gööri Modhe piny yi wëël ciik; ni gïn wø cïp olämme bääte manøgø tïïc ka kïte mo kär tøø, ni bäŋ ŋat mo gut kïte moøgø ki nywïënyö mar tøk. Ni ö jø Icrielli ni putge cïpö bääte ko olämme jï Wuuö Jwøk, ni beeye olämme mo wø waaŋ bäre, ko olämme mo wø duunni ki mëër.

Jøcua 8:33

Kanyøgønø, jø Icriel bëët ki jø døøŋŋø moge ki dïbwöthe ki dïŋut luup, gena put cuŋŋö lak acanduk man wø nyooth luumma tuut Wuuö Jwøki ki jiy, ki nyïm dïlämme na käl røk jø tuuŋ Libay na biel acanduk mar Wuuö Jwøk; këël juurre moa path na bëëdö dï jø Icriel ki wäät thwöth Icriel bëët, ge nut ni ge cuŋŋö kaagø. Ni jø møøk dëëtge cuŋŋa løøk maya ni ge dïët ki kïnna cwøl ni Geridhan, ni jøw møga cuŋŋa løøk maya ni ge dïët ki Kïn Gëëbal, kaawat mana ö Modhe na näk dhaanh Wuuö Jwøk na kööm ge dïkwøŋ, nee jø Icriel jïtge ki gwïëth.

Mana Nyooth 15:3

Ni ge wära duut Modhe, na näk laŋ Jwøk, ki duut Nyidiel, ni ge köö, ni «Ï na Kwäärö Wuuö Jwøk na en teeki jïrï, Nyeny piny bäre, tïïe moï døøŋŋø, ni beege gïï mo rëëma ec. Ni luup moï beyø ni näkge adïëri.