Ibaru 3:16 - Wëël Jwøk

¹⁶ ?'Ba a jøøe moe na wïny gø, ni pootge ni ge poot gëëmö, këël na wïnyge gø? ?Aŋø, paa jøøa ö wøk ki Ijep bëët ni ge bwøtha Modhe?

Ibaru 3:16 Iomraidhean Croise

Jeremaya 32:29

Ni ö jø Babilønni moø ni këëdi ki päänyi en, ni dønyge yie, ni nyepge gø ki maac ni waaŋge gø. Ni waaŋge uudi bëët mo wø wääŋ jiyi bäätge ki gïn wø jïye ŋwääi ni met jï jwøa cwøl ni Baal, ni wø kunyge piny bäätge ki muuy mar køøŋø jï juu møøk, ni raanyge cwïnya.

Jeremaya 44:3

kiper gïïa reyø na tïïc jiyi ni raanyge cwïnya ki køør mana bëëtge ni ge cïpö ko olämme mo wø waaŋ jï juu møøk ni ge tïnynya geni, ni beege juu mo kucge dïkwøŋ, ni uuni ki kwäyu juugögø kuyu thuwø.

Jeremaya 44:8

?Aperŋø na raanynyu cwïnya ki køør gïïa tïïyu ki ceŋŋu en, ni cïpu ko olämme mo wø waaŋ jï juu moa path Ijep, paana ööu yie kiper bëëtö? Manøgø, u thööra rou, nou tïmu ni uuna gïr acïëni, na gïr ajøøŋ dï wïth juurre bëët mo bäät piny.

Kwään Jiy 14:11

Ni kö Wuuö Jwøki jï Modhe, «?A ki kany mo nyïëdi nø noo poot jøøi ii naa poot ege taaø? ?A ki kany mo nyïëdi ni pootge naa ba ŋääthge en, këël na bëëde ni ŋïïce mo døøŋŋø yaa tïïö dïge?

Kwään Jiy 14:2

Ni ö jø Icrielli bëët ni ŋurge ki nyeŋ Modhe ka Aran, ni ö lwaaøgø bäre ni köge jïge, na «?Aŋø ni ba tïme kere wa thøøa Ijep wala dï paabi en?

Kwään Jiy 14:24

'Ba dhaanhnha ma Kalëp okïtha yi ŋöömma ci yie, ni tïme na mar nyïïkwaaye na bäre bäre, kiper mana bëët jwïëye ni ena kur keere, ni caath køøra ki cwïnye bäre.

Kwään Jiy 14:30

bäŋ dhaanhø aciel dëëtu mo ö yi ŋöömma kööŋa kipere nou bëëdu yie; 'ba beeye Kalëp o Jöpöni ki Jøcua o Nun keerge noo ci yie.

Kwään Jiy 14:38

'Ba ki røk jøøa aay na liew ŋöömö, Jøcua o Nun ki Kalëp o Jöpöni adööŋ ni kwøw.

Kwään Jiy 14:4

Ni cäänge yïthakicge keerge, ni köge, ni «Beerra man jëëtø ki kwääc lwaak, nøø døø Ijep.»

Kwään Jiy 26:65

Kiper onø caan Wuuö Jwøki jïge ni ge doo thøw dï paap. Bäŋ dïcwøø aciel mo odööŋ rege ni kwøw; 'ba beeye Kalëp o Jöpöni, ki Jøcua o Nun keerge na dööŋ.

Tiet Ciik 1:38

'Ba Jøcua o Nun, ni tïny ïïni enø, oci kaace. Beerra man cømï cwïnye nee bëëde ni teek, kiper eni jø Icriel otïïe nee ŋöömmögø ci jïge na marge.

Juut 1:5

'Ba kawaane a manynya man para wïthu, këël na näk you nø wïnynyö ni beer, ni Wuuö Jwøk na piem jiy yi ŋööm jø Ijep, jøøa näk kär jïëy ni ŋääthge acäŋ raanynyø.