Ibaru 3:1 - Wëël Jwøk

¹ Kiper manøgønø, nyïïmera, u na en kur keeru na mo Jwøk, ni nywaak cwönna öö ki maal, caarru gïr Jecu, na näk Nyïïatwiel na Kwääy Lam Mana Dwøŋ mana jïëø ki gø.

Ibaru 3:1 Iomraidhean Croise

Aydheea 1:3

Dhieŋ wänni ŋääe, ni ö arëënni ni ŋäc kar cam mana jiiŋ wänni jïre; 'ba jiya ma jø Icriel, a na wääge a kucge, ni tier luumma ba kwanyge.»

Aydheea 41:20

nee joot jiyi, ni ŋäcge gø, nee caarge ni kwanyge tier gø, ki man näk mo bee aani na Wuuö Jwøk ki dëëra kiree na tïïc gø, ni bee aani na cwääc gø, a na Jwø Icriel na en kur keere.»

Aydheea 5:12

Ni ge bëëdö ni ge pöödö ki wïth thøme ma teeŋi kwör maath moge, ni ge pöödö ka anëët ni ge kudhö ko opele; 'ba ïthge ba cekge ki tïïe mo Wuuö Jwøk, ni bäŋ gïn caarge kiper japa tïïc Jwøki.

Edhikiel 12:3

«Kiper manøgønø, ï na wär dhaanhø, twöc jammi moï kede man wø täk bööki paac; ni putï tïŋŋö ki dïcäŋ ni nëënö jïge ni kede täga böök. Beerra man tïŋŋï paac marï ni ciï paac mør niï nëënö jïge. Kanymør tier gïnögø kwanyge kwanyø, këël na bëëtge ni gena jø ageem.

Edhikiel 18:28

Kiper eni wïïe acaare yïth japa reyø bëët na tïïe, ni käl ree wøk yïthge; kiper manøgønø, ka adïëri møn, eni bëëdö ni kwøw; eni ba thøw.

Agëë 1:5

'Ba ennø, gïna caan Wuuö Jwøki, eni na wïth jammi bëët, bee en, ena köö, ni «Beerra man cädu kiper bëëtö maru.

Agëë 2:15

« ‹'Ba ki mano täge ennø, beerra man caarru gïna tägö kanya poode ni Øt Wuuö Jwøk poot kär tääö ki geer.

Jøøn 17:3

Ni man en beeye kwøw mana näk adïëri mo bäŋ cuŋŋe, niï ŋäcge, ï na näk Jwøk mana näk adïëri keere, ki Jecu Krictø na jääŋŋï.

Jøøn 20:21

'Ba Jecu acäŋ köö jïge, ni «Bëët-mëër bëëde bäätu. Kaa mana ö Wuue na jääŋ aani, u jääŋŋa jääŋŋö thuwø.»

Jøøn 20:27

Kanyøgø ena köö jï Tøma, «Kïth lweetï kany ni neenï ceŋŋa, ni kälï cerï ni kïthï gø tier-buuta. Kärï bëëdö ni bäŋ ŋäädhe cwïnyï, 'ba jïëyï ni ŋäädhï.»

Moa Tïïc Nyïïatwieli 1:15

'Ba yïth nïrögø Piter ree athïïŋe dï nyïïmëëe moa näk bääk Jecu. 'Ba acooŋa bäre jïtö ki kar jiy ma dïpa aciel ki pïërariiø. Ni kö Piterri jïge,

Wëëlö Mana Göör Pøølli Baŋ Jø Röm 11:17

'Ba ni näk bäädi møøk otuur wøk, ni ö ïïni na näk jaath paap ni rap ïïni karge niï nywaagï beeny jaath paac,

Wëëlö Mana Göör Pøølli Baŋ Jø Röm 15:27

Geni, yïthge met ki tïïc gø, ni beeye mana dege tïïö møn. Kiper ni näk mo juurre otïmö ni ge nywaaga jöör Jwøk marge, ge dege tïnynyö thuwø ki jap piny mo wø wëëk Jwøki geni.

Wëëlö Mana Göör Pøølli Baŋ Jø Röm 15:8

Kiper a cäänna uuni ni Krictø atïmö na ŋat tïïc mar jøøa näk odaŋø, ni nyootha gø ni Jwøk luumme adïëri ni wëëga gïïa buuk jï kwäre thur karge,

Wëëlö Mana Göör Pøølli Baŋ Jø Röm 9:24

Ni beeye øøni na cwøle, ni patha ø keerø na en røk jø Juuth, 'ba këël ki røk juurre thuwø.

1 Körin 1:2

A göönna baŋ jø acooŋ Jwøk moa en yi Körin, jøøa näk ocïp kur keerge ki ri Krictø Jecu, na cwøl ni jø Jwøk na aciel ki jøø ni en kwörögø bëët ni wø cøør nyeŋ Kwääyø ma Jecu Krictø, na näk Kwääyge, ni näk marø.

1 Körin 10:17

'Ba kiper na näk beeye møø aciel, ø na thööth, øøna tïmö na dëël aciel, kiper øøni bëët, ø wø nywaaga møgøgø na aciel enø.

1 Körin 9:23

Ni moøgø bëët tïïa kaper luumma nyään na met, kiper naa tïma ni da kara ri bëënynye.

2 Körin 1:7

'Ba ŋäädhe marwa kiperu kär dak. Kiper ŋäcwa ni keda man bëëdu en nou nywaaga gïï wø leth ni wø jwørwa, cwïnynyu ocøm thuwø ki teeŋ cøm cwïny marwa.

2 Körin 9:13

Kiper tïïögø nyootha bëëtö maru, ki man näk mo uuno tïmö nou jiema Jwøk ki køør mana leŋŋu luumma nyään na met mar Krictø na jïëyu, ki man cïpu ki muuce mo thööth ki bäth ec kiperge ki jø møga bëët,

Epeca 3:6

Ni beeye ni juurre atïmö na lwiidhi ki jø Jwøk na aciel, ni gena dëël aciel, ni karge dagø ri buuk mana buuk ki ri Krictø Jecu ki køør luumma nyään na met.

Epeca 4:1

Kiper manøgønø, a na tööny Wuuö, a kwaya uuni ki man bëëdu ki bëëtö mo orømø ki cwödö mana cwøl uuni kipere,

Epeca 4:4

Kiper beeye dëël aciel ki Jwïëc Jwøk aciel, keda mana cööl u ŋäädhe aciel mano en nyïm na cwøl u kipere,

Pilipay 3:14

Ni dëëra yaa maa, naa pïïa kanya manynyi, kiper nee muuy mana cwøl aani kipere maal ki ri Krictø Jecu, nee cïp jïra.

Köløcia 1:12

nou pwøya Wuuö Jwøk, ŋata tïïc øøni ni øøno rømø ki man nywaaø olaawi ki jø Jwøk yi tar.

Köløcia 1:22

kawaane, uuna dwøk baŋe ki køør thøw Jecu, na cïp rïŋ dëëre, kiper nou kïth nyïme nou ena kur keeru, ni bäŋ ajäla dëëtu, ni bäŋ gïn mo jøøŋŋi dëëtu nyïme,

Köløcia 3:12

Kiper manøgønø, kaawat mana ö Jwøki na jier uuni, nou ena kur keeru na mo Jwøk ni uuno omëëye, bëëdu ni cwïnynyu jööt, ni yïthu bäth, nou mwöl, ni bäŋ atöör, ni cwïnynyu you cïp piny.

1 Thecalönika 2:12

ni cømwa cwïnynyu, ni caanwa gø jïïu, ki man bëëdu ki bëëtö mo beer mo orømø ki Jwøk, ŋat wø cøør uuni yi buye kiree ni mooc uuni ka ajiem.

1 Thecalönika 5:27

'Ba a köömma uuni ki ri Wuuö, ni wëëlö man en wär kwaannu jï nyïïmëëe bëët.

2 Thecalönika 1:11

Ni beeye ni wø lämwa cooth kiperu, nee Jwøk marø, nou tïïe ni uuno rømø ki cwönne, nee moa beyø bëët, ki tïïe mo ŋäädhe, nee thurge karge jïïu ki køør teege,

2 Thecalönika 2:14

Ni beeye na ö eni na cwøl uuni ki køør luumwa na nyään na met na køpwa, kiper nee moa beyø na näk mo Kwääyø ma Jecu Krictø na näk rege da ajiem, nee cige jïïu.

1 Timöthi 6:12

Këël leny ŋäädhe ki leny ma wøp. Ni magï kwøw mana näk adïëri mo bäŋ cuŋŋe na cwøl ïïni kipere, kanya køpï luubö marï na wøp nyïm jøøa thööth na wïny gø.

1 Timöthi 6:2

'Ba jøø ni kwääri moge ojïëy yøø, kär wïthge tïmö ni teek kiper mana tïmge na nyïïmëëe. 'Ba ge doo puta tïïö ki tïïc ma wøp, kiper mana tïme ni jøø ni tïnyge yøø, gena jiy mo ojïëy ni ŋääthge, no omëëcge. Beerra man pwönynyï geni ni köömmï geni ki gïïögø.

2 Timöthi 1:9

eni na piem øøni, na cwøl øøni ki cwönna en kur keere, ni paa kiper tïïe 'moø moa tïïø, 'ba beeye ki køør met ec mare ki mana manynye e keere, ni beeye met yie mana cïbe jïïø cøøn ki ri Krictø Jecu ni piny poot käre cwääö,

2 Timöthi 2:7

Caar wïïï ki gïï caana ii, kiper ïïno køny Wuue ki man ŋäyï tiet jammi bëët.

Ibaru 10:19

'Ba nyïïmera, kiper mana tïme ni ø tëënnö ki man dønynyø kanya en kur keere na pere leth ki køør rem Jecu,

Ibaru 10:21

ni tïme ni jïïø da kwääy lam mo dwøŋ ni en Øt Jwøki cere,

Ibaru 10:23

Beerra man putø ŋäädhe marø mar yi nyïm mana jïëø ki gøøni maa cwïnynyø ni ø ba dääŋi. Kiper wää buuki dwøre ba dak.

Ibaru 13:22

'Ba nyïïmera, a kwaya uuni ki man cegu ïthu ki luumma köömma uuni ki gø, kaawat mana göönna baŋu ki luubö mo ciek en.

Ibaru 2:11

Kiper eni ni wø tïïc jiy ni ena kur keerge, ki jøøa no otïïö ni ena kur keerge yøø, wääge aciel. Ni beeye tiere ni ba laac wïïe ki man cwøl geni ni nyïïmenni,

Ibaru 2:17

Ni beeye tiere na kwøŋi tïïc ni caala nyïïmenni ki yi bëëte bäre, kiper nee eni tïme na Kwääy Lam Mo Dwøŋ yi tïï Jwøk, mo yie bäth mo oŋäädhö, nee raac jiy wëënne.

Ibaru 3:12

Nyïïmera, gwøgu rou nee bäŋe dhaanhø dïïu mo cwïnye jïti ki raay ni tääe, ni gaa wøk cer Jwøa kwøw.

Ibaru 3:14

Kiper ø dwäti ka Krictø, ni näk gïna kwøŋø ŋääth yøø maa cwïnynyø møn këël cuŋŋe;

Ibaru 6:20

kanya ci Jecu yie na kwøŋ pïï kiperø, kiper mana tïme ni ena Kwääy Lam Mana Dwøŋ këël na bäre bäre, ni caala Melkidhedek.

Ibaru 7:26

Kiper teeŋ Kwääy Lam Mo Dwøŋ ma enøgønø, orømø ki can marø, ŋata en kur keere, ni bäŋ ajäla dëëre, ni bäŋ gïn mo jøøŋŋi ree, ni ba en dï jø raay, no orøønyø ni dwøŋŋa eni maalø bäre.

Ibaru 7:28

'Ba adïëri møn, ciik Modhe wø jiera jiy mo wø jägö na kwääc laam moa døøŋŋø. 'Ba luumma kööŋe ki gø na öö køør ciigøgø, jiera ŋata näk Wäädö, ŋata tïïc no othur kare këël na bäre bäre.

Ibaru 9:11

'Ba Krictø kanya ööe na Kwääy Lam Mana Dwøŋ, ni ena kwääy lam mar gïïa beyø na öö, ena öö ki ro oduŋkaanynya dwøŋŋa eni na beerra eni døc na näk kär tïïö ki ceŋ, ni ba joota ri moa cwääc.

Ibaru 9:15

Kiper manøgønø, ena nyïjöö mar luumma tuut na nyään, kiper nee olaaw mana näk adïëri na bäŋ cuŋŋe na buuk nee ci jï jøøa cwøl, kiper mana tïme ni da ŋat mo othøw man wø wïïl geni wøk yïth moa dhalge ri luumma kwøŋ tuut na bëënge.

1 Piter 2:9

'Ba uuni, uuna jiy mo ojierø, ni nägu dïlämme mo tuuŋ kwär, na jiy mo ena kur keerge, na jic Jwøk kiree, kiper nee moa beyø na tïïc ŋata cwöl uuni wøk ki yi muudhö ni kïth uuni yi taye na beer døc, nee køpu.

1 Piter 3:5

Kiper ya acääŋŋe määra en kur keerge na wara ŋääth Jwøk, dëëtge atïïcge ni mïërö na enøgønø, ni leŋge luup cwøwge,

1 Piter 5:1

Kiper manøgønø, a köömma jaak acooŋ Jwøk ni en dïïu, ni näga jaa thuwø, na ŋata neen gïïa leth na jwør Krictø, naa nywaaga ajiem mano nyooth.

1 Piter 5:10

'Ba køøre, nou nø jwørru gïïö ni leth yøø ki kany mo thiinh, Jwøa näk Jwø met ec bäre, ŋata cwøl uuni ya ajieme mana näk bäŋ cuŋŋe ki ri Krictø, oööi ki dëëre ni dwøk u karu, ni wëëk u tëënnö, ni këël tietu piny.

1 Jøøn 1:3

'Ba gïna neenwa na wïnywa, wa køpa gø jïïu thuwø, kiper nou dwätu ki waani na aciel. 'Ba dwätö marwa, wa dwäti ka Wuuö ki Wääde ma Jecu Krictø.

Juut 1:1

Aana Juut cöök Jeemeth, ni aana laŋ Jecu Krictø. A määtha uuni na cwøl, na näk jø wø mëër Jwøki ki geni na näk Wuuö, u na näk ogwøø kiper Jecu Krictø.

Mana Nyooth 17:14

'Ba geno määnynyi baŋ Nyidiel, ni ö geni ni bööti ya Nyidielli, kiper ena Kwääy kwääri, ni ena Nyeny nyeye, ni jøøo en buute, gena jøøa cwøl, na jier, na jiy mo oŋäädhö.»

Mana Nyooth 18:20

'Ba ï na maal, yiï mïnne nø ki gïre, ki u na jø Jwøk, ki nyïïatwieli, ki nyïïkuk Jwøk, kiper kwöri mou acool Jwøki dëër paanøgø.