Ibaru 13:9 - Wëël Jwøk

⁹ Kär nou wëëga wïthu maaŋŋø ki pwöc ma teeŋi mo path. 'Ba gïna beerra eni beeye ki man wëëgø cwïnynyø tëënnö ki ri met yi Jwøk, ni patha kiper gwøk ciik mo caammi ni wø bäŋ gïn duuge jï jø wø caath køørge.

Ibaru 13:9 Iomraidhean Croise

Mathiew 24:24

Kiper Kricte mo patha adïëri ki nyïïkuk Jwøk mo patha adïëri, rege othïïŋge ni tïïge ki ŋïïce mo døøŋŋø ki gïï mo rëëma ec, nee wïth jiy maaŋge; këël wïth jøøa näk ojierø maaŋge maaŋŋø thuwø ni näk mo løny jïge.

Mathiew 24:4

Ni dwøk gø jïge, ni «Gwøgu rou, nee bäŋe ŋat mo maaŋ wïthu.

Luk 5:38

'Ba køøŋ nyïïomøki mo nyään doo kïtha yïth opïc pëëne mo nyärö.

Moa Tïïc Nyïïatwieli 20:30

'Ba jø møøk dïïu røkge othïïŋge, ni kierge wïthu nee cwïny bääŋi løøge køørge.

Moa Tïïc Nyïïatwieli 20:32

'Ba kawaane, uuna wiia cer Jwøk, ki luum met ec mare, ni beeye noo wëëk u tëënnö, ni mëëk olaawi uuni na aciel ki jøøa näk ocïp kur keerge bëët na mo Jwøk.

Wëëlö Mana Göör Pøølli Baŋ Jø Röm 14:17

Kiper buc Jwøk paa per cam ki maath, 'ba beeye bëëtö mo beer, ki bëët-mëër, ki met ec ki ri Jwïëc Jwøk na en kur keere.

Wëëlö Mana Göör Pøølli Baŋ Jø Röm 14:2

Ŋat mør wø ŋäädhö ni eni doo cämö ki teeŋ caammi bëët jaak, ni ö ŋat mo ŋäädhe mare thiinh ni caam omär keerge.

Wëëlö Mana Göör Pøølli Baŋ Jø Röm 14:6

Ŋat wø gwøk cäŋ, wø gwøe ni eni wøøra Wuuö. Ni ŋat wø cämö ki teeŋ caammi bëët thuwø, wø cämö ni wøøra Wuuö, ni wø dwøga met ec jï Jwøk. 'Ba ŋat wø ba cämö ki teeŋ caammi bëët, wø poot wøøra Wuuö, ni dwøga met ec jï Jwøk.

1 Körin 6:13

Kwön atïïc kiper ec, ni ö eci ni tïïi kiper kwön. 'Ba gïïögø geno raany Jwøki karge riet. 'Ba dëël kär cwäny käp, 'ba cwääc kaper Kwäärö. Ni ö dëëlli ni bëën Kwäärö.

1 Körin 8:8

'Ba gïï wø camø ø ba wëëk kïth baŋ Jwøk. Ni näk mo ø cämö, bäŋ gïn mo bëënynyi, 'ba ni näk mo ø ba cämö, bäŋ gïn mo raanynye thuwø.

2 Körin 1:21

'Ba beeye Jwøk ni wø wëëk waani ki uuni tëënnö ki ri Krictø, ni jier øøni.

Galeecia 6:1

Nyïïmera, noo dee ŋat jootu no obääyö, u ni cwïnynyu en køør Jwøk, wär cou baŋe nou mwöl, ni dwøgu gø kare. 'Ba riï wär gwøgï, niï ba päänynyi thuwø.

Epeca 4:14

kiper nee ø ba bëëdø kaamar obwöre këët ni wø wïïri køør pwöc ma teeŋi ki køør reek nyeŋ jiy ni wø maaŋ wïth jiy ki cwøkge.

Epeca 5:6

Kär dee ŋat mo cøøk uuni ki luup mo oballe jaak. Kiper beeye teeŋ gïïögønø ni wø käl wëëc Jwøk bäät jø adhala.

Köløcia 2:4

'Ba manøgø acaana jïïu kiper nee bäŋe ya ŋat mo maaŋ wïthu ki luup mo keda beyø jaak.

2 Thecalönika 2:17

cwïnynyu ocøme, ni wëëk u tëënnö ki man tïïyu tïïe bëët moa beyø, këël luupu.

2 Thecalönika 2:2

kiper nee wïthu ba wïïrge, wala cwïnynyu pärö, ni bëët keda gïn mo wïnynyu ka ri Jwïëc Jwøk, wala luubö mør mo you wïnynyö, wala wëëlö mo caan ni ööi ki baŋwa, ni caana gø, ni Cäŋ Kwäärö anø öö.

1 Timöthi 6:20

Ï na Timöthi, gwøk gïna wëëk ïïni. Kwier luup mo ba en jöör Jwøk, ki pïëm mar gïn wø cwøl ni kwänynyö, ni patha eni.

1 Jøøn 4:1

Omëëya, kär jwïëy jïëyu bëët. 'Ba päänynyu jwïëy nee neennu nee gena mo Jwøk. Kiper nyïïkuk Jwøk mo thööth mo patha adïëri okeethø dï piny.

Juut 1:12

'Ba jøøgø caala kït mo reyø mo raanynya kwör cam mou ni wø cammu ki mëër, kany wø cämge ki uuni ni nyeŋge teek, ni marge loora dëëtge. 'Ba ge caala pøøl mo bäŋ køth rege, mo käära jame, ni ge caala jenni mo bäŋ nyïëdi ka arïïa, mo othøw na bäre bäre, mo lweetge oö wøk.

Juut 1:3

Omëëya, a doo manynya man göönna baŋu kiper luum pïëm man piem øøni ki gø ni nywaaø en, 'ba acäŋa jootø ni doo beerra eni jïra ki man göönna baŋu naa köömma uuni ki man pïëmu kiper ŋäädhe mana wëëk jø Jwøk yie aciel ni bäŋ mørø.