Ibaru 13:8 - Wëël Jwøk

⁸ 'Ba Jecu Krictø poot na kare, ya awääre ki dïcäŋi, këël na bäre bäre.

Ibaru 13:8 Iomraidhean Croise

Wïlöölö 21:33

Køøre Eeberam apïïdhö ki jaath mo cwøl ni temïr Bëërcïïba, ni wøør nyeŋ Wuuö Jwøk kaace, na näk Jwø wø bëëdö na bäre bäre.

Bwøth Wøk 3:14

Ni kö Jwøki jï Modhe, ni «Beeye aani ni nut en.» Ni cäŋ köö, ni «Wär caanï jï jø Icriel, ni ‹Jwøa cwøl ni «Aani ni nut en» bee eni na jääŋ aani baŋu.› »

Aydheea 41:4

?Aŋa na tïïc gïnögø na wëëk gø thur kare, na cwøl beenhnhe ki mana täge dïkwøŋ? Bee aani na Wuuö Jwøk na nut wïlöölö noo nut ya aŋuudi, ni bee aani na eni.

Aydheea 44:6

'Ba man beeye dwør Wuuö Jwøk, eni na nyeny Icriel, na wïïl jø Icriel wøk, ni bee eni na Wuuö Jwøk, eni na wïth jammi bëët, ena köö, «Bee aani na wïlöölö ni näga aŋuudi, ni bäŋ Jwøk mør këët ni näk mo paa aani.

Milkiya 3:6

'Ba Wuuö Jwøk, eni na wïth jammi bëët, aköö, ni «A na Wuuö Jwøk, acaaya ba wiila; ni beeye tiere ni käru ränynyö na bäre en, u na nyïïkwaac Jeekap.

2 Körin 1:19

Kiper O Jwøk ma Jecu Krictø na nyeŋŋe wara køpwa dïïu, ni beeye aani, ki Cilbana, ki Timöthi, luumme patha dööti ariiø. 'Ba ki nyeŋŋe wø joota dwøl aciel cooth.

2 Körin 1:20

Kiper gïïa buuk Jwøki bëët wø thura karge ki ri Krictø. Ni beeye ni wø kööø ni «Enøgønø» ki køøre, ni ø jiema Jwøk.

Ibaru 1:12

Ni banï ge kaamar jalabiiya, ni wiil geni kaawat man wø wiil abïï. 'Ba ïïni, ï poot bëëdö na karï karï, ni cwiiri moï ba thum.»

Jeemeth 1:17

'Ba muuce bëët moa näk othur karge wø ööi ki maal ni öge piny ki baŋ Wuuö na näk wää tarri ni wø ba dak, ni ba caal tïpö ni wø dääŋi.

Juut 1:25

'Ba ajiem, ki rööny, ki teek, ki cuum, opoot en jïre, eni na Jwøa näk aciel enø, na näk Pïëmi marø, ki ri Jecu Krictø na näk Kwääyø, ki mana täge cøøn, këël ennø, këël na bäre bäre. Enøgønø.

Mana Nyooth 1:11

ni cäänö, ni «Göör gïn ni neetï en yi wëëlö, ni jääŋŋï gø baŋ acook Jwøk karge bïriedi, ni beeye yi Epeca, ki Camerna, ki Pergamum, ki Thayatira, ki Carda, ki Piladelpia, ki Leeyödicia.»

Mana Nyooth 1:4

Aana Jøøn ni määth acook Jwøk karge bïriedi, ni en yi Eecia. Met ec bëëde bäätu ki bëët-mëër man wø ööi ki baŋ ŋat nut en, na nut cøøn, ni beeye noo ööi, ki baŋ jwïëy karge bïriedi ni wø en nyïm wälle,

Mana Nyooth 1:8

Kwäärö Jwøk aköö, ni «Aana Alpa ni näga Omëëga, ŋat nut en, na nut cøøn, ni beeye eni no ööi, ŋata en teeki jïre.»