Ibaru 13:5 - Wëël Jwøk

⁵ Bëëdu ni dëëtu you gwøø ki mëëc jammi, ni uuno rømø ki mou na en jïïu. Kiper Jwøk aköö, ni «U ba leeŋa piny, ni ba wiia uuni.»

Ibaru 13:5 Iomraidhean Croise

Wïlöölö 28:15

Ni ennø, a ena buutï, ni kany oci yie jaak ï gwøa gwøø, ni duua ïïni yi ŋöömmi; kiper ï ba wiia këël mano tïïa gïna caana jïrï en.»

Wïlöölö 30:31

Kanyøgø Leeban aköö, na «?Agïnaŋø noo cïba jïrï nø?» Ni kö Jeekapi, na «A ba many gïn mør mo cïpï cïbö jïra, 'ba ni näk mo gïrpiny aciel mør kany tïïyï tïïö jïra, aani a puta bëëtö naa kwaaya dïëk moï ni gwøa geni.

Wïlöölö 31:5

ni kööe jïge, ni «Bëëtö mar wääu ajooda no odak, ni nëëni ni ba mëër ki aani ni caala mana dïkwøŋ; 'ba Jwø wära ena buuta.

1 Nyeye 6:13

Ni puta bëëtö dï jiya ma jø Icriel ni ge ba wiia.»

1 Nyeye 8:57

'Ba ennø, beerra man ö Wuuö Jwøki, Jwøk marø, ni bëëde ki øøni, kaawat mana bëëde ki kwäyø; ni ba wec øøni ni ba kwier øøni.

1 Luup Nyeye 28:20

Køøre Deebit aköö jï wääde ma Cølöman, ni «Mak riï ni bëëdï niï teek, ni tïïyï gïïögø bëët; kärï lwäyö ni ba bwøk cwïnyï; kiper Wuuö Jwøk, eni na Jwøk mara, ena buutï. Eni ï ba wiie këël kanyo thum tïï jammi bëët mo wø tïïc Øt Wuuö Jwøk.

Bwøth Wøk 2:21

'Ba Modhe yie met ki man bëëde buut Raguël. Køøre Raguël nyaare ma Dhipöra acïbe jï Modhe na dhaagø.

Bwøth Wøk 20:17

«Kär cwïnyï päl ki po wadu; ni ba päth cwïnyï kiper cï wadu, wala ŋat tïïc mare ma dïcwøø wala dhaagø, wala rwaath mare wala arëën mare; këël gïn mør jaak mo mar wadu, kär cwïnyï päl kipere.»

Pwöc Leec Wïc 23:4

Kär niï ööla riï niï jïtï ki jap kwärö; bëëdï ni wïïï leer ni weyï acaara manøgø.

Aydheea 41:10

Kärï lwäyö, kiper a nut buutï, ni ba bwøk cwïnyï, kiper aana Jwøk marï. Ï tïïa tïïö niï teek, ni kønya ïïni, ni jøla ïïni ki cer cwïïa ni wø tïïya adïëri.

Aydheea 41:17

«'Ba jøøa can ki jøøa no oööl ge bëëdö ni ge manynya pïï, ni ge ba jïti, ni ö lëëpge ni bëëtge no otal ki riew. 'Ba a na Wuuö Jwøk, döötge wïnynya wïnynyö, ni kønya geni, ni ba wiia geni, a na Jwø Icriel.

Aydheea 42:16

Cööye bwødha bwødhø ki waŋjöö mo kucge, ge pieya pieyø ki nyeŋ jïëthe mo kucge. Muudhö tïïa tïïö na tar nyïmge, ni ö kwöra gwalli øtjöö ni tïïa ge ni pøøth. Gïïögøøni beege noo tïïa, ni ge ba wïïa jaak ni kära tïïö.

Jeremaya 6:13

Kiper ki mana täge ki jiy moa kwörge bäŋgø, këël mana pïïe ri jøøa kwörge døøŋŋø, ŋati man nø atïmö ni cwïnye päl ki jammi mo joot ki jïëth atade. Këël nyïïkuk Jwøk ki dïlämme bëët, ŋati man nø atïmö ni tïïya tïï cwøk.

Edhikiel 33:31

Jiy ööa baŋï kaawat man wø tïïc dhaanhe jaak, ni pïge piny nyïmï kuna wïnyge luup moï kede gena jiya, 'ba ba kïthge bäät tïïc. Geni, ge cara luup mo beyø ki dhøkge, 'ba cwïnyge caara gïï mo reyø ki møt.

Mathiew 6:19

«Kär dëëtu kännu ki jammi bäät pinyi en, ni da alweela ki nyal mo raanynya ge, ki kuuwe mo turö ki uudi mo kwädö.

Mathiew 6:25

«Kiper manøgønø, a cäänna uuni, ni kär dee gïn lääŋŋu kiper jwïëyu, ki gïïo cammu, wala gïïo maathu, wala gïïo røøu dëëtu. ?Aŋø, ba letha per jwïëy ki cam, ni leth per dëëlli ka abïïe?

Mathiew 6:34

«Kiper manøgønø, kär dee gïn lääŋŋu kiper diøø. Kiper diøø dëëre olääŋŋe keere. Cäŋ man nø da moe.

Maak 7:22

ki par jammi, ki rääö, ki cwøk, ki pär cwïny, ki keec, ki waac nyeŋ, ka atöör, ki bøøl.

Luk 3:14

Ni ö jø tøŋŋi thuwø ni pëënyge eni, ni köge, «?A waani nø, agïnaŋø noo tïïcwa?» Ni kööe jïge, ni «Kär dee jap ŋat mo lwørru ki teek jaak, ni ba kïthu bäät dhaanhø ki luubö mo patha adïëri. 'Ba rømu ki japu mo wø magu.»

Luk 8:14

'Ba moa päth yïth koodhi, beege jø wø wïny luum Jwøk, 'ba kany wø bëëtge, ge bøøc ki køør gïï wø lääŋge ki cwïnyge, ki jap kwär, ki jap wø many dëëlli, ni ba jïtge ki nyïëdi.

Wëëlö Mana Göör Pøølli Baŋ Jø Röm 1:29

Ni cwïnyge bëëdö ni päŋ ki teeŋ gïïa reyø bëët, ki raay, ki päl cwïny, ki cøl cwïny. Ni cwïnyge päŋ ki gwön, ki 'näk jiy, ki wëëye, ki cwøk, ka aranya. Ni gena dïwääc nyeŋŋi,

1 Körin 5:11

'Ba mana gööra jïïu beeye en, ni käru dwätö ki dhaanhø mo ocwølø ni cöögö ni näk eno bääyö ki käp, wala wärö, wala lama juu møøk, na ŋat ajaany, wala ŋat meeye, wala dïtwïëdi. Këël cam, u ba doo cämö ki teeŋ ŋat ma enøgønø.

1 Körin 6:10

wala kuuwe, wala jø wärö, wala jø meeye, wala jø ajaany, wala dïtwïët jiy, mo ci buc Jwøki jïge.

2 Körin 4:9

Waana caanni, 'ba wa kär wec Jwøki. Wa wø di pöötö, 'ba wa kär ränynyö.

Epeca 5:3

'Ba bëët käp, ki rääö, ki päl cwïny kär nee wïnyö dïïu na bäre bäre, kiper gïïögø beege gïïa ba beyø kiper jø Jwøk.

Epeca 5:5

'Ba gïn wär ŋäyu døøc, ni bäŋe ŋat ma kääbi, wala ŋat mo raac, wala ŋat mo cwïnye päl ki jammi, ni wø caal wøør juu møøk, mo jïre da kare yi buc Krictø ge ki Jwøk.

Tiet Ciik 31:6

Magu rou ni bëëdu nou teek, ni ba lwäyu, ni ba bwøk cwïnynyu ki geni, kiper Wuuö Jwøk beeye noo cäädhi nyïmmu. U ba leeŋ piny, ni ba wec uuni.»

Tiet Ciik 31:8

'Ba Wuuö Jwøk beeye noo bwøth maal nyïmï, ni eni bëëdö buutï. Ï ba leeŋ piny, ni ba wec ïïni. Kärï lwäyö, ni ba bwøk cwïnyï.»

Tiet Ciik 4:31

Kiper Wuuö Jwøk na näk Jwøu beeye Jwøk mo yie bäth; u ba wiie, u ba raanynye, ni wïïe ba wïl ki luumma tuude na kööŋe ki gø jï kwäyu.

Köløcia 3:5

Kiper manøgønø, 'nägu jap piny ni en cwïnynyu, teeŋ kaa käp, ki rääö, ki gïïa reyø wø nieŋ cwïnynyu køørge, ki many raay, ki päl cwïny, na näk beeye wøør juu møøk.

1 Timöthi 3:3

ni patha ŋat meeye, wala ŋat lenye, ni ba wëëyi, 'ba eni doo mwöl, ni cwïnye ba päl ki jammi.

Jøcua 1:5

'Ba bäŋ dhaanhø mo maara lønyø jïre ki man cuŋŋe nyïmï kany wø näk ri leny ki yïth nïr kwøw moï bëët moo beetï. Aano bëëdö ki ïïni kaawat mana bëëda ki Modhe; ï ba leeŋa piny ni ba wiia ïïni.

Jøcua 7:21

Aani, ki røk jammi moa twier bëët, kanya jooda abïï mo mïërö mo tïïca paana cwøl ni Cinaar, ki warkey ma lwøŋŋø ma rumme ma pïërabïïc mar rumi mana cwøl ni cekel, ki gwel-bïrö ma rumme ma dïpe ariiø mar rumi mana cwøl ni cekel, cwïnya atïmö ni päl ki ge ni lwøra geni. 'Ba ennø, gïïögø okoony piny yo oduŋkaara mana näk mara, ni gwel-bïrö beeye ni en ya aŋuudi piny tiet gïïögø bëët.»

2 Piter 2:14

Ni nyeŋge ena køør käp, ni raay ba maarge wec. Ni ge maaŋŋa wïth jøøa cwïnyge cwøk. Ni cwïnyge ege pwönynyö ki wärö. Ni gena jiy mo ocienø.

2 Piter 2:3

'Ba kiper mano wärge ki uuni, uuno møøthge ki luup atade. 'Ba ajäla marge nutö cøøn ni ena dëëtge, ni ränynyö marge patha okääŋö.

Juut 1:11

Otïmö ni raac jïge. Kiper ge caatha jöör Keen, ni cïpge dëëtge cer bääyö mar Beelam kiper nee ge jïtge ki jammi, ni thøwge ra ageem Köra.

1 Camiel 10:7

'Ba kanyø jootï nyuuthe moøgø noo tägö, wär put ŋäc ni Jwøk oløny ni bëëdö ki ïïni. Køøre nø, løny jïrï ki man tïïyï gïno tïïyï jaak.

1 Camiel 12:22

'Ba Wuuö Jwøk, ki køør nyeŋŋe na dwøŋ, jiye ba wiie, kiper eni yie met ki mana tïïc uuni na wï jur ma thööŋŋe.