Ibaru 13:4 - Wëël Jwøk

⁴ Beerra man tïm nywömmi na gïn mo owøørø jï jiy bëët, ni ba wëëk kar joot dëël mar nywöm ränynyö. Kiper kääpe ki jø lugi, marge oŋøl Jwøki wøk.

Ibaru 13:4 Iomraidhean Croise

Wïlöölö 2:21

Køøre Wuuö Jwøk nyeŋ dhaanhø amooe ki niine mo thööth døc ni bute. Ni ö Wuuö Jwøki ni kän wøk ki cöön ŋëëdö aciel røk ŋëët dhaanhø, ni kïth kar ŋëëdö ki rïŋ dëël.

Wïlöölö 2:24

Kiper manøgø nø, dïcwøø wänni ki menni owiie ni dwätge na aciel ki cïïe, ni tïmge na dëël aciel.

2 Nyeye 22:14

Kanyøgønø, Kilkiya na näk Kwääy Lam Mana Dwøŋ, ka Akikam, ki Akbör, ki Capan, ka Acaaya, gena ci ni cäänge ki nyikuŋ Jwøk ma Ulda, nyijø mo bëëdö thääŋ Jerucalem mana nyään. 'Ba Ulda beeye cï Calum o Tikwa nyikwaar Arac, ŋat wø koor abïïk lam.

Jööp 31:12

Ni tïme na maac mo wääŋö, ni räänyö këël mano këët kar bëët jwïëc jøøa näk othøw, ni dee japa moa näk yaa joodø bëët raanynyø.

Aydheea 8:3

Køøre a na Aydheea, aana ci baŋ cïïa, ni jït yie ki dhaanhø, ni nyööte ki nyilaal ma dïcwøø. Kanyøgø Wuuö Jwøk aköö jïra, ni «Cak nyeŋŋe ni Maër-Caalal-Ac-Bac,

Ciik Kiper Dïlämme 15:18

'Ba ni näk dhaanhø ma dïcwøø obutö ki dhaagø, ni ö pï dëëlli wøk, geni karge riet dëëtge wär lwøkge ki pïï, 'ba ge bëëdö ni ba waany këël kanyo päth cäŋŋi.

Ciik Kiper Dïlämme 18:20

« ‹Kärï ci baŋ cï dhaanhø mør na dhaagø, niï tïïya dëërï ni ba waany ki gø.

Milkiya 3:5

Wuuö Jwøk, eni na wïth jammi bëët, aköö, ni «Aano ö baŋu kuna jääla uuni, ni puta mara caan dëët ajuuk ki jø luuy ki jø wø kööŋ ni marge tööt, ki jø wø møt gwet jø tïïc, ni wø thiel määr thuunhnhi ki kïïe piny, ki jø wø daaŋ luum wëëlle mo path ki jöö mo patha kare; ni beege jø wø ba lwäär ki aani thuwø.»

1 Körin 5:13

'Ba Jwøk beeye wø ŋøl luum jøø ni path yøø. Riemmu ŋatøgø wøk dïïu na ŋat raay enø.

1 Körin 6:18

Bëëdu ni karu bäär ki käp. Kiper raay møga bëët mo wø baac dhaanhe ba en ri rïŋ dëël, 'ba ŋat ma kääbi wø raanynya rïŋ dëëre kiree.

1 Körin 6:9

?Aŋø, kuyu ni jø wø tïïc gïïa reyø, buc Jwøk ba doo maara ci jïge? Käru cøøgi. Bäŋ kääpe, wala jiy mo lama jwøk mør, wala jø lugi, wala cwøw wø døø røkge ki niine,

1 Körin 7:38

Kiper manøgø ŋat wø nywøm nyaana mëëre ki gø, mare beer. Ni ŋat wø kwier nywöm, mare beerra eni.

1 Körin 9:5

?A ba beer jïwa ki mana dewa cäädhö ki määrwa kaawat man wø tïïc nyïïatwieli møga, këël Ciipa, ki nyïïmëëe mo Kwäärö ma Jecu?

2 Körin 5:10

Kiper øøni bëët ø cuŋŋö nyïm thunh løøk mar Krictø, nee ŋati man nø jïte ki gïno joode na näk orømø ki gïïa tïïe na en ri dëël, nee gïï mo beyø, wala gïï mo reyø.

Galeecia 5:19

'Ba gïï wø tïïc dëëlli, ŋäc. Ni beege käp, ki rääö, ki bäŋ mak røk,

Galeecia 5:21

ki gwönö, ki maath, ki meeye mo dëël oraanynyø, ki teeŋ møga bëët. A köömma uuni, kaawat mana kwøŋa u köömmö, jø wø tïïc teeŋ gïïögø, buc Jwøk ba dege joodø.

Epeca 5:5

'Ba gïn wär ŋäyu døøc, ni bäŋe ŋat ma kääbi, wala ŋat mo raac, wala ŋat mo cwïnye päl ki jammi, ni wø caal wøør juu møøk, mo jïre da kare yi buc Krictø ge ki Jwøk.

Tiet Ciik 22:22

«'Ba ni näk da ŋat mo omaa ki dhaaŋ paac, dïcwøønnøgø ki dhaagø manøgø karge riet wär 'nägu; nou raanynya gïna raac dï Icriel.

1 Thecalönika 4:6

Ni bäŋe ya dhaanhø mo dhal luummögø, ni tïme ki gïn mo raac dëër coki kiper gïnögø. Kiper Wuuö kwöri wø coole kaper gïïögø bëët, keda mana kwøŋwa u köömmö døøc.

1 Timöthi 3:12

'Ba jø wø tïny acooŋ Jwøk wär nyöömge ki mään oceele, ni pwönyge nyïïge na wøp ki jø mïëcge bëët.

1 Timöthi 3:2

'Ba ŋat wø raŋ acooŋ Jwøk doo tïmö na dhaanhø mo bäŋ gïn mo jøøŋŋi ri bëëtö mare, mo cïïe aciel, ni ree ee mänö ki raay, ni wïïe leer, ni eno rømø ki wøør, na ŋat mo pänhnha wëëlle, ni ŋäc pwöc,

1 Timöthi 3:4

'Ba eni doo pwönynya nyïïe ki jø paare bëët, ni luumme ojïëc nyïïe, ni eno wøør nyïïe ki yïth jammi bëët.

1 Timöthi 4:3

jø wø män jiy ki nywöm, ni mänge jiy ki caammi møøk moa cwääc Jwøki, na doo jïëc jø wø jïëy ni ŋäcge adïëri ni ge dwøga met ec jï Jwøk.

1 Timöthi 5:14

'Ba a doo naa manynya man nywøm mään moø ni therø yøø, ni nywølge ki jiy, ni jekge mïëcge, nee nyimän ba jïte ki jöö man buu øøni ki gø.

Tayta 1:6

na jiy mo bäŋ ajäla ri bëëtö marge, mo määrge oceele, na jiy mo nyïïge ojïëy ni ŋääthge, ni paa jiy mo di køø, ni räänyö ki japge, wala wïthge teek.

Ibaru 12:16

Ni bäŋe ŋat mo bëëte patha kare, wala ŋat mo taaga Jwøk, ni caala Icøø na ŋeew dööŋö mare ki kar cam aciel.

Mana Nyooth 22:15

'Ba guu, ki jø thïëth, ki kääpe, ki dïnäk jiy, ki jø wø lam juu møøk, ki jø wø mëër ki caan tööt oen wøk.