Ibaru 13:2 - Wëël Jwøk

² Kär nou weya man pänhnhu jøw mo path, kiper jø møøk nyïïatwiet maal apänhge na enøgønø ni kucge.

Ibaru 13:2 Iomraidhean Croise

Wïlöölö 18:1

'Ba Wuuö Jwøk ree anyoodhe jï Eeberam buut jera døøŋŋø mo Mamrë, ni Eeberam opï piny dho oduŋkaara mare kanya tïm cäŋŋi ni ena dhöör.

Wïlöölö 19:1

Ni ö nyïïatwieli moa näk ariiø ni pïïcge Cødam ka abøøya ni pinynya ŋec wëëlle, ni Løøt opï piny dhi kiir Cødam. 'Ba kanya ö Løøti na joot geni, ena ö maal nee røømme ki geni, ni këël cøŋŋe piny nyïmge ni kuul wïïe piny.

2 Nyeye 4:8

'Ba dïcäŋ aciel, Ilaaca aci Cunem. 'Ba kanya cøøe, da nyijø mo okwär maa joode kaace. Køøre ena kwac nyijøøgø nee cäme; ni cäme. Ni put tïmö ni kany wø cør Cunem jaak, eni puta gaa kaace wø cäme yie.

Jööp 31:19

Ni näk mo da dhaanhø mo yaa joodø mo manynya thøø ki can abïï, wala dhaanhø mo cäädhi ka dëëre,

Jööp 31:32

Bäŋ wëëllö mo yaa wëëk but thääŋ jöö ki wäär, kiper dhi øtø mara bëëdö ni yaa jabø jaak kiper wëëlle.

Aydheea 58:7

Beeye ki man pääŋŋu caammi mou ki jiy moa no onäk käci, ni ö jøøa canni moa näk thääyö jaak ni määnynyu ge ki kwör bëëte, ni ö jøøa näk cäädhi ka dëëtge ni runynyu dëëtge ka abïïe, ni ba løøu nyïmmu wøk ki tuŋi mou na näk rem dëëtu.

Ciik Kiper Dïlämme 19:34

Wëëllö mo path mo bëëdö dïïu wär raŋŋu kaamar ŋat pou, ni mëërru ki eni kaawat man wø mëërru ki dëëtu. Kiper uuna bëëdö na wëëlle yi ŋööm Ijep. Beeye aani na Wuuö Jwøk, Jwøk maru.

Mathiew 25:35

Kiper aana 'näk käci, ni mooyu aani ki cam. Aana 'näk riewi, ni mooyu a ki pïï. Ni ööa ni aana wëëllö, ni pänhnhu aani.

Mathiew 25:40

«'Ba odwøk nyeya jïge, na ‹Adïëri møn, a cäänna uuni, ni gïna tïïyu jï dhaanhø aciel mo thiinhnha kare dï moi na nyïïmera ii, gïnögø tïïyu jïra.›

Mathiew 25:43

Ni ööa ni aana wëëllö, ni käru a pänhnhö. Ni cäädha ki dëëra, ni käru a mooø ka abïï. Aana tuu, ni ena øt twöc, ni käru a lïïmö.›

Moa Tïïc Nyïïatwieli 16:15

'Ba køøre na nø lwøk dëëre na nyuudhi ki jø paare bëët, waana kwaae, ni kööe, ni «Ni näk you ŋäädhö ni aano jïëy ki Wuuö na adïëri, ööu, ni bëëdu paara.» Ni ö eni ni käre wa wiiø.

Wëëlö Mana Göör Pøølli Baŋ Jø Röm 12:13

Nywaagu japu ki jø Jwøk mo wø can, ni bëëdu nou pänhnha jiy.

Wëëlö Mana Göör Pøølli Baŋ Jø Röm 16:23

Uuna määth Geea, ŋati ni bëëda paare en, ni wø pänh jø acooŋ Jwøk bëët. Ni uuna määth Eracta, ŋat wø pääŋ jammi pääny, ki cöögø ma Kwarta. [

1 Timöthi 3:2

'Ba ŋat wø raŋ acooŋ Jwøk doo tïmö na dhaanhø mo bäŋ gïn mo jøøŋŋi ri bëëtö mare, mo cïïe aciel, ni ree ee mänö ki raay, ni wïïe leer, ni eno rømø ki wøør, na ŋat mo pänhnha wëëlle, ni ŋäc pwöc,

1 Timöthi 5:10

'Ba eni wär tïme na dhaagø mo wøp mare ee nyoodhø kiper tïïe moa beyø ni wø tïïe, na ŋat mo piitha obwöre, mo pänhnha jiy, mo lwøga tiet jø Jwøk, mo kønya jøøa näk dëëtge da gïï mo leth, mo puta tïmö ni tïïya gïï wø beyø ki yïth jammi bëët.

Tayta 1:8

'Ba eni doo tïmö na ŋat mo pänhnha wëëlle, ni mëër ka gïïa beyø, ni wïïe leer, ni bëëte tiir, ni cwïnye ena køør Jwøk, ni ree ee mänö ki raay.

1 Piter 4:9

Bëëdu nou pänhnha røgu ni bäŋ jøømø.

3 Jøøn 1:5

'Ba omëëya, manøgø beeye gïn ma wøp døc ni wø tïïyï, kany wø tïnynyï nyïïmëëe, këël na näk dëëtge kuyï,