Ibaru 12:3 - Wëël Jwøk

³ Caarru eni na jïëny teeŋ männa män jø raayi ki gø, kiper nou ba ööllu ni räny cwïnynyu.

Ibaru 12:3 Iomraidhean Croise

Pwöc Leec Wïc 24:10

Ni näk mo ceŋŋï nilwak kany wø enï yïth gïï mo leth, nyootha gø ni teek marï thiinh.

Aydheea 50:4

Kwäärö Wuuö Jwøk aana mooe ki leep mo tiir ma mar pwöc, nee tïme ni løny jïra ki man wëëga dhaanhø mo oööl tëënnö ki køør luup mo wø caana. Eni, a jiee jieø cooth ka amöölla, ni jap ïtha nee ïtha ciia kaamar dhaanhø mo opwönynyö.

Mathiew 11:19

'Ba Wär Dhaanhø aöö ni cämö ni mädhö, ni kö jiyi, ni ‹Neennu, ŋat wärö, na ŋat maath, na nyawat jø ajwäk ki jø raay.› 'Ba leec wïc ojoot na adïëri ki køør tïïe moe.»

Mathiew 12:24

'Ba na ö jø Paricithi na wïnyge gïnögø, gena köö, ni «Beeye kwääy anäge ma Bieldhebap keere, ni wø ö ŋati wø riem anäge wøk ki nyeŋ gø.»

Mathiew 15:2

na «?Aŋø ni ö bääŋi moï ni dhalge kööŋŋö mar jøøa døøŋŋø? Kiper geni ceŋge bäŋ wø lwøkge kany wø cämge.»

Mathiew 21:23

'Ba Jecu adøny yi kal mar Øt Jwøk Mana Dwøŋ. 'Ba kanya bëëde ni eni pöö kaace, kwääc laam ki jaae gena ö baŋe ni pëënyge eni, na «?A teega ŋø ni wø tïïyï gïïögøøni ki gø? ?Na aŋa na wëëk teegøgø ïïni?»

Mathiew 21:46

'Ba kanya tïmge ni ge manynya man makge Jecu, gena lwäyö ki lwaak, kiper ojïëc lwaaki ni Jecu beeye nyikuŋ Jwøk.

Mathiew 22:15

Kanyøgø jø Paricith aay ni cooŋge røkge ki man määnyge ki jöö man dwøc dhi Jecu ki gø ki køør luup moo care.

Luk 14:1

'Ba dïcäŋ jwömö aciel na ci Jecu baŋ cam yi øt nyen mør mo kare dwøŋ dï jø Paricith, gena tïmö ni ge neeta eni døc.

Luk 15:2

'Ba jø Paricith ki dïpööye mo ciik Jwøk gena ŋurö, ni köge, ni «Nyeni jïëy ki jø raay ni cämö ki ge.»

Luk 16:14

'Ba jø Paricith na mëër ki jammi, moøgø bëët awïnyge, ni buuge gø.

Luk 2:34

'Ba gena gwïëth Cimienni, ni kööe jï Meeri na näk mii Jecu, ni «Neenï, nyilaari acïp kiper nee jø Icriel mo thööth päthge, ni kwøw mo thööthi. Ni tïme na ŋïï man car gïï mo reyø dëëre,

Luk 5:21

'Ba dïpööye mo ciik Jwøk ki jø Paricith gena tägö ki man cäänge ki cwïnyge, ni «?Man a ŋa ni cäänö ka ajaany en? ?Aŋa na doo wec raay? ?Aŋø, paa Jwøk keere?»

Jøøn 10:20

Ni kö mo thööthi, ni «Eni ree da anägö, ni ena dïbøøl. ?Aŋø ni cegu ïthu ki luumme?»

Jøøn 18:22

'Ba na caan gïnögø dïkuri aciel mo cuŋŋö buute, Jecu adhööŋe, ni kööe, na «?Aŋø, beeye mana diï løø jï Kwääy Lam Mana Dwøŋ enøgø?»

Jøøn 5:16

Ni beeye gïnögø na ö jø Juuthi na caange Jecu, kiper mana tïïc køny manøgø ki cäŋ jwömö.

Jøøn 7:12

'Ba kanyøgø jiy atïmö ni ge muuŋö døc ki nyeŋŋe. Ni jø møøk köö, ni «Ena dhaanhø mo beer,» ni kö møøki, ni «Path, eni cøøga jiy jaak.»

Jøøn 8:13

'Ba kanyøgøøni, jø Paricith aköö jïre, «Ïïni, ï køpa gïrï keerï. 'Ba luummögø ni caanï enø patha adïëri.»

Jøøn 8:52

'Ba jø Juuth aköö jïre, ni «Kawaane, aŋäcwa møn ni riï da anägö. Eeberam athøw, kaawat mana thøw nyïïkuk Jwøki. ?Ï doo köö, ni ‹Noo dee ŋat mo gwøk luumma, eni thøø ba dee belø›?

Jøøn 8:59

Kanyøgø gena kwänynyö ki kïte nee eni këërge ki ge, 'ba Jecu ree akane ki geni, ni aa wøk ki yi Øt Jwøk Mana Dwøŋ.

Jøøn 9:40

'Ba jø Paricith møøk mo ena buute na wïnyge luummögø, gena köö jïre, «?A waani, waana cööye thuwø?»

1 Körin 15:58

Kiper manøgønø, nyïïmera ni nägu omëëya, bëëdu karu nou ba dääŋi, nou tïïya tïï Wuuö cooth, ni ŋäyu ni öölö maru kiper Wuuö ba aay jaak.

2 Körin 4:1

Kiper manøgønø, na tïme ni tïïc man ni tïïcwa en, jootwa ka køør met yi Jwøk, cwïnywa ba wëëkwa pädhö.

2 Körin 4:16

Kiper manøgønø, cwïnywa ba pädhi. Këël na näk dëëtwa moi ni wøk ii oränynyö, yïth cwïnywa wø døøya mo nyärö cooth.

Galeecia 6:9

Beerra man ba jøømø ki tïï gïïa beyø. Kiper øøno kää kanyo näk ma kare, ni näk mo bäätø ba wëëgø pädhö.

Tiet Ciik 20:3

ni kööe jïge, ni ‹Wui, u na jø Icriel, wïnynyu gïn. Dïcäŋi u cøøa baŋ leny baŋ nyïïmännu. Kär cwïnynyu bwøk, ni ba lwäyu; kär cwïnynyu pädhö, ni ba kwany dëëtu ki lwär nyïmge,

2 Thecalönika 3:13

'Ba nyïïmera, käru jøøm ki gïïa beyø ni wø tïïyu.

Ibaru 12:2

ni ø neeta Jecu, eni na täk ŋäädhe marø ni wø tïïc gø nee thur kare, ni beeye ŋata jïëny thøw bäät jaadha no odëëdö kiper met ec mana en nyïme, na taak laac wïc, ni pï piny buut wäl Jwøk bäät cwïïc.

Ibaru 12:5

?Aŋø, wïthu awïl ki luumma købe jïïu kede köömma wääte? na kööe, ni «Wääda, kär pwöc Wuuö Jwøk neetï keda gïn mo jööt jaak, ni ba räny cwïnyï ki juuk mare.

Ibaru 3:1

Kiper manøgønø, nyïïmera, u na en kur keeru na mo Jwøk, ni nywaak cwönna öö ki maal, caarru gïr Jecu, na näk Nyïïatwiel na Kwääy Lam Mana Dwøŋ mana jïëø ki gø.

1 Piter 2:23

'Ba kanya janynyi bäŋ ajaany mo ee dwøgø. 'Ba kanya jwør gïï mo leth, eni kär ŋuuö. 'Ba mare awëëk ŋat wø ŋøl luup na karge.

Mana Nyooth 2:3

Ni ŋääa ni cwïnyï iï maa niï jøøya gïï mo leth kiper nyeŋŋa, ni kärï ööl.

1 Camiel 12:24

'Ba gïna pere letha eni keere, bëëdu nou lwäär ki Wuuö Jwøk, ni tïnynyu eni na adïëri ki cwïnynyu bäre, ni cädu kiper gïïa døøŋŋø na tïïe kiperu.