Ibaru 11:8 - Wëël Jwøk

⁸ Ni beeye ŋäädhe, na ö Eeberammi na leŋ luubö kanya cwøli ni aa kanya wäŋŋi ni cøøa jïre no olaaw. Ni aae ni kanyo ci yie kuue.

Ibaru 11:8 Iomraidhean Croise

Wïlöölö 11:31

Køøre Teera wääde ma Abram ki nyïïkwaare ma Løøt wär Aaren ki cï nyaare ma Caray na näk cï wääde ma Abram alwøre, ni tïŋge na aciel bëët ki yi Ur po jø Kaldia, ni ge cøøa ŋööm Keenan. 'Ba na pïïcge paana cwøl na Aaren, gena put bëëte kaace.

Wïlöölö 12:5

Ni ö Abrammi ni lwør cïïe ma Caray, ki ö coki ma Løøt, ki jammi moge bëët moa jootge, ki jiy bëët moa jootge Aaren; ni aacge ni ge cøøa ŋööm Keenan. Køøre gena pïï yi ŋööm Keenan.

Wïlöölö 12:7

Kanyøgø Wuuö Jwøk ree anyoodhe jï Abram ni kööe, ni «Aani ŋøøpi ii cïba cïbö jï nyïïkwaayï.» Køøre Abram atïïö ki gïn wø cïp olämme bääte jï Wuuö Jwøk na nyooth ree jïgø.

Wïlöölö 15:5

Ni ö Wuuö Jwøki ni käl Abram wøk ki yi øtø ni kööe, ni «Raŋ maal ni kwaanï ceer, ni näk mo løny jïrï ki man kwaanï ge bëët.» Ni kö Wuuö Jwøki jï Abram, ni «Nyïïkwaayï thuwø otïmö ni caala geni.»

Wïlöölö 17:8

'Ba ŋöömmi ni bëëdï yie ni ïïna wëëllö en, na näk ŋööm Keenan bäre, ocïba jïrï ki nyïïkwaayï mo ööi køørï, nee bëëde na marge na bäre bäre; ni bëëda ni aana Jwøk marge.»

Wïlöölö 20:13

Ni ki køør mana ö Jwøki ni wëëk a wääth kwör mo bäyö ki po wära, aana köö jï dhaagø mara, ni ‹Gïno tïïyï cooth ni nyootha mëër mana mëërï ki aani beeye en; kany wäro cøø yie jaak, wärï wø kööï ni aana coku.› »

Wïlöölö 22:18

Ni ö wïth juurre mo bäät piny bëët ni gwïëdhi ki køør nyïïkwaayï, kiper mana leŋï dwøra.› »

Wïlöölö 26:3

Pï piny yi ŋöömmi, ni bëëdï ni ïïna wëëllö; 'ba aano en buutï ni gwïëdha ïïni, kiper ŋöömö man bäre en ocïba jïrï ki nyïïkwaayï, ni wëëga kööŋ mana kööŋa ki gø jï wäru ma Eeberam thur kare.

Aydheea 41:2

?Aŋa noo tïŋ maal ki ŋat mo käla kur tuul-cäŋ, ni cwøla gø ki køør adïëri mare kiper tïïc mare, nee wïth juurre cïp cere, ni tïïc nyeye ni ena tiere, nee ge tïïe kaamar tør ko opëëllö mare, ni tïïc geni ka atheerø mare kaamar lethø mo okøøl apwøyaweerø?

Aydheea 51:2

Raŋŋu kwaru ma Eeberam, ki waŋu ma Ceera na lwaar ki uuni ki rääm mo leth. Kanya cwøla Eeberam bee eni keere; 'ba ena gwïëdha ni tïïa nyïïkwaaye ni thööth.

Edhikiel 36:24

« ‹Kiper aani, u käla wøk dï wïth juurre, ni lïma uuni wøk ki yïth mïëri bëët, ni cäŋa uuni duu yi ŋöömö maru.

Kwään Jiy 10:30

Ni løgi ya Obapi jï Modhe, na «A ba ci; a døøa powa baŋ tuuŋwa.»

Mathiew 2:21

Ni ö Jocepi ni put ö maal ni lwør nyilaal ki mii gø ni døø yi ŋööm Icriel.

Wëëlö Mana Göör Pøølli Baŋ Jø Röm 1:5

ŋata jïtwa ki met ec ki køøre ki twiel man tïïcwa jiy nee jïëcge ni ŋääthge, nee nyeŋŋe tïme ni wïnyö dï juurre bëët,

Wëëlö Mana Göör Pøølli Baŋ Jø Röm 10:16

'Ba ïthge kärge ciiø bëët ki luumma nyään na met. Kiper acaan Aydheea, ni «?Wui Wuuö Jwøk, aŋa na jïëy ki luumma køpwa?»

Wëëlö Mana Göör Pøølli Baŋ Jø Röm 6:17

'Ba pwøc en jï Jwøk kiper uuni na kwøŋ bëëtö na laaŋe mo raay, uuna tïmö nou leŋa pwöc ki cwïnynyu bäre, mana cïp jïïu,

2 Körin 10:5

Wa wø nyaga pïëm, ki jammi bëët mo wø thïïŋ røkge ka atöör ni ge gëëŋa jöör Jwøk ki man ŋääi. Ni peecwa acaare bëët nee dwør Krictø leŋge.

Tiet Ciik 9:5

Ka adïëri møn, paa kiper beer maru wala thïïŋ cwïny maru noo cou yi ŋööm jøøgø nee lwørru na maru, 'ba beeye kiper rääö mar jøøgø no ö Wuuö Jwøki na näk Jwøu noo riem geni wøk nyïmmu, kiper nee kööŋ mana kööŋe ki gø jï kwäyu, ni beege Eeberam ki Aydhak ki Jeekap, nee nyoodhe jïïu na adïëri.

Ibaru 11:33

jøøa dïïm mïëc nyeye ki køør ŋäädhe, na ŋøl luup ki ŋøl ma adïëri, na joot gïïa buuk, na mec dhøk ŋuuwe,

Ibaru 5:9

'Ba ki køør mana tïïi no othur kare, ena tïmö na tier pïëm man piem jiy ki gø mana näk adïëri na bäŋ cuŋŋe jï jø wø leŋ dwøre bëët,

Jøcua 24:3

Køøre kwaru ma Eeberam alwøra løø Naam Upareeti løøga, ni bwødha eni dï ŋööm Keenan nee caadhe bäre, ni cïba wääde ma Aydhak jïre, ni tïïa nyïïkwaacge nee nyaacge.

1 Piter 1:22

'Ba na tïme ni cwïnynyu you døøc mo tar kiper mana leŋŋu adïëri ni jït cwïnynyu ki mëëc nyïïmëëe ma adïëri, putu bëëtö nou mëër ki røgu ki cwïnynyu bäre.

1 Piter 3:1

Kaawat manøgø thuwø, u na mään, leŋŋu luup cwøw mou, kiper këël na bëët møøki ni luum Jwøk ba leŋge, nee ge jïëcge ki køør bëët määrge na beer ni bäŋ luubö mo caange,

1 Piter 4:17

Kiper nïr løøk anø öö, ni tägi ka jø Jwøk. ?'Ba ni näk mo tägi ka øøni, a cuŋ mar jø wø ba leŋ luum Jwøk na nyään na met obëëde nidïï?