Ibaru 11:5 - Wëël Jwøk

⁵ Ni beeye ŋäädhe na ö Inøki na käli ni kïthi maal nee thøø ba neene, ni käri joodø kiper mana käli ya Jwøki. 'Ba kanya poode ni eni kär kälö, acaan ni yi Jwøk ee døøc mo met.

Ibaru 11:5 Iomraidhean Croise

2 Nyeye 2:1

'Ba kanya tïm Wuuö Jwøki ni manynya man kïth Ilaaja maal ki ya apwøyaweerø, Ilaaja ki Ilaaca gena tïŋŋö ki Gëlgela.

2 Nyeye 2:11

'Ba kanya aacge ni ge cäädhi na aciel ni ge wääö, jääy mo liel, mo tuta okwëënyi mo liel aput öö yïthakicge ni pää geni karge riet. Ni ö Ilaaja ni put aa maal ki ya apwøyaweerø.

Jeremaya 36:26

Køøre nyeya, o nyeya ma Jeramiel, ki Ceraya wär Adhiriel, ki Celemiya wär Abadël, aköömme nee cige baŋ Baruk ŋat wø göör luup piny, ki baŋ nyikuŋ Jwøk ma Jeremaya, kiper nee makge, 'ba Jeremaya ki Baruk geno nø kan Wuuö Jwøki.

Luk 2:26

Eni, eno nyuth Jwïëc Jwøki, ni eni ba thøw ni Krictø noo jääŋ Wuuö Jwøki poot käre neenø.

Luk 3:37

Lamek o Mathucala, Mathucala wär Inøk, Inøk o Jaret, Jaret o Maalalel, Maalalel o Keenan,

1 Thecalönika 2:4

'Ba wa wø cäänö kaawat mana ö Jwøki na jïëc waani ki man caanwa luumma nyään na met, ni paa nee yïth jiy døøcwa mo met, 'ba wa wø tïïya mo wø mïn yi Jwøki ki ge, ŋat wø pääny cwïnywa.

Ibaru 11:6

'Ba ni näk bäŋ ŋäädhe, ba maar lønyø jï dhaanhø ki man døøc yi Jwøk mo met. Kiper ŋat wø nyiik buut Jwøk kany mo cään, wär cwïnye dee ŋäädhe ni Jwøk nutö, ni wø cïpö ki jammi jï jø wø many eni.

Ibaru 2:9

'Ba ø neeta Jecu, ŋata tïïc ni thiinhnha eni ki nyïïatwiet maal ki kany mo thiinh kiper nee thøø bele kiper jiy bëët, ki køør met yi Jwøk. 'Ba ennø, ø neeta eni no orøønyø ka ajiem ki wödö kiper thøwa leth na jwøre.

1 Jøøn 3:22

ni gïn wäro pëënynyø joodø joodø baŋe, kiper man bëëdø ni ø gwøga gïïa ceme, ni ø tïïya gïï wø met yie ki ge.

Juut 1:14

Ni poot na jøøgø thuwø na gïïge køp Inøki, ŋata en ri bïriet beenhnhe moa nywøl køør Adam, na kööe, ni «Neennu, Kwäärö aöö ki nyïïatwiet maal moe na en kur keerge na näk kume mo thööth døc,