Ibaru 10:10 - Wëël Jwøk

¹⁰ Ni beeye manøce na many Jwøki na tïïc øøni ni ø ena kur keerø, ki køør dëër Jecu Krictø na cïp no olämi yie aciel na bäre bäre.

Ibaru 10:10 Iomraidhean Croise

Dhekaraya 13:1

Wuuö Jwøk aköö, ni «Noo tïme na dïcäŋöca jøøro ojap jï dhi øt Deebit ki jø wø bëëdö Jerucalem kiper nee raay moge pïny wøk ni tïïc ge ni waany.»

Jøøn 17:19

Ni raa yaa cïbö kur keera kiperge, nee rege cïpge kur keerge thuwø ni ge ŋäya adïëri.

Jøøn 19:34

'Ba dhaanhø aciel dëët jø tøŋ tier-buut Jecu acwøbe ki tøŋ, ni put remø ki pïï ö wøk.

Jøøn 6:51

'Ba beeye aani na møk kwøw mana öö ki maal na ö piny. Noo dee ŋat mo cam møgøgøøni, eni okwøw na bäre bäre. 'Ba møgo cïba kiper nee jø piny kwøwge, beeye dëëra.»

1 Körin 1:30

Ni beeye eni na kïth uuni dëër Krictø Jecu, ŋata tïïc Jwøki na leec wïc marø, na näk ŋata jïëc ø kipere, ni cïp ø kur keerø na mo Jwøk, na wïïl ø wøk.

1 Körin 6:11

'Ba teeŋ bëëtö manøgø beeye bëët jø møøk dïïu na poode. 'Ba uuna lwøk, ni cïp uuni kur keeru, ni uuno jïëö ni maru beer ki nyeŋ Kwäärö ma Jecu Krictø, ki ri Jwïëc Jwøø.

Epeca 5:2

Ni caathu jöör mëër, kaamar Krictø na mëër ki øøni ni cïp dëëre kiperø na jëëdhi mo ŋwääö ni met no olämi man wø 'näk jï Jwøk.

Epeca 5:26

kiper na acooŋ Jwøk døøc mo ena kur keere na mar Jwøk ki køør mana peny gø ki pïï ki luumme ni døøc gø mo waany,

Ibaru 10:12

'Ba Krictø, kanya ööe na nø cïp dëëre no olämi yie aciel na bäre bäre kiper raay, ena pï bäät cwïï Jwøk.

Ibaru 10:14

'Ba beeye ki køør olämi aciel keere na ö eni na tïïc jøøa näk ocïp kur keerge no othur karge na bäre bäre.

Ibaru 10:20

na näk jöö mana nyään na kwøw, na jabe kiperø, ki køør abïïna näk ogëëŋö, na näk beeye dëëre,

Ibaru 10:29

?'Ba a teeŋ rääc ajäla mo nyïëdi nø, na caarru noo rømi ki ŋat mo O Jwøk ee raanynyø, ni käre rem luumma tuut wøørø, mana tïïc eni ni ena kur keere, ni jøøŋ Jwïëc Jwøk ni wø cïp met ec?

Ibaru 10:5

Kiper manøgøøni, kanya ö Krictø piny, ena köö, no «Olämme ki muuce, paa gïïa manynyï. 'Ba da dëël mo iï tïïö kipera.

Ibaru 13:12

Kaawat manøgø thuwø, Jecu gïï mo leth ajwøre wøk ŋää kiir, kiper nee jiy tïïe ni ena kur keerge na mo Jwøk ki køør remme kiree.

Ibaru 2:11

Kiper eni ni wø tïïc jiy ni ena kur keerge, ki jøøa no otïïö ni ena kur keerge yøø, wääge aciel. Ni beeye tiere ni ba laac wïïe ki man cwøl geni ni nyïïmenni,

Ibaru 2:14

Kiper manøgønø, na tïme ni jøøgø beege jic dëël ki remø, eni ki dëëre, ena tïmö na dhaanhø kaamarge, kiper nee ŋata en teek thøø cere na näk anägö, nee raanynye ki køør thøwe,

Ibaru 5:7

'Ba yïth nïne moa bëët Jecu bäät piny, Jecu alämö ni kwac Jwøk, ni jwöŋe ki pï nyeŋ ki dwøl mo päl, ni jwönna ŋata näk løny jïre ki man piem gø nee ba thøøe, ni wïny mare kiper mana leŋ luup mo Jwøk.

Ibaru 7:27

'Ba eni bäŋ gïn manynye kaamar kwääc laam moa døøŋŋø moøke, ki man cïpe ko olämme cooth, ni dïkwøŋ cïpö kiper raay moe, køøre cïpö kiper raac jiy. Kiper gïnögø atïïe yie aciel keere na bäre bäre, kanya cïp dëëre kiree no olämi.

Ibaru 9:12

Ni eni kär öö ki rem dïëk ki mo røøe, 'ba ena døny yi kanya en kur keere na pere letha eni yie aciel keere ni käära remme kiree, ni wïïl øøni wøk na enønø, këël na bäre bäre.

Ibaru 9:14

a teeŋ lwøk mo nyïëdi nø noo lwøk øøni ki rem Krictø, ŋata cïp dëëre jï Jwøk ni bäŋ gïn mo jøøŋŋi ree, ni cïbe ka ri Jwïëc Jwøk ni wø bëëdö na bäre bäre, noo døøc cwïnynyø mo waany ni wiiø tïïe mo thøø ni tïnynyø Jwøa kwøw.

Ibaru 9:26

Kiper onää enøgønø, gïïa leth dee jøøyø cøøn, ki kanya täk pinynyi. 'Ba atïmö ni eni ööi ka yie aciel keere ya aŋuun piny man en, ni ba nwøe këët, kiper nee raay wëënne ki køør dëëre na cïbe;

Ibaru 9:28

Kaawat manøgø thuwø Krictø na cïp yie aciel keere nee raac jiy mo thööth kääre, ocäŋ duuö, ni ba ööi kaper raay nee kääre, 'ba oööi ni piema jø wø koor eni.

1 Piter 2:24

'Ba eni ki dëëre raay 'moø akääre ki rïŋ dëëre bäät jaath nee ø ba bëënnø raay, 'ba nee ø bëënnø moa beyø. Ni beeye ŋwiili moe na wëëk dëëtø jöönnö.

1 Piter 3:18

Kiper Krictø thuwø athøw kiper raay yie aciel na bäre bäre, ŋata beer na thuunh jøøa reyø, kiper nee ø kïth baŋ Jwøk, ki køør mana 'näk dëëre ni cäŋi wëëk kwøw ki ri jwïëy.

1 Jøøn 5:6

'Ba eni na Jecu Krictø beeye na öö ki pïï ki remø, ni eni kär öö ki pïï keerge, 'ba beeye ki pïï ki remø.