Ibaru 10:1 - Wëël Jwøk

¹ 'Ba kiper na tïme ni ciik Modhe beeye nyuudhi mar gïïa beyø na doo öö, ni paa gïïaka ki dëëtge, ba maar lønyø jïge ki man tïïcge jø wø ö baŋ lam no othur karge, ki køør olämme moøgø ni wø cïp cooth ki yïth cwiiri bëët.

Ibaru 10:1 Iomraidhean Croise

Ciik Kiper Dïlämme 9:16

Ni ö eni thuwø ni käl olämi nyïm man wø waaŋ bäre, ni cïp gø no olämi ki køør ciik mana näk ocïp piny.

Wëëlö Mana Göör Pøølli Baŋ Jø Röm 8:3

Kiper gïna ba maar lønyø jï ciik Jwøk ki man tïïc gø kiper mana døøyi ya dëëlli mo jääk, atïïc Jwøki kanya jääŋ Wääde kiree, ki dëël mo caala dëër dhaanhø ni da raay en, ni tïme no olämi kiper raay, ni jääl raay ri dëël.

Köløcia 2:17

Kiper gïïögø caala tïpö jaak mar gïïo ööi. 'Ba mano näk adïëri ena jï Krictø.

Ibaru 10:22

beerra man nyiigø kany mo cään ki cwïny ma adïëri, ni ŋäädhe päl cwïnynyø, ni cwïnynyø ojørø ni leer, ni bäŋ raay mo pär cwïnynyø ki ge, ni dëëtø olwøø ki pïï mo tøŋ.

Ibaru 7:11

?'Ba onää mo løny ki mana di jiyi thur karge ki køør kwäc-lam mar dhi øt Libay, aperŋø nø, na di jøwi määnyö ki dïlämi mør këët mo caala Melkidhedek, ni wec ŋata caath køør Aran? Kiper ciik Jwøk ajoot jiyi ri kwääc lam mar dhi øt Libay.

Ibaru 8:5

Ni ge tïïö yi kar lam man wø nyooth kanya en kur keere ni en maal na näk mar Jwøk, ni beeye nyuudhi mar gø. Kiper kanya ö Modhe na tïme ni manynya man tïïc oduŋkaany lam, ena kööm Jwøki, na kööe, ni «Wär ŋäyï ki man tïïyï jammi bëët na karge ki køør nyuudhi mana nyooth jïrï bäät kïdi.»

Ibaru 9:11

'Ba Krictø kanya ööe na Kwääy Lam Mana Dwøŋ, ni ena kwääy lam mar gïïa beyø na öö, ena öö ki ro oduŋkaanynya dwøŋŋa eni na beerra eni døc na näk kär tïïö ki ceŋ, ni ba joota ri moa cwääc.

Ibaru 9:23

Kiper manøgønø, gïïa wara nyooth jap maal manynya man bëënyge ki køør olämme moøgø. 'Ba jap maal ki dëëtge manynya olämme moa beyø geni ki moøgø.

Ibaru 9:25

'Ba eni kär dønyø ki man cïp ree cooth kaamar Kwääy Lam Mana Dwøŋ ni wø døny yi kanya en kur keere na pere leth ki yïth cwiiri bëët, ni cii ka remø mo patha remme.